開汽車美容店 你問下 我又答下

即係咪包膜係最呤同最耐久？

香港有冇detaling
如果有都感覺無youtube 鬼佬個d咁細心
鬼鼠位實唔幫個客去做 實情係咁咪
華人社會做生意始於係仆街

另外, 做個陣係唔係真係咁鍚車, 做內籠個陣,
整到d門板內飾花撚曬, 交車個陣會唔會認數

梗係唔認數啦

推

呢個笑撚咗

自己搵水電加inverter加水電charger砌囉
要幾大都得
不過你要諗計點差番去
當電動車咁係慢差位差

9粒85Ah車水電並聯加隻足1800W既inverter夠推4個鐘

Honda 車都係水油 不過相對無Subaru ,Ford咁易花
當你係Spike 我舖頭鍍膜收三千中至七千中都有
分別係做唔同既野 唔同既鍍膜 坊間都好多類似收費

Fk8
係咪都有三千零蚊嘅做

包膜首先要睇你咩色車 如果係白色車既不如放棄算啦 無一隻膜係唔會黃 你兩三萬包一包膜 玩兩年就會變黃
如果係深色車 包膜都好既 因為佢除左有光澤 油潤感之外 仲可以幫你防止石仔彈花 不過要睇下捨唔捨得駛錢落去做呢樣野

有就一定有既 不過我眼睇確實唔多
同埋好簡單一個計法 當我成本只需200蚊一個鐘
要開你咩價錢先有錢賺 開到我有錢賺又有幾多車主願意比
坊間太多呃人既舖 幫你做個鍍膜收二千幾蚊仲要係二人同行價
講到又幾層鍍膜又深層研磨 講真我淨係要幫你上一層鍍膜 抹乾 曬燈最起碼最起碼都用一個鐘 係一層啵 我上足三層都用左三四個鐘去 雖然唔知點解果間野要上多我幾層 但係啲客就係信 真係吹脹

至於你講整到門板內飾花晒 我相信係個別舖頭有問題
架車咁細咁窄 上落 做野多少都一定有撞到下 問題係有無小心盡量唔好撞到 或者撞到後有無檢查有無問題 有問題又有無搞 定係扮無野

講多少少
我一開舖既時候幫人洗一架車收二百頭
用PRE WASH, 噴泡泡 高壓槍, 包吸塵 內籠基本清潔 內外玻璃清潔 胎軨除鐵粉清洗及護理
一個師父洗一架車用個幾鐘 兩個師父一齊做都大約九個字
但係始終不敵大部分人既無要求 聽得最多既係客戶同我講 去XX度洗車只需100蚊 話我貴
我都想做靚野 但係我都要搵食 要交租出人工 唯有可以做既就係將自己 STANDARD降低 去迎合返大眾既STANDARD

呢個價錢佢無錯 佢都有寫明係上門鍍膜試玩價

不過可能你錯左重點 上門鍍膜試玩價

試玩 果個可能係佢

性價比咁低 成本咁高 上門價錢咁平 咁做生意連粥水都無得食

我而家既Plan 做隻日本鍍膜
內外洗靚架車
推泥膠除鐵粉柏油漬 脫脂除油去蠟 基本車漆修復 車燈鍍膜 玻璃鍍膜(不包除油) 一個師父實際落手施工時間要14~16個鐘 收緊四千頭

咁包膜用到幾多年？第時換洗唔洗斯舊嗰塊先再包同洗唔洗加錢拆？

想問師兄新車落地做咩鍍膜好？
BMW 3系黑色車

巴打你間鋪係邊
有啲興趣

包膜睇手工同用料 當用返正常牌子 手工做得好 (坊間好多做得唔好 一年左右開始會甩 / 收邊位會彈起) 我自己建議3-5年換一次
理論上 3年 係無問題
實際上 係車GROUP聽過有人話用左5年都仲用緊 但我無見過果部車
換既時候一定要撕走舊嗰塊 正常都會有啲膠漬留低 通常大部分舖都要加錢做返清潔

新車落地 如果你好在意會唔會有石仔花 我建議你做PPF
就好似買部新電話 好多人會痴芒貼 用CASE咁既原因
做鍍膜其實用返大牌子都得 重點係間舖要幫你做足功夫

Thx bro 😎

巴打有冇邊隻蠟有咩特性分享下，始終一罐打幾十次，好難去試咁多隻

我又冇揸枝槍逼佢咁做
我要幫佢計埋維唔維到皮？我有得分？

講真我都無好深入研究邊一隻邊樣特別好 始終呢個年代打蠟既市場已經逐漸被鍍膜侵佔 我自己用過幾個大牌子都覺得唔錯 不過網上其實都好多youtuber 有講每隻有咩好 雖然都係賣花讚花香 但通常讚得都唔會差得去邊 我都唔敢係度獻醜 始終自己唔係專呢樣野

meguiars turtle soft99 3m 其實我覺得唔係爭好遠
你如果自己做我建議你諗邊一款蠟最啱你用 好過揀咩牌子啱你用 你肯落手做 相信你都有研究過唔同既蠟有咩特性 分分鐘你識得仲多過我 始終一間普通公司 要選擇既係性價比最高 多於邊隻蠟最靚 除非係專門做打蠟又收得起價既舖

題外話 我試過有啲本地舖頭 推得好勁話隻蠟點好點好 但係用落又無話特別好

鍍膜同PPF最大分別係咩？