開汽車美容店 你問下 我又答下

覆咗FB喇 下個星期過泥搵你傾

新手啱啱買咗車
有冇邊隻洗車液推介同啲必買工具
上網睇要預洗再洗車 姐係最少要用兩隻洗車液？

Sorry 可能令你get錯左，唔係公司車，不過會泊公司，而公司個位又露天又曬又多雀屎，以前洗車都係自己洗或者出去啲電腦自動洗車到洗（高壓噴水噴泡噴水鍍膜吹乾果隻），如果係咁你建議貼隔熱紙好，定鍍膜好？

fb廣告見到, 幫緊部藍色mazda包緊PPF
係咪呢間

Tg: CyberTrump


加我，想幫襯你

提提你, 人地舖頭冇得免費幫你叉電嫁喎

到時過黎問

btw舊車係咪唔建議蒸籠？連登好多巴打話有機會冚頂
同埋你哋有做臭氧去塵蟎，但臭氧唔係對車籠膠同皮製品冇咁好

想問其實啲咩鍍膜 貼膜有咩分別 ？同埋有分唔同硬度 唔同硬度又keep到幾耐？
重有如果到搣個時會唔會傷到車漆？

部車上手車主貼咗黑色頭冚貼
覺得有d mk想成張撕咗佢
點搞好？

洗唔洗起晒鋼

4年洗車打蠟、拋光鍍膜、人手PPF、少量裝拆經驗師傅，樓主開幾錢人工？

想問係咪D字頭？

唔好意思 暫時唔打算公開名 如果會公開名一定話你知, 多謝支持

如果已經出現在蜘蛛網紋 點洗都洗唔走 拎出去打蠟或者鍍膜都可以解決到 但前提係舖頭有做足功夫 幫你打走左 而唔係用蠟Cover左啲紋
如果係Cover左落去 洗幾次車又出返黎

預防蜘蛛網紋出現唔容易 只能夠多啲幫架車做打蠟 鍍膜保養 少啲曬太陽 濕左沖水再抹乾 就好似皮膚保養咁 無啦啦都可以生暗瘡 只可以勤啲保養令出現既機會細啲

我都有諗過咁樣做 不過我開舖做生意唔敢摶 因為一黎唔平 二黎真係有問題我都唔知可以追邊個

好 多謝你支持

我都經歷過新買車時期 我建議買最平既大牌子洗車液 買一大兩細MarcoFiber布 買一個可以摺埋既桶 如果你有朋友有呢啲工具 直頭唔好買 你一個月內洗到3次先考慮買唔買其他用品 或者你出去自助洗車舖洗幾次先 因為夏天咁熱其實都幾辛苦
依我經驗 大部分人洗得三兩次就唔會再自己洗 一開始唔好用太多錢喺呢方面 尤其是夏天 你分分鐘洗完第一次就唔會洗第二次

咁要睇返你個人習慣
如果你用隔熱貼 車漆面無適當保護 雀屎 陽光 雨水 UV 等等會令你洗車時無咁方便之餘 車漆都會殘得快啲 同時車籠只係降低左溫度 但平時有太陽曬到都係好熱焗住 而且上車時都係熱辣辣 內籠都係有需要做護理

如果你做鍍膜 車漆面有保護 但係雀屎 陽光 雨水 UV都一樣會影響你車漆 只不過相對地殘得慢少少 洗車會方便啲 車籠同樣都係好熱 要做好護理

如果我自己係你呢個情況 我會咁樣選擇
做鍍膜等漆面靚啲 上TB買個放車頂既布幕 減低太陽直接照射 落雨淋濕 雀屎等問題 收埋果陣用個大膠袋笠住佢 唔理污糟 間中洗下個布幕
而且絕對唔去自動洗車屋 不過廢事講人壞話 但我自己一定唔會去

暫時唔打算開名 不過你可以試下係我公司門口大叫終極渣滓
如果你搵得啱我地舖頭 我好樂意同你相認

唔好意思 暫時唔諗住主動公開自己舖頭名 不過你可以試下係我公司門口大叫終極渣滓
如果你搵得啱我地舖頭 我好樂意同你相認

傳統蒸籠真係唔建議 因為咁做只不過放左部噴蒸氣既機入你架車
本來個Concept 係幫你用高溫做消毒 但係呢個方法溫度仲低過你架車夏天泊街 而且仲要搞到架車濕晒 咁啲膠就會好自然地甩晒 所以出現「霖頂」既問題出現 我地個做法 會用蒸氣噴槍直接喺清潔緊既位置噴落去做清潔同消毒 咁樣做會少左好多濕氣 但都唔能夠百分百防止「霖頂」既問題 只不過起碼有高溫消毒過先 霖都霖得條氣順啲先

做臭氧空氣消毒 對膠件同皮件都會有傷害 但係隔一段時間先做一次其實影響唔大