開汽車美容店 你問下 我又答下

做鍍膜原理係有需要曬燈(即係短波紅外線)
可以令到鍍膜中既分子產生動能 從而令到分子之間連結得更好
咁鍍膜會相對地維持得耐左

當然無曬過燈算唔算做做鍍膜 都算既 始終佢都有用到呢個產品 只不過無將成件事做足晒 我覺得無咁好囉

至於關於你問Keeper 好唔好, 我唔會話佢好或者唔好
我覺得應該睇你自己覺得個性價比啱唔啱你心水

補油我無做 我見呢一版有人話係做緊噴油學徙 你可以問下

其實坊間有幫你做足功夫既舖頭已經可以做得到
我覺得你應該要諗既野唔係幾多錢 係舖頭有無幫你做足功夫
如果你想做完鍍膜有跣水效果 可以好簡單
最緊要佢有無幫你脫油脂 脫完再幫你上鍍膜 再曬燈
基本上有做呢三樣野 甚至無曬燈都會有呢個效果
但前期佢幫你除鐵粉 去柏油 漆面修復(你可以理解係拋光打磨等令漆面變滑既工序) 做得夠唔夠好 呢樣先係最值錢野

打個比喻
你買部新電話返黎 你想買個Case套住佢 要用幾多錢好易計
但如果你部機有花 要做到佢好似新機咁先 你點去衝量修復得足唔足夠 同埋值幾多錢 呢個係最難計既數 每個人心裏面都可以完全唔同計法

你用咩野做潤滑劑? 其實推泥膠都有技巧 唔係話放落去一推就識
同埋我建議買淺色泥膠 因為深色可能會睇唔到其實泥膠已經好污糟

基本上呢個價錢既鍍膜已經唔錯 通常用料都已經可以Keep到5年
當然前提係無比人呃 呢一點先係最重要

鍍膜Keep 得耐 Keep 得到 其實唔等於架車會無花痕 呢個係好多車主既誤區
首先 你點樣保養架車係好大分別 成日曬 / 泊露天 / 有車場工人抹車 呢啲原因會令你鍍膜維持得無咁耐
第二 日常洗車你點樣洗 你如果下下一黎就用濕布一下抹落去 乜都比你抹花晒
第三 其實就算你做長年期都要返去做保養 因為佢隻料係會停留得耐啲 但唔代表100%唔會流失 同埋就算鍍膜仲存在既時候 架車都會有花痕產生

如果你長期泊街 可以考慮做PPF 一次過一筆錢 又無咁易整花架車
但如果你係白色車 我建議都係做鍍膜算

多謝巴打回覆 學到野

我見過好多車門柄位有花痕 其實都比起車身其他位嚴重
因為隻手成日插入去開門 好容易比唔同既野刮到 例如戒子等物品
有啲嚴重既其實食得好入 拋光打蠟未必搞到 同埋果個位無機器要手動打走佢都幾辛苦 又唔就手又易左撞右撞

至於用蠟邊隻特別好我都唔敢扮專家 尤其是好多唔同品牌都有出差唔多功能既打蠟產品 我亦都無一一試過 我只係用返自己認為性價比最高 最容易合適大部分車主既幾款蠟 你想了解更多建議可以上返Youtube 或者要等其他有研究開既CHING幫手答

有無做包ppf 想包下部車

就咁用soapy water
潤滑劑好緊要？
有咩技巧

求tg

師兄莫非你係連登車台清泉？

（但清泉搵唔到飯食架師兄 宣傳吓自己無死嘅

Keeper pro做鍍膜都偏貴 我淨係去過洗車
樓主知唔知佢哋啲手工係咪真係咁好？
好sell日本工藝嗰啲

電單車有無得做

想問架揸左7，8年。行車都成日聽到鬆散既聲音
有無翻新所有野整返實淨？

開雨潑好似啜住左咁有聲 會跳 可以點解決
聽人講話做完鍍膜有機會咁

有 不過都係果句 我暫時無打算宣傳自己舖頭

建議包PPF唔好貪平 手工非常影響維持時間同觀感

用返一般Detailer Spray都可以 有除污功能可以輕鬆少少
其實你做得幾次熟左 用Soapy Water或者無水洗車液都得
建議唔好用清水推 因為清水小左潤滑功能 無咁好推 同較易推花
同埋唔好轉圈推 最好 前後 / 左右推 如果情況許可 暖水會好推少少
用既時候記得多啲搓圓撳扁 表面盡量唔好太污糟
捽落係要用啲力 你會覺得卡住卡住咁 要推到佢滑晒
泥膠唔駛太大塊 同我張相差唔多大就差唔多 太大發唔到力無乜用
同埋坊間D泥膠手套唔建議用

唔好意思 暫時唔打算宣傳自己舖頭

我都明白 但係一宣傳自己舖頭成件事就會變質
與其為左搵多左少少生意令大家都學唔到野
不如比大家都學到野 第日識得揀舖頭去幫襯
當然我都希望到時大家會揀中我舖頭

之前都有提過 我唔會話佢地好唔好
我覺得應該睇你自己覺得個性價比啱唔啱你心水
只可以講佢個價錢坊間唔係無選擇

洗車百幾蚊一次抵唔抵？

電單車淨係幫幾個朋友做過 覺得唔係好好做所以無接單
施工面積細難開價 難落機施工又驚佢企唔穩

呢個問題可以好複雜 最複雜係要搵到邊樣野鬆散先知要點樣救
就好似架車要維修電線有問題 最難係搵邊Part電線有問題

無錯 有好多可能性可以解決到 亦都可以一路都解決唔到 我比少少建議你 你考慮一下

重新做過玻璃鍍膜
換過塊玻璃窗

以上兩個係最有機會徹底解決問題既方法 不過我知你心裏面問候緊我
收返埋先 我比啲真係可行既方法你

換無骨水潑 有可能解決到 可能嫁咋
加啲Soapy落水潑水度 平時開水撥前射兩下先