【互動故】【芒亨】各位獵人，歡迎嚟到神火村！

梗係b啦 呢集笛勁啊

【一枝用樹木造成嘅巨大嘅笛】

你最後決定揀個枝用樹木造成嘅巨大嘅笛，你氣運丹田，用力一吹。

雖然你不諳樂理，不過通透嘅笛聲令你精神一振，有種體力充沛嘅感覺。

《獲得狩獵笛：龍之怒吼》

你跟隨住忍者男，爬過幾座山，幾經辛苦，終於黎到一個大樹林入面。

「你點唔點咖，行得咁慢。」

「你知唔知呢個樹林入面住左好多大到你唔信嘅「魔物」㗎？」

「咯哥咯谷～」忍者男係旅途中不停咁撩你傾計，一路同你介紹返你住個條村嘅種種。

神火村係一個獵人雲集嘅地方，獵人會狩獵「魔物」，然後將佢地解剖，用「魔物」嘅身體製成武器同裝備，有剩嘅話就會賣比村入面嘅商人。

「哈⋯⋯呀⋯⋯哈⋯⋯咁除左做獵人之外，重有無其他方法維生㗎？」行山都喘曬氣嘅你實在唔想搵命駁，想打聽下有咩門路。

「咁就難少少啦，神火村嘅人比較怕生，外人除左做獵人好難有其他岀路哈哈。」倪泰尷尬一笑，你終於知道忍者男個名。

「所以今日我特登帶你黎呢到，教你狩獵嘅技巧㗎！」倪泰手指遠方，個到有隻山咁高嘅巨熊。

話音未落，倪泰就一手扯起你，飛到最近巨熊背後嘅灌木林。

可惜你唔識輕功，撻落地個下巨響引起左巨熊嘅注意。

巨熊張開血盆大口，仰天長嘯，眼看就要撲過黎。

你決定：

A:轉身狂奔
B:推倪泰上前送死
X:拔岀狩獵笛應戰
Y:坐以待斃

Y

y

y

Y

y

【坐以待斃】

未見過大場面嘅你嚇到隻腳軟曬，倒坐地上，眼看就要成為巨熊雙爪下嘅亡魂。

「小心啲呀！」倪泰千鈞一髮之祭只好將你踢開，然後自己借力，飛去相反方向，避開攻擊。

好可惜，倪泰始終都反應唔切，遲左一步，你嘅胸口比巨爪擦過，爆左三條血痕，血如泉湧。

「吼！」巨熊咆哮聲震耳欲聾，風雲變色。

鮮血嘅味道刺激住巨熊嘅嗅覺，巨大嘅身軀慢慢迫近你。

你幾經辛苦，爬左起身，決定：

A:拎岀狩獵笛吹奏
B:跑去最近嘅掩護物
X:衝上前正面對決
Y:轉身逃跑

Y

隻game有咁嘅情節咩

多謝

a

Y

Y

【轉身逃跑】

你自問自己唔係咩戰鬥嘅材料，屠龍呢啲重任都係交返比專業人士好啲。

「倪泰！救我呀！重食花生！」你拔足狂奔。

只見倪泰又再借翔蟲之力，飛上高空，係腰間拔岀雙劍，旋腰斬落巨熊頭部。

佢嘅身法有如一個高速轉動嘅陀螺，斬擊之勢連綿不絕，巨熊由頭到尾嘅堅甲爆岀大量火花！

巨熊吃痛，轉身就往身上逃去。

「點呀你？有無大礙呀？」倪泰擊退巨熊之後，連忙過黎關心你嘅傷勢。

「未死得住，不過好痛，唔太郁到。」你挨左係石頭到休息。

倪泰見狀，拎左樽粉紅色嘅藥水比你，叫你飲左佢。

你身上嘅傷痕居然以肉眼可見嘅速度癒合，血慢慢止左，呼吸都變得順暢。

「嚟啦，「青熊獸」已經受左傷，我地快啲去追！」倪泰扶起你。

你心中不大情願，畢竟傷勢剛剛好轉，實在唔想又搵命搏，但倪泰啱啱又救左自己一命，一番好意，又好難拒絕。

你決定：
A:跟隨倪泰，追獵「青熊獸」
B:藉詞婉拒
X:建議倪泰先行，自己稍息後跟上
Y:欺騙倪泰先行，自己趁機回神火村

a

又話揀最快嘅留言?

X
自己去單刷金獅

揀最快嘅留言?
#46 我揀A架喎

a

唔好意思
改左最快有3票個option呀
上面有講

SOR，我睇漏咗