44 Like
9 Dislike
南區珍妮佛羅培茲
2021-03-04 03:07:17
新讀者留名!
紅白藍妹
2021-03-04 16:21:32
大力一推
微糖小冰
2021-03-04 19:00:15
「Anyway,尋晚多謝你。」我說。
「我地係flatmate,唔好咁客氣啦,你有咩事可以隨時入黎搵我。」他說。
我忽然想起昨天晚上的遊戲:他愛上過補習社的人,然後收起最後一隻手指,那個人到底是誰?
是誰都不重要。
或者,他對我好只是因為「我地係flatmate。」
微糖小冰
2021-03-04 19:53:10
那年夏天,他憑著他本來大學讀的專業找了一份工作;而我,找了一份社區中心的青年工作。
那天晚上,Johnson和Karrie也搬了進來。
Johnson是一個比Ken高大許多的男生,看他搬動紙箱時鼓起來的肌肉,他應該是常常健身的。而Karrie是一個高高瘦瘦的女生,眼睛大大的,頂著一頭啡色的長髮,是很典型ig上會看到的美女,但是總記不起名字的那種。
一整個下午,他們兩個都在房間裡,忙著整理房間的東西。而我和Ken就坐在客廳的梳化上打Switch,一直到天黑。
外賣終於來到,Karrie和Johnson也從房間走了出來。
這是我們的第一餐晚餐,也是我們第一次坐下來好好聊天。今天點的不是台灣菜,而是Pizza和炸雞,不知道為何,新居的慶祝好像還是這樣比較適合。
Ken從廚房拿過幾罐啤酒,然後遞給我們。
「我地慶祝今日新居入伙。」
然後我們四人碰罐。
「飲杯。」我們異口同聲的說。
「嗱,呢杯我敬你Ken哥,多得你,我先同Karrie搵到個咁好嘅地方。」Johnson拿起啤酒向著Ken。
「哥咩哥啊,大家一場兄弟,咁啱搵到好地方姐。」Ken忽然變得豪氣,然後跟Johnson又喝了一回。
「喂啊,空肚就唔好飲咁多啦。」Karrie嘟起嘴巴,拉著Johnson的手臂。
「我地不如食野啦。」Ken把盒子打開,然後把一塊Pizza遞給Johnson,Johnson又把Pizza傳給Karrie。
這一餐晚餐,沒有想像中的尷尬,大概大家都是在大學宿舍裡打滾了好幾年的人,早已學會如何跟陌生人相處。短短一個小時的認識,當然說不上可以談心,但至少基本背景都大概了解了。
晚餐去到最後,我幫忙收拾桌上的東西。
「Ken哥,不如我地今晚黎個酒聚,話曬黎緊一齊住,熟啲都好啊。」Johnson搭著Ken的肩膀。
「你洗唔洗抖下啊,今日先搬完野?」
「搬野好輕鬆姐,平時做開Gym嘛。」
「Karrie唔洗休息下咩?」Ken望一望Karrie。
「我ok啊,唔得啊神會幫我頂嫁啦。」Karrie看著Johnson。
「咁Joyce呢?」Ken看了一下我。
「好啊。」我爽快的回覆。
酒聚只是一個幌子,讓酒精麻醉自己才是背後的目的。
微糖小冰
2021-03-04 19:53:59
今日出到呢度,聽日會更多少少
所有的快樂說hihi
2021-03-04 21:19:01
G持
回去吧回去吧
2021-03-04 22:07:08
快咗喎
微糖小冰
2021-03-05 04:38:37
多人推咪快少少
微糖小冰
2021-03-05 17:09:49
Ken放好一檯的酒精,每人一隻杯子。
「既然我地黎緊一齊住,都要了解大家多啲,不如我地round status?」Johnson問。
這樣的開場白就像在宿舍裡面和一班不認識的人隨機酒聚,只是環境換了。
「哦。」雖然以這個話題開始有點尷尬,可是我沒有拒絕。
「嗱,咁我開始先啦,我O3。」Johnson說,然後看了一眼Karrie。
「唔......唔......」Ken做作的清一清喉嚨,迷之一笑。Johnson用肩膀撞了他一下。
「我O2。」Karrie說。
「A4啊。」Ken說。
「仲係A4?我都唔明點解hall咁多女你都唔溝翻個?」Johnson急不及待追問。
「冇feel囉。」他冷淡的拋下三個字。
Johnson咄咄迫人的繼續追問:「你同Angela點啊?之前咪話人地好似好pure嘅。仲有冇聯絡啊?」
「冇啦。」Ken依舊冷淡的回應。
「要唔要Karrie介紹啲姊妹比你?」
「唔洗啦,呢啲野隨緣啦。」
「定係你放唔低個ex?」
「冇啦,都咁耐喇,過左去唔好提喇。」
「你身邊大把女女嫁,點解唔揀翻個?」
「欸,總之有會同大家講啦。唔好講我啦,啊Joyce status呢?」
