《你信唔信，真係有前世今生》

多謝你翻翻黎追故

「其實Jessica係咪真係佢女朋友？到底幾時開始？佢地都幾襯，但係點解佢有女朋友都唔同我講......」

「不過，我又係佢邊個啊？我玩交友App出去識仔仔都唔會同佢講啦，佢都冇責任要同我交代。」

為了轉移思緒，我打開手機，看著ig story。

怎麼都是如此多姿多彩？昔日的大學同學的story不是喝酒，就是在聚會。而我，此時卻獨對四面牆，躺在梳化上，看著她們的story，卻無法從中分享絲毫的喜悅。

又有一個大學同學被求婚，ig的照片裡，酒店房間的落地玻璃作佈景，後面是維港的景色。配上“Will you marry me”的氣球。他們倆坐在窗台前，甜蜜的輕吻，這樣的幸福讓人羨慕，而這樣的甜蜜總是讓人不得不嫉妒。

「其實我都係時候搵個男朋友......我都需要一個可以依靠嘅膊頭。」我忽然冒起這樣的想法。

「或者......呢個人只係未出現姐。」我總是這樣安慰自己，然後深深呼一口氣。

看著手機，不知不覺在電視的聲音作背景躺在梳化上睡著了。

「咔嚓。」Ken打開門，然後踏進家門。

「我翻黎喇。」

「唔......」我睡眼惺忪回頭看Ken。

「你啊，眼訓就去訓啦，起度做咩？」

「等你......掛。」

「哦，做咩啊？你掛住我啊？驚我唔翻黎？」他輕輕的關上門。

「唔係。」我揉一揉眼睛，然後坐起來。

「係呢，Jessica又會走得咁急嘅。」

「係囉，我本來都想我地三個玩一陣。」他坐下梳化，坐在我旁邊，然後順手拿起檯面的遙控。

「我地三個？」我心裡冒出一個問題，我以為他們想要二人獨處的時間。

「係呢，Jessica係你大學同學黎？」我刻意想要求證Jessica的身份。

「哈哈，唔係啊。」Ken隱隱的笑著。

「你地真係朋友咁簡單？」我問。

他繼續笑著，可是沒有回答。

「喂啊，你地點識嫁，神神秘秘咁，又唔介紹。」我用食指戳了他的肩膀一下。

「唔係朋友咁簡單啦。」他一臉認真。

「佢其實係我女朋友。」

我愣了一下，其實我早已預想了這個答案，不是嗎？

只是當「女朋友」三個字出自他的口中，還是有點衝擊，這毫無預兆出現的「女朋友」。

「乜我有女朋友好出奇咩？」

「唔係啊......好啊......出pool喇。」我勉強找了幾個字。

文啊

點解ken會有女朋友架

明明有女朋友/有鐘意嘅人
但又對佢咁好

「你唔係一直都好想我搵到女朋友咩？點解你好似唔係好開心？」

「唔係啊，好啊有女朋友......我恭喜你啊。」我繼續說。

「呵呵......」他忽然古怪的笑了起來。

「唉呀，乜你咁都信嫁。」他指著我的臉恥笑著。

我一時之間還沒有反應過來，還是一頭霧水。

「佢唔係我女朋友啊。」

這一瞬間，我心裡的大石仿佛一下子落下，有一種說不清的舒懷。

「咁，佢係邊個？」我追問。

「你估下？」

「朋友囉，你話嫁嘛。」我只想知道答案。

「其實佢係我細妹黎。」

此時，我才發現我根本不了解Ken的家庭背景，但他對我的背景一清二楚。

「一路冇聽你講過有細妹嘅？」我繼續問，認識了他這麼久，他也從來沒有聽他提過。

「你之前都冇問。其實呢個細妹係冇血緣關係，佢係我後母同佢前夫生嘅。我平時唔會叫佢細妹。呢啲家庭嘅野太複雜，平時都唔會特別講啦。都係好少事啫。」他一臉從容的說道。

