《你信唔信，真係有前世今生》

文啊！！！！

就快兩個禮拜啦

等緊樓主

推

「喂，到我地喇。」Ken撞了一下我的手臂。

我們站在彩虹池前。義工給了我們一杯代幣。

「哇，隻蝦尾好得意。」我看到架上的蝦尾公仔禁不住說。

「咁我掉佢翻黎比你。」Ken氣定神閒的說。

我拿起一個硬幣，仿佛回到當年第一次擲彩虹的時候。

人大了，我們總以為許多事情都早已看透。但偏偏，心底那個小孩此時卻蠢蠢欲動。

我們不是看透，只是現實讓那個小孩一步一步的隱藏。

「唉呀......」我的硬幣落空了。

「鈴.....鈴......」義工從架上拿出蝦尾公仔然後遞到旁邊妹妹的手上，妹妹雀躍得彈跳起來。

「家姐好犀利啊。」然後抱了姐姐一下。

「喂，你睇下人地幾犀利。」我對Ken說。

「我有個花名，叫彩虹神，你要幾多隻都得，絕對唔會輸比啲細路。」

此時的Ken就像小學生似的，什麼都要比賽，什麼都要逞強，一臉不可一世的。

「哈哈，即管睇下。」我冷笑。

「哼。」Ken拋出一個金幣，眼白白看著落空的他像個小孩似的嘟起嘴巴。

他接著拋出一個接一個金幣，全都是落空，二十個金幣就這樣花掉。

最後我們什麼也沒有得到，這也是意料之內的。

擲彩虹跟買六合彩一樣，我們只是花錢買一個希望，最終得到與否、中獎與否，其實沒有那麼重要。

「哦，有人話自己係彩虹神，點解一個都唔中嘅？」我故意揶揄他。

「咩啊，我唔想同啲小朋友爭玩具炸。如果唔係我清曬個架都得啊。」Ken扁起嘴巴，像一個小朋友心心不忿的。

「算啦，你廢就廢啦。」我忍不住說。

「係囉，太耐冇玩，生疏囉。」他只好這樣打圓場。

「咁你要練習多啲喇。」我借意戳了一下他的手臂。

「唔啦，宜家都冇藉口比我洗呢啲錢。」他一副無辜的樣子。

我和Ken慢慢走回門口的接待處，重新回到自己的工作崗位。看著Ken的神色終於恢復平常的從容，我總算鬆一口氣。

嘩有文啦

終於有更新

新年快樂呀樓主

推

我又嚟推一推

「你地兩個翻黎喇好喇，我地準備執野收工喇。」Samuel一看見我們就說。

「喂，陣間食唔食飯？」Ken問他。

我心裡想：Samuel在交友App約我出來，應該會吃個午飯吧，讓我認識一下他。

可是，Ken現在開口問。

如果我們三個人一起食，會不會有點奇怪？

「唉，本身我都想食，不過我老闆啱啱落左黎，我諗陣間要同佢傾啲野。唔好意思啊。」Samuel一臉抱歉的說。

「咁你差我地一餐飯啵，話曬今日出黎幫手。」Ken說。

「得啦，得啦，遲啲補翻，Joyce都要一齊黎。」Samuel說。

「好啊。」我禮貌的回覆。

Samuel轉身離開。

我和Ken兩個人就把所有剩下的禮物包放回箱子裡，塞滿以後就用膠紙封起來。我們把一箱一箱的剩餘物資疊起來。短短幾分鐘，我們兩個已經把所有東西收拾好，再放到手推車上。