「A1。」我說。雖然我張著一副A0的樣子,可是我是貨真價實的A1。
「吓,你係A1,我一路以為你係A0添。」Ken有點驚訝。
「洗唔洗咁大反應啊。」我睥了他一眼。
「不過好多人都咁講,乜A0真係有樣睇咩。」
「個feel似。」
「喔。」
微糖小冰
2021-03-06 10:30:28
酒game不也就是為了喝酒。
才玩了三輪,Karrie就已經不省人事的樣子倒在Johnson的懷裡。於是,我們三人合力把Karrie抱到房間裡,把她甩到床上。
我們三人回到客廳。
「其實玩酒game真係好無謂,只係為左灌醉啲人。」Johnson忽然說。
「醉完呢,第二日又頭暈......」他開始言語不清。
「啊神,你醉喇。你係咪有心事,你好少咁樣賣醉?」Ken說。
「冇啦啦有咩心事......我冇野,飲啦。」他忽然搭著Ken的肩膀,拿起杯子跟Ken碰杯。
他一口氣又乾了一杯,Ken瞄一瞄他,Ken也跟著一口氣乾了。
「又係搵工啲野啊?」Ken問。
「唔係......唔係」
「我嘅煩惱係今晚啲酒唔夠我飲醉......我同你地講啊,呢個地方唔再適合我地居住。」他一邊說著,手顫抖著拿起酒瓶。
看著他不受控制搖晃著的手,紅色的液體湧進透明的玻璃杯,一不小心濺起的水花,一點兩點彈到白色的檯上。
我看著那些無辜濺出的幾滴紅酒,在泛黃的燈光底下,看起來卻好像血液。內心忽然感觸起來:「你啱,點解呢度會變成咁.......點解......」
他對我豪邁的說:「喂,飲啦,唔好諗喇。」
然後,用力的用杯子撞了一下我的杯子。杯裡的透明液體翻騰起來,差點溢出來。我急忙用口接著,一口氣乾了杯。
自從世上第一個人發現酒精,人類一切煩惱的根源只是沒有酒精。
「啊神啊,你有工做,有錢,有地方住,唔好諗咁多喇。」Ken按著他拿著酒杯的手,一副想停止他繼續喝下去的樣子。
Johnson迷迷糊糊的說:「我地呢一代人都唔知有冇未來......」
微糖小冰
2021-03-06 10:33:15
「Ken哥,你都明嫁,你仲清楚過我啦,你讀左咁耐都唔知會唔會失業。」
「你記唔記得當年Year 1你同我講過你嘅夢想?」」Johnson越講越大聲。
Ken摸摸額頭慨歎:「唉。」
「你記唔記得,你同我講點解你要讀個個都唔睇好嘅major?」
「唉,夠喇,唔好講呢啲。」
Johnson一語中的的挑起Ken的煩惱,而我們三人一下子沉默起來。
喝酒最痛苦不過的是,人還沒有醉掉,徘徊在真實和虛幻之間,忽然變得多愁善感,一下子情緒像缺堤一樣,洶湧而上,卻又不知如何說起。
Johnson拿起杯子,滿臉通紅的,忽然說起古文來:「唉,你知唔知啊,夫天地者,萬物之逆旅啊......」
「光陰者啊,百代之過客也......」他說完然後呆呆的看著Ken。
我還是第一次見人醉酒是會說古文。
「喂,大佬,你次次醉酒你都係講呢句,有冇新意啊。」Ken見慣不怪的。
「浮生若夢,為歡幾何?」我腦海飄過這八個字,下一秒我的聲音傳進我的耳朵。
「識啲野啵。」Johnson對住我瞇起眼睛笑著,伸出食指指向我。
「係,為歡幾何。」我腦海飄過這幾個字。
我忽然衝口而出:「唔好講咁多喇,飲啦。」
我毫不猶豫的跟他碰杯,然後一口把液體乾掉,酒精一下子衝到胃裡,有種飄飄然的感覺。
Ken看著我們兩個,然後搖搖頭,深深呼了一口氣。
昆士蘭州Aus
2021-03-06 12:43:11
G持
微糖小冰
2021-03-06 18:02:08
「黎啦,你要陪我飲。」Johnson搭著Ken的肩膀。
Johnson喝完一杯後沒有多說什麼,只是呆呆的看著前方,若有所思的。然後,又再次把杯子盛滿,跟我們兩個乾杯。我們陪他喝了幾輪酒。
「飲啦。」
就是這樣一杯接著一杯。
我感覺臉頰都熾熱起來,天旋地轉的。
「啊Ken哥,你條女......就黎唔得啦。」Johnson迷迷糊糊的說著,頭不由自主的搖晃著。
Ken抱著我的頭,讓我靠到他的肩膀上:「喂,你酒量唔好就唔好飲咁多啦。」
「我冇醉啊......」我拼命搖著頭重複說著。
「你夠喇,唔好再飲喇。」Ken一手把我手上的杯子搶過去,然後他直接乾了一整杯。
「我都話我冇......冇醉......」
天旋地轉讓我不得不閉起雙眼,不由自主的衝口而出:「點解你要對我咁好?」
「白癡,佢鐘意你啊......唔通直接講咩?」Johnson的聲音漸漸變小。
「唔好聽佢亂講。」Ken決斷的說。
