【互動故】【芒亨】各位獵人，歡迎嚟到神火村！

Y

【先去艦長室】

調查兵團係國家戰力同技術嘅最高標準，佢地嘅戰艦自然唔例外，係人民智慧嘅結晶品。當上呢艦船嘅艦長，呢個舉足輕重嘅位置，必定係一位有能之仕。

戰艦能夠係汪洋大海裏面恣意馳騁，靠嘅唔單單係船堅炮利，更加需要一個經驗老到嘅好艦長。

見過大風大浪，先可以係呢個變幻莫測嘅世道，乘浮桴渡海都安然自若、處之泰然。

你相信係佢嘅房間會搵到唔少有用嘅野，徑自就推開殘舊嘅木門，黎到艦長室。

點起房間內嘅油燈，環視四周，你發現艦長室即使係調查兵團全軍覆滅後仍然保存得很好，沒有受到太嚴重嘅損毀。

房間中心有一張大木枱，木枱上堆滿左如小山丘嘅札記、地圖、手稿；木枱左邊有兩個大書架，上面面厚厚嘅藏書散落一地，滿屋嘅文字圖鑒彷彿都係到印證呢到嘅艦長為此行付岀左幾多努力。

你隨手翻起木枱上嘅手稿，發覺有唔同地形嘅勘察報告，記錄住唔同魔物岀沒嘅位置，甚至連佢地各部位嘅肉質同弱點都記錄落黎。每一筆都充滿住作者嘅血汗，唔經歷過一次又一次死裏逃生嘅驚險，絕對得唔到呢啲咁寶貴嘅情報。

你忘我咁係到研究手稿上嘅內容，貪婪咁吸收上面記錄住嘅知識，連班仔悶得滯偷偷溜走左都唔知。

唔知過左幾耐，你突然聽到房間外面傳來怪聲，好似木板破裂嘅聲音咁。

「救命呀，有魔物追緊我呀！」

班仔嘅求救聲穿過木材，係走廊迴盪。

你收好手稿，連忙走到外面尋找班仔嘅身影，不過走廊黑麻麻，你根本咩都睇唔清。

「救命呀，主人！」

你唯有靠聲音判斷班仔嘅位置，應該就係倉庫附近，果然比你係通往底層嘅樓梯口搵到佢。

「咜⋯⋯嘶⋯⋯」

你聽到魔物發作類似蛇嘅呼吸聲，佢地光滑嘅皮膚反射岀微弱嘅光澤，照啱啱艦長嘅手稿記載，佢地應該係「毒狗龍」。

估計係倉庫內嘅裝住藥物嘅器皿都打爛曬，經過化學反應變成毒藥，吸引左呢群不速之客來訪。

呢到空間狹窄，狩獵笛難以施展，你留意到倉庫入面有金屬反射岀黎嘅暈光，你唔敢輕舉妄動，慢慢後退，卻發現後腳踏住左一個調查兵團團員嘅遺骸，佢手上都握住武器。

毒狗龍烏着身子，雙腿畜力，轉眼就會撲到面前，你決定：

A:借調查兵團成員嘅遺物（片手劍）一用
B:衝入倉庫睇下入面有無用得着嘅武器
（輕弩）
X:嘗試強行使用狩獵笛護身
Y:轉身逃跑

依家咁寫
寫白啲啲設定
會唔會太中二病？
定感覺好似會更加似rpg 代入感反而強啲呢？


大家中意邊種寫法多啲？

最快有3個A

a
我覺得宜家咁幾好，btw想要太刀

x

A

B

a

留名先

順手比個正皮啦

A 片手 即刻用JR

【借調查兵團成員嘅遺物一用】

你心裏抱歉，暗叫一聲得罪了，便從調查兵團手中借走佢嘅遺物，係一把由魔物素材製成嘅片手劍同埋盾牌。

劍身呈墨黑色，只有單邊開鋒，護手為獸爪形狀，塗上金漆，刀柄則係用暗紅嘅段錦包裹住，典雅嘅造型加上久未打理仍舊鋒利嘅刀刃，睇得岀係岀自一流工匠之手。

盾牌造型就更顯奇特，盾身用合金打磨而成，中間刻有魔物嘅象形圖騰，以此為軸，左右有數片利爪形狀嘅刄片嵌在盾面，令盾牌兼備攻守之能。

你提劍舞左幾朵劍花，手感比平時用開嘅狩獵笛輕上不少，刀身實際重量似乎比外觀嘅質感要輕。雖然唔算係稱手嘅武器，但馬死落地行，你嘗試用片手劍迎擊魔物。

毒狗龍離你一丈有餘，你身上嘅劍劍身不長，必須拉近距離，先可以造成傷害。魔物緊盯住你，尾巴低垂，戒備你嘅一舉一動。

狹路相逢勇者勝！

你不再猶豫，提起尖盾，衝向毒狗龍。佢側身勉強避開，但礙於走廊太過狹窄，幼長嘅身體都係比你盾上嘅利刃割傷左。

魔物吃痛，轉身揮舞長尾，有如鞭子掃向你雙腿。你見狀一躍而起，避過攻擊，舉劍劈落毒狗龍嘅頸，本打算一擊致命，可惜片手劍嘅刃身不長，無辦法將佢嘅頸一刀兩斷。

然而，你嘅飛劈都對佢造成唔少嘅傷害，佢轉身就想逃走。你豈會放過呢個機會，踏步上前，想要乘勝追擊。

趕狗入窮巷，通常都無乜好下場。

毒狗龍慌亂之間噴岀毒霧，殺你一個措手不及。一陣惡臭攻入你嘅鼻頭，你頓時感到天旋地轉，膝蓋發軟，整個人搖搖欲墜。

魔物乘住呢個機會逃走左，你被佢嘗左發顏射，呼吸困難，再無餘力去追。班仔見你虛弱嘅樣，顯得好擔心，着你服下隨身攜帶嘅解毒藥。

你服過解毒劑，沉重嘅呼吸慢慢得到舒緩，睇黎中毒唔深，你邊按摩住自己嘅太陽穴，邊作打算：

A:去倉庫搵下有無其他藥物
B:追上毒狗龍
X:前往甲板探索
Y:前往引擎房探索

X

B

B

x

y

A