之後也沒有別的事幹，於是坐下來看手機。

「Joyce，我地搵日要追翻Samuel餐飯，搵人幫手緊係要請食飯嫁啦，呢啲常識黎，你話係咪？」Ken說。

「係掛，我仲以為你地咁熟，唔計咁多啦。」

「熟係熟嘅，我屋企同佢係同一座，佢都識我啊嫲，以前我地差唔多日日一齊行翻學校。不過自從入左u之後都好少聯絡，都係一年中同Gathering食個飯咁大把。」

多謝

嘩真係推到有文

係啊推係會有文

情人節快樂呀樓主
兩個主角有冇情人節過呀

未寫到

「咁我地陣間自己食啦？」Ken問。

「係啊，定係你有約啊？」

「我問得你就緊係我都好得閒啦。」

Samuel走過來，然後說道：「你地都幾快手啵。」

「緊係啦，仲有冇野要幫手？」 Ken沾沾自喜。

「冇喇，今日多謝你地兩個黎幫手。」Samuel客套的說道。

Samuel輕輕拍了Ken的肩膀，然後輕聲說道：「Ken，你啊，多啲翻屋企食飯，我成日遇到auntie佢都話叫你多啲翻去。」

「喔。」他只是冷淡的回應。

「Bye，bye。」我禮貌的對Samuel說，然後，我們兩個離開社區會堂。

「其實呢個活動都幾無聊，黎做義工都冇乜野做嘅，如果唔係Samuel我唔會黎呢啲地方。」Ken一離開會堂就碎碎唸著。

「你頭先玩掉彩虹玩得好開心啵。」想起剛剛Ken掉彩虹時，投入得像個賭氣的小孩子，我禁不住嘲笑。

「仲有比人激親囉。嗰個大媽，嗰個唔講道理嘅大媽啊，諗起就激氣。」Ken一提到這件事又開始七情上面。

「喂，唔好再諗呢啲無謂人啦。」我說。

「唉。好囉。」他長歎了一下。

「不如諗下食乜野？」

「我想食台灣野。」Ken說。

我腦海飄過我們還在補習社上班的時候，每一次提到食飯，總是會不自覺的想吃台灣菜，然後很自然的走到同一家的台灣餐廳。

那個時候，我們星期六、日的晚上大多這樣過，吃個晚飯，然後他駕車送我回宿舍。

只有星期六、日才會見面，這種星期六、日獨有的小約會，短暫而快樂。

現在，我們每天相對，共處一室。起床看見的第一個人是他，睡前看見的最後一人也是他，但交談的卻老是空洞的內容，吃著同樣的外賣。

我和他，變得這麼近，卻又談不上很近。

「不如去我地以前補習社附近嗰間台灣野？」我問。

「好啊。」他笑得眼睛瞇成一線。

「行快啲，我肚餓。」然後，他牽著我的手臂，向著地鐵站的方向走去。

離開地鐵站是熟悉的旺角街頭，依舊人來人往。

我不自覺的往補習社那棟大廈的入口看，想著那時候每個週末都在這裡等升降機。

我很自然的抬頭，那棟玻璃幕牆的大廈，22樓，就是我工作了幾年的地方。

「唔知補習社宜家點呢？」

「我最近介紹左個師弟去做。聽講都係咁，差唔多。」Ken平靜的回答。

「咁又係，補習社咪又係補習社，都係咁。」我說。

「呃，講起補習社好似好耐之前，但係明明我地畢業都未夠半年。」我接著說。

「好懷念以前讀書嘅日子，幫人補下習輕輕鬆鬆；翻到Hall日日走堂飲酒打機冇人理。」

「係啵，宜家都冇聽你講話出去酒聚。」我說。

「我從良喇，唔飲酒好耐喇，飲酒對身體唔好啊。」他一臉認真的說。

「哈哈，你認真咩，唔似你會講嘅野囉。係冇人約你飲酒咋？」

「唔飲啦，宜家咁早返工點飲啊。」

「咁又係。」

附近的街道似乎沒有太多的改變，我們兩個對這裡也很熟悉。走過一堆餐廳、商鋪，穿過人群，走進小巷，我們來到台灣餐廳的門口。

找個位置坐下，店員放下餐牌。

「照舊？」Ken問。

「唔。」我輕輕的點了頭。

他馬上舉起手，店員過來，他熟練的念出菜名。

「呢間野都冇乜改變過，除左啲野食加左價。」Ken環顧四周，看了一下牆壁上的菜單。

「係。」

「我同你，都好似冇乜變過，同以前差唔多。」Ken忽然拋下一句，然後看一下我，打著圈的眼珠，在思考著什麼似的。

變化？

這一年算是這麼多年以來，最大變化的一年吧。

