【互動故】【芒亨】各位獵人，歡迎嚟到神火村！

你越聽越心驚，不過始終有樣野諗唔通，伯賢一行人若果只係普通山賊，又點解要綁架水藝，佢直接挾脅陽炎嘅商隊唔係更好咩？

你有種預感，此事內裏有更大嘅陰謀，你必須盡快行動：

A:前往要塞 質問陽炎
B:會合班仔 試圖離開神火村
X:嘗試疏散村民 減少傷亡
Y:到野外顧察《百龍夜行》的情況

分析下先：

A:前往要塞 質問陽 ： 個人覺得我地外人一個可能得到的答案唔多。何況人地係裝你彈弓想你失敗問得到的情報可信度成疑。所以唔推薦。

B:會合班仔 試圖離開神火村：逃避不可以解決問題。

X:嘗試疏散村民 減少傷亡：呢個唔系我地責任所在。我地係獵人，唔系保安。

Y:到野外顧察《百龍夜行》的情況：呢個係責任所在。

我投Y。附加出發前同村長通報伯賢一事。

y

X

B
有貓萬事足

Y

Y

我投執多水藝一劑先

今晚會更
呢幾日都好忙
唔好意思

【到野外顧察《百龍夜行》的情況】

知己知彼百戰百勝，目前形勢唔明朗，即將到來嘅大災難嘅大部分情報你都係道聽途說，你決定親身去驗證下《百龍夜行》嘅恐怖。

你同水藝道別過後，便到隨從廣場會合班仔，打算整頓好裝備就岀發。班仔雖然睇落重未好返曬，不過一聽到你話要岀發考察，就連忙話自己無事。你有啲唔忍心，但係此行凶險，有人可以互相照應始終係好事，就默默接受佢嘅好意。

整理裝備嘅過程中，你發覺原來一路以黎，都無乜點好好保養同打理佢地，刀鋒上佈滿住鐵鏽，用咁嘅武器又點可能狩獵到強大嘅魔物呀。

可惜，依家村入面嘅刀匠都比徵召到要塞幫手，你就算有錢，都無辦法做一把新嘅武器。你臨走之前，隨手拎起係戰艦入面收集到嘅寶物，希望遲啲可以用黎交換到啲有用嘅野。

準備好之後，你同班仔就岀發到群魔集結嘅熔岩洞。

對於好多獵人黎講，熔岩洞係一個金礦。此話並唔係話呢到啲魔物嘅素材有幾稀有，而係高價礦脈係呢個島嶼有如星羅棋佈，只要你有本事係隨時噴發嘅活火山，同凶猛無匹嘅魔物夾擊下生存，要發個橫財也不難。

然而，係《百龍夜行》嘅影響下，呢到一個人影也不見，龍影倒是黑壓壓一片，幾乎將大半個太陽遮去。

俗語有云，登泰山而小天下，你以為自己已經對魔物體型之龐大有深刻嘅體悟，點知見到岩龍嘅時候，你重以為自己中左幻術，一座石山係瞳孔慢慢放大，嚇你一大跳。

只係最教你意想不到嘅，係平時地盤意識極強嘅魔物居然成群結隊，向住要塞方向進發。你心裏暗暗叫苦，呢個數量嘅魔物，恐怕陽炎還未發大財就得先到地府報到。

領頭嘅係一頭長住紫色鬚毛披住粉色鱗甲嘅巨龍，每踏一步就有幾縷白煙從佢嘅身上滲岀，強大嘅熱能甚至連埋伏左係山頂嘅你都感覺得到。

屌唔住
聽日繼續

你記得戰艦上手稿上嘅資料，呢條係蠻顎龍，佢強而有力嘅下顎可以撕碎任何來犯嘅敵人，體內儲存嘅熱能甚至可以熔化礦石，係呢個島嶼基本上沒有天敵。

佢身旁重聚集左姫蜘蛛同赤甲獸呢啲喜好酷熱天氣嘅魔物，要是不幸比佢地發現，恐怕會𣊬間被四方襲來嘅火焰蒸發。

有危就有機，你留意到距離魔物群不遠處，有白光閃閃，似係有啲咩吸引嘅事物掉落在地，你心裏掙扎：

A:上前查看
B:掉岀苦無 吸引魔物注意
X:靜侯魔物離開
Y:返回神火村

X

等下咪算囉，反正佢地都走緊

x

X 幫下樓主
可以快啲繼續寫

X
會唔會執到寶玉