Canon 用戶討論區（23）MOKO 20樓新毒氣室開幕 一闊三大

肥花買鏡其實都係差唔多價

起碼我買過枝RF35.8同RF2470都係跟街價

我玩單反買出咗一排嘅鏡都跌咗唔少價

頭先去萬成買少少配件，離遠已經望到門口兩邊各企兩個店員，唔講以為入左大陸酒樓，行人去度體溫後，就被個店員人釘人跟住，問我要乜，我話睇睇先！兜個圈，佢又從後跟住兜圈，除店員外，成間鋪得我一個，最後買少少配件走人，等出單找錢過程店員好熱心咁問我用緊乜系統？有冇興趣換機或者買支鏡？最後連相機袋、氣泵、抹鏡紙都想sell我.... 到我行出門口仲聽到幾個店員講 "多謝幫趁，下次再光臨！"

我已經係中坑，從讀中學時已經幫趁雙成，當時已經覺得佢地好有性格，到十零年前佢地掛住做自由行，店員個個對眼更加生上額頭，對港客態度特別差，所以無謂阻人發達，就開始冇再幫趁佢，估唔到而家咁情況，冇自由行，店員變返正常人，居然會向我笑同講多謝，其實真係唔多慣...

我諗雙成真係 黃金時期跌到地底

之前入去睇腳架，sales好有禮貌喺我距走前講咗句：「多謝參觀」，之後所有機同鏡都無喺雙成買了。

想買支二手鏡

其實成日係肥花放嘢個爛皮梳化收賣佬啲鏡點

買過幾次 ok 但你要識買

係咪反而唔慣？感覺好詭異？
以往入去都係隱形人一個，冇店員理、冇人在乎你存在，可以好盡情window shopping，睇完就當買左！
而家入到去好似有盞spot light射住，全部店員望實你，甚至跟住你行，睇野都睇得唔自然，有種好想快d離開感覺..

有咩技巧

咪都係嗰啲睇下有冇塵有冇花

如果賣家聲稱件貨正常，我拎上手會睇清楚有冇佢事先所講以外明顯花痕，尤其是鏡片，再全開光圈於燈光下望一次鏡片有冇發霉或者沙石 (有d鏡，例如Sigma ART鏡冇接相機會全收光圈，就自己執生)，細細力、慢慢咁搖支鏡，感覺內部有冇零件鬆、甚至甩出黎郁黎郁去，用手指頭貼住mount位摔一兩個圈，感受mount位螺絲頭有冇"pay口"，如果支鏡被粗暴拆過，螺絲頭好可能花晒爛晒，再望望螺絲齊唔齊、上filter位置有冇花晒兼滑牙、仲有鏡頭最前端，印有鏡頭資料膠圈完唔完整，有冇痴到凹凸不平，因為大部份鏡頭拆開時都要撕開膠圈...

Check晒外觀冇明顯問題就可以接落相鏡試，都係不外乎試有冇大走焦，對焦/變焦環順唔順，有冇過緊過鬆、雜聲之類，仲有光圈收放有冇問題 (我通常會試最大、中間、最細三個光圈數字)，試晒冇問題，最後睇埋機/鏡之間連接有冇鬆，有冇不尋常虛位，都冇問題就睇睇跟配件齊唔齊，例如賣家聲稱齊包裝、跟原裝hood、購買單、保養證之類 (對埋鏡頭號碼)...... 全部冇問題就俾錢，全程五至十分鐘搞掂！

Detail到
賣就賣得多 真係好少買
咁ebay買鏡咪賭咁滯

我反而極少賣二手野，尤其是鏡頭，因為好怕撞到驗屍官，拎住支鏡左照右照，有粒塵話減二百、有條幼過頭髮絲花痕又要減二百... 心諗而家你係買二手野，有正常使用痕跡好正常，要冇花冇塵死去買全新啦！試過兩次感覺條友有心借意壓價，立即收走唔賣，所以我d鏡閒閒地都跟我十幾年，最耐果支EF 70-200mm f/2.8冇IS係1997年買落..
至於外國網購鏡頭，保養本來已經係水貨看待，加上有一定風險，除非平香港行貨好多，例如平兩成，否則都唔會搏，所以從來冇買過，我人生連水貨鏡頭都只買過一次，仲係香港鋪頭買，係Canon 300mm f/4 IS，當時行貨剛好一皮野，水貨$7980，真係相差兩成，仲因為係定焦，比較少走焦問題，所以至買水貨... 反而攝影配件就成日外國網購，閃燈、柔光箱、燈腳、燈夾，甚至膠布，都係網上訂..

一直用開kit

前排手痕買幾支水貨副廠 平就平唔少

但玩厭放出去個價就好閪先有人接

對付到場壓價撚一係落不議價 一係落不接受即場議價

我自己就一定唔會講價

咩外國page 買
我只識去塋記

如果買新野主要去B&H，少部份會Amazon，近年仲有Adorama，不過因為佢運費比較高，係冷門到佢至有至會幫趁，主要都係前面兩間...

我會試埋對焦，擰到無限遠對最近，由最近對無限遠，試幾次

有無巴打知邊度有50 1.4賣？
行咗天祥肥花都話唔會再返貨

二手就嚟2000一枝

訥枝痴l線 明知AF已壞 optics又唔好
二手都夠膽叫咁高價

呢枝痴l線 明知AF易壞*

Ef鏡 乜鏡都高

就係驚摩打壞 先唔敢買二手

R5 R6 1DX3 有更新了