雖然我冇幫趁過呢間野,唔知老唔老實,但如果要先錢後驗貨千祁唔好幫趁,好記得有朋友幾年前經price去xmobile訂部手提電話,店員話因為唔會keep現貨要特登搵代理訂,叫佢先入錢到銀行,後到鋪頭取貨,佢去到鋪頭試機,冇插牛開唔到機,店員話新機係咁,幫佢插牛試,返到屋企當然充唔到電,佢拎落鋪頭要求一換一,鋪頭話冇貨,要等一個月,叫佢拎去代理維修部,佢就要求退錢,店員當然唔肯,最後報埋狗,黑狗上到黎,話係私人糾紛,佢地做唔到野,叫佢地自己解決就收隊...
朋友無奈拎上代理,居然話師傅check到部機入過水,人為損壞要俾維修費,費用等於佢半部手機.. 最後佢拎去街鋪俾人整,好似使左六舊幾水..