開汽車美容店 你問下 我又答下

簡單啲理解
鍍膜可以抗氧化, UV, 較易清潔雀屎, 雨點等污漬 好處一黎平 二黎做左會較容易洗車 三黎唔需要好似打蠟咁成日去做保養
PPF 最睇到既功效係相對地可以防止路邊碎石彈花架車 亦有鍍膜咁上下功能 但跣水同亮澤度相對無咁好 亦有啲牌子抗UV 雨漬 雀屎能力都無咁高 同埋做有牌子既PPF 平極都2萬起跳 平過2萬果啲真係要諗清楚

https://youtu.be/OFTuDE8RQVg
paint protection大致上可以分
-wax
-wet wax/spray wax/ quick wax/ detailer (佢哋當中當然有少少分別)
-sealant (可以當係wax嘅進化版)
-ceramic coating (乾咗會硬，你可以當係mon貼咁)

理論上耐久度: ceramic coating>sealant>wax>wet wax

留言話有隻ceramic coating 係2 USD 但last到年半，個人認為已經好過曬啲無test 過durability嘅ceramic coating

你想方便啲可以用meguiar's hybrid ceramic wax，一噴一抹就keep到年半，但貴啲。 唔驚煩嘅可以用 turtle wax嘅 seal n shine， 幾個月噴抹一次，依個就平啲。

講漏咗/講錯咗嘅請指証

講漏咗，seal n shine嘅chem resistance好過 meguier 果隻，所以對雀屎應該會好啲

我用turtle wax嘅hybird polish & wax，效果已經好好， 之後噴多隻sealant，再耐用啲

真，car detailing 可以辛苦過返餐廳， 淨係polish一次架車已經好多個step同prep work

鍍膜大概可以keep幾耐？做完鍍膜一年，可唔可以打蠟？

要用返水溶性嘅polish 蠟。用錯蠟打落去會好朦。

水油係特別易花同無咁耐用， 預五年貨仔。

可否問問邊度可以買到 diy 用鍍膜kit, 謝謝

你個情況我唔太建議 坊間亦有啲舖頭話自己上完鍍膜再打蠟 我直頭黑人問號
除非你諗住黎緊唔再靠鍍膜發揮功能 如果唔係鍍完膜就唔好打蠟
因為打蠟既工序會令鍍膜既功效快速減少 甚至失去效果
如果你覺得個鍍膜已經無左跣水功效或者減弱左好多 想做返保養 可以考慮重新再做返打蠟/鍍膜去保持返跣水既效果 因為鍍膜都有分唔同年期 可能某D鍍膜產品已經失去左佢既效用

邊度有一套買我無留意 但你想DIY可以比建議你
洗好架車 除左鐵粉 推泥膠 去左柏油漬 再拋光劑打靚架車 之後用脫油脂產品脫油脂後 再上鍍膜
全部都可以單買

水油漆唔太建議新手自己做 因為好多車主無處理水油面既經驗 好多時會搞到架車一忽忽 最後要搵人執手尾收得仲貴

樓主想請教下
如果出去洗車打完蠟
摸落去都係好似砂紙咁鞋
打完水晶蠟好左少少
但都係無人地咁滑
係點解？

打臘前推泥膠可以令個面滑啲

巴打想問兩樣野

1. 架車淋完雨番到車場，係咪應該用毛巾抹佢？但就咁抹既話，咪會帶埋原本d沙石一齊抹，會唔會花？

2. 之前架車一直都keep得好靚。去到後期太懶轉用左美光隻quik detailer噴完再抹，最尾噴埋quik wax，效果都唔錯。但想問下如果長期都用呢兩隻quik deatiler+wax（可能兩三個月打一次paste wax) ，會唔會花？

如果係出去做完變到好「鞋」
有可能間舖用左唔正確既方法幫你做左啲野
或者本身架車已經係咁樣但你之前無留意
但係要架車變得「鞋」手都唔係短期可以造成既事
如果你想自己處理 建議你先洗好車 再推泥膠 再用粗蠟打一次 再用幼蠟美光打多次 睇下會唔會好啲

有無香精係整到係新車果陣味

1. 車身無論咩情況 都唔建議直接落布抹 因為砂石會令你架車花晒
如果情況許可 建議你搵水喉淋晒全架車先再抹架車
如果連水源都無 建議你平時放定一支 無水洗車液 先噴落車身 再用microfiber布抹車 但記得唔好來回抹架車 要向同一方向抹 同埋唔好慳布 抹完一下就用塊布另一個位抹 抹到成塊布都係就換布 咁樣會盡量少啲花痕

2. 其實坊間出既Quik Detailer 產品都足夠你日常保養架車既車漆 再架埋你會自己再打蠟 我建議你半年-一年出去美容店做一次打蠟 因為屋企車場一黎未必夠光 二黎你未必做得足夠修復 三黎唔知你架車平時會點keep 長年累月可能你會忽略左某啲地方而令車漆情況變差

我見坊間有出呢啲產品 但我唔建議用 始終係化學野 越濃味越容易令氣味殘留 平時又太陽 又濕氣 慢慢會變成一陣酸味

有冇天然既推介

鍍膜係咪一定要曬燈先係真正鍍膜？
其餘果d好似keeper pro果d係咪渣野？

巴打 有冇做埋補油凹凸之類嘅服務
同埋舖頭係咩位置呀

其實想架車反光d
洗車懶d淋下水
幾錢左右鍍膜做到以上既野

泥膠到底係點推
見人地叫輕輕力係面頭帶過
我要好用力 來來回回先卒到啲污績出黎
幾時要換新泥膠呢

D 6-7千蚊話keep到5年既鍍膜堅唔堅?
係咪真係有鍍膜keep到咁耐
同埋泊街既話係咪打蠟好過鍍膜

坊間產品我無推介 不過見過有人搵啲咖啡渣返黎 曬乾佢 / 叮乾佢 再搵容器裝住放入架車 (要注意唔好比佢倒出黎) 架車會有少少咖啡味 開車都精神啲 而且咖啡渣有僻味 除濕效果