「喂,你唔係鍾意人點會同居?點會......」Johnson繼續用力的說。
「你自己講喇,點解咁耐都唔識翻個女朋友?」
Ken一手掩著Johnson的嘴:「夠喇,唔好再講喇。」
Johnson用力拉開Ken的手,然後拿起杯子。
「飲啊,陪我飲......」他喃喃自語。
Ken為了讓Johnson停止胡亂說話,只好跟他碰杯。
「將來有一日,你會問我跟唔跟你走......」我碎念著。
此時,我忽然覺得下一秒就會失去Ken,永永遠遠的失去他,於是,我用盡全力的攬著他的腰。
「你都癡線......你係咪睇劇睇得太多,成日睇埋啲穿越劇。」
「唔係啊......我搵人......睇前世。」
「唉,又係嗰次......」
「我......你可唔可以......」我身體飄飄然的,開始失去記憶。
微糖小冰
2021-03-06 23:04:36
多謝支持
昆士蘭州Aus
2021-03-06 23:07:38
第一次睇你啲文,覺得你文筆好好
(覺得你作文應該好勁)希望你繼續出多啲好文
加油
回去吧回去吧
2021-03-07 03:19:50
繼續推
貓貓愛貓貓的貓貓
2021-03-07 04:58:16
lm~
寫得好好~
微糖小冰
2021-03-07 09:40:42
鐘意可以追翻之前兩個舊故
硬膠仔一個
2021-03-07 10:56:51
昆士蘭州Aus
2021-03-07 17:11:16
好
微糖小冰
2021-03-07 20:44:05
多謝推
微糖小冰
2021-03-08 11:57:48
多謝支持
回去吧回去吧
2021-03-09 00:35:34
樓豬文呢
微糖小冰
2021-03-09 00:40:45
再次恢復記憶已經是中午時分,終於酒醉醒過來。
我如常的頭痛、胃痛,可是這一次我總覺得自己昨晚說了些什麼秘密,我好像把我前世的事告訴了他,但怎樣回想也想不起來。
「其實佢知道都唔會當真,都係當我9up,佢都唔信呢啲野。」我一邊享受花灑的水打在身上,一邊自我安慰。
我梳洗過後,他又是準備好午餐。我想知昨晚酒醉後發生的事,可是又怕知道自己說了不該說的話。
可是在好奇心驅使之下,我還是決定問。
「er…...尋晚我有冇亂講野?」
「唔......都唔算嘅。其實我聽唔明你up乜,我都唔記得喇。」
「咁都好啲。」我才安心的夾起麵條。
「你成日飲醉都會亂講野咩?」
「唔係......掛」我說。
「其實我都唔知。」
微糖小冰
2021-03-09 01:01:38
要忘記一個人,最好的方法就是找另一個可以寄託的人。
May分手才過了三個多月又拍拖了,我們自然要約出來慶祝一下,要她請我們吃飯。今次聚會的焦點當然是May。她結交了新男友,天天都在ig上放閃。
「May,估唔到你咁快又出翻pool。你條仔做邊行嫁?」Suki一見面就問May。
「佢做Audit。」
「睇落好似幾有錢咁,好似成日帶你周圍去嘅。」
「哦,佢屋企應該都幾有錢,一畢業就幫佢比左首期,佢宜家搬左出黎住。我諗住遲啲都會搬去同佢住,方便啲我返工。」May一臉幸福的說道,看著她嘴角含春的樣子就知道她找到對的人,
「咁快啊,幾個月咋啵,咁快發展到呢個地步喇。」我有點驚訝,感情進展得如此的快,已經到達可以同居的程度。
「都冇咩嘅,同居都唔代表咩。」
Suki忽然把話題轉向我:「係囉,啊Joyce,你自己都同個聲稱係朋友嘅男仔同居啦。」
我馬上澄清,然後繼續主題:「嗱,咁我嗰個真係朋友嘛。欸,唔好講我啦,咁你同你條仔點樣識嫁?」
「我都估唔到咁快就識到。」May腼腆的說。
「我同佢係用交友app識。」May輕聲說,好像怕鄰座的客人聽見。
「有咩尷尬姐,依家呢個年代個個都交友App嫁啦。」Suki理直氣壯的說道。
Suki忽然把目光轉移到我身上,接著說:「Joyce,你都真係好應該試下,你個人咁毒都唔會識到朋友。」
「吓,乜你又好好咩?」我反問,Suki一向都沒有異性緣,或許是說話總是比較直腸直肚,男生一般都難以招架。
Suki一副囂張的樣子回應:「嗱嗱嗱,實不相暪,我都有用開App識下人,識下都冇壞啊。」
「我都唔鍾意同陌生人傾計。」我只想平淡帶過這個話題。
Suki一手搶過我放在檯面的手機:「試下啦,我幫你搞喇。」
「唔洗啦。」我試圖把手機搶回來。
「唔係呢,試下都冇壞啊。」May也攔住我。
「唉,Fine,你地鍾意啦。」我無奈的看著興高采烈的兩人,反正都是肉隨砧板上了,掙扎也沒用。