「唔係啊，我地變左好多，出黎做野啦，搬左出黎一齊住。」我說。

「身份、角色係變左，但係我地嘅關係都係冇變，都一樣咁friend。」

「係嘅。」我想。

可幸的是今年的轉變尚算順利，工作、生活總算安定下來。可是，這幾個月，我們的關係還這個老樣子。

「仲有一樣，我地都係冇變，你估下？」

「個樣？ 都係咁童顏？」

「唔係，係我地都仲係憑實力單身，哈哈。」

「乜你又知我單身，我好多人追囉好唔好。」我翹起雙手，一臉不爽的看著他。

「你出左pool就唔會宜家坐起度同我食飯啦。」他囂張的說著，一口咬定我是單身。

「出左pool就唔可以搵異性朋友嘅咩？出左pool就淨係拍拖嘅。」我決定要跟他辯論。

「咁你另一半都唔會比啦，係咪啊？」

「我就唔信，我會同佢講清楚。」

他用鄙視的眼神上下打量了我三遍，然後說：「你到時就唔會咁講嫁喇。不過我睇你啊......」

「到時都唔知幾時啦，你唔明嫁喇，哈哈。」

我翻了白眼回應他的攻擊，反正說下去野沒有意思。

正好這個時候食物送到，而我也不想爭論下去。

有文

可唔可以轉個身份
男主你想點

呢排終於多啲文

Live左

覺得樓主嘅文字有種魔力
睇下睇下就忍唔住追曬
如果要形容嘅話 我會話睇落去有種答實嘅感覺？
好似生活咁 平淡似水.
加油快啲寫文！

多謝你支持

「喂，食野喇，唔講啦。」我說。

他如常的急忙把食物夾到嘴裡，然後快速咀嚼，一口接一口的吃著。鼓起的臉頰，像一隻兔子。

我偶爾會懷念這間餐廳的食物，它不是特別出色，卻會勾起我和Ken還是大學生時的點滴。一個星期只有星期六、日的見面。那短短兩三小時的所謂約會，只不過找個飯腳而出現。

那時的我們，現在的我們，樣子也差不多。

桌上的食物一掃而空。Ken捧著吃飽的小肚腩，滿意的笑了。

「我地不如行翻去？」Ken問。

「好啊。」我回答，畢竟這裡回去就二十分鐘路程。

我們穿過人來人往的街頭，走到紅路燈處，再熟練的過馬路。這條從旺角回家的路，我走過好多遍。

一街相隔，這裡四周的途人寥寥可數，仿佛鬧市中的綠洲。Ken只是靜靜的走著，我走左他的旁邊，沒有打算開口，只想享受此刻的寧靜。

讓我駐足停下的是一間日系文青風格的cafe，玻璃門透出柔和的燈光，裡面白玉無瑕的牆身，讓人感覺它是新開的。

門口有一張露天的桌子，旁邊雪白的牆身上面用秀麗的字體寫了一句：「只有散步我們才真正聊天」

我停下來，然後，拿起手機把這個Cafe拍下，打算下次約朋友過來試試。

「唔？」 Ken瞟到我停下來，於是停下來。

「哦，冇啊，呢間野好似新開。幾特別，諗住影低佢」我拍完照，把手機放回袋子裡，打算邁步前進。

「呢句野又幾有意思。」Ken想了一想，點頭說道。說罷，他轉身離開，而我也跟著他。

「Joyce，你有冇諗過如果當日冇跟我搬出黎住，宜家會點？」

「唔知啊，可能我會自己租，又或者同其他朋友夾，我本身都冇地方住嘅，都冇屋企翻。」

想到這裡，不勝唏噓。我抬頭看天，天上幾片白雲漂浮著。

「咁你呢？你會點樣？」我問。

「我啊？我慣左有自己嘅空間，唔想留起屋企，呢幾年都慣左自己生活。我諗我都係會搵人夾租搬出去。」

「呢度住落都幾好住。」我說。

「有啲咩咁好住？」

「地點方便啦，可以行去旺角，樓下又有野食，去邊都好方便。」我繼續說。

還記得當時途徑這裡，跟Ken聊起住在這裡附近也不錯，才隔了不到一個月，就搬了進來，一切彷彿早有安排的。

「仲有呢？」

「仲有啊......」我想著。

「對我黎講，一個地方好唔好住，最重要嘅係人，同咩人住。」Ken忽然說起來。

「我覺得呢班人一齊住都幾好。」Ken說，然後看著我。

「唔唔。」我點頭認同。

「我同你一齊住，一齊叫下外賣，傾下計，生活簡簡單單都幾開心。」

「我都覺得係。」

Ken忽然抬起頭，仰視四周的高樓大廈。