我一時無名火起，然後扁起嘴巴：「咁細妹咪細妹囉，又話係朋友。原來細妹係唔講得嘅，秘密黎嘅。」

「喂啊，我都係諗住講下笑姐，冇諗到妳咁都信。」他用肩膀撞了一下我的肩膀。

我沒有說話，繼續扁起嘴巴。

將自己的妹妹扮成女朋友，編出一個所謂「笑話」，這個玩笑很無聊，很幼稚，一點也不好笑。

「我仲恭喜你有女朋友添，點知你玩我囉。」

「吓，玩下姐，唔係咁都嬲啊。」

「我冇嬲啊。」我站起來，翹起雙手，然後向自己的房間走。

我不知為何因這一件事而動氣，這本來就只是一個玩笑。

唔好傷心

依家劇情180度掉轉原本仲以為ken有女朋友

唔忍心見大家咁失望

推

等

推

爛尾

推

推一推

過了幾天，他又再次提起這件事。

那天回到家裡，Ken早已回來，電視播著Youtube，他靠在梳化，拿著手機。

「Joyce同你講聲，Jessica話過兩日上黎。」他漫不經心的說。

「哦，細妹啊嘛，我記得啊。」我狠狠的看他一眼，還記得當天那件事。

他竟然一臉抱歉低聲說道：「唉，嗰日係我衰嘅。」

「唔好嬲啦。」他把我拉到梳化，我順勢坐下。

「算啦，都過左去。」我說。

那不過是個無聊的惡作劇，只是我太在意。我也不該放在心上。

「嗰日我都唔好意思嘅，勾起你屋企嘅事。」我說。

他很少提及家人也是有自己的原因吧。

「其實冇咩，我本身應該同你坦白。」

「細個嘅時候，啊爸、啊媽成日都鬧交，成日都話要離婚。啊公好早病死左，咁啱啊嫲平時又冇乜嘢做。於是，我啊嫲接走左我。自我懂事以黎，就已經同啊嫲住，由細到大都係啊嫲照顧。」

「其實都冇咩。」他平淡的說。

「好彩嘅係啊嫲好早生我老豆，而我啊媽又好早生我。哈哈，以前細個家長日嗰啲，個個同學、其他家長都以為佢係我啊媽。」

「估唔到你屋企都係有啲故事。」我說。

然後想起那次他陪我上父親的家。也許，他這麼盡力幫我，是因為同病相憐。

我又想起那天他大罵我父親。

「你有冇盡過老豆嘅責任？」字字鏗鏘有力。

可能，這是他多年來收在心底的話，一下子投射到我不負責任的父親身上。

「唉，家家有本難唸的經啦，大家都係啦。起碼宜家都冇穿冇爛，算係咁啦，哈哈。」他苦笑。

我們兩個的家庭都談不上完整。

或許，我們都是被上天眷顧的孩子，就這樣平安的長大過來。

終於有文

竟然有文 可唔可以一日至少一更

有啲難度最多保證唔會爛同會上下水

唔緊要，樓豬最緊要有文＋唔爛尾

唔夠喉

我有一個壞習慣，晚上常常沒有關燈就在床上睡著了，一覺睡到清晨的五六點驚醒過來，才爬下床把燈關掉。

這個習慣是在大學四年養成的。

我曾經也是那些要關燈才睡得著的人。剛搬進宿舍的時候，我睡覺前總是看見Suki還坐在書桌前，她一般都比我晚睡。我以為她在忙，於是就沒有關燈。

「喂，你陣間熄燈。」以前睡覺前我總愛這樣說，然後把被子蓋著自己的頭睡。

後來，Suki晚上不是坐在書桌前，她把電腦拿到床上，時而坐著，時而躺著的忙著；更誇張的是她會做著做著就睡著。

然後我清晨突然醒來，發現燈還亮著。她舒服的躺在床上，電腦就放在一旁。此時，我才把燈關掉。

久而久之，我也習慣了開著燈睡覺。

最有趣的，莫過於同層的人以為我們總是通宵趕功課，見到我們的時候會問候幾句，擔心我們的身體。

「你地好chur啵，見你地成日四五點仲未訓嘅？」

「其實我地唔記得熄燈。」這句話說起來實在太白癡了吧。

「哦，係啊......趕assignment啊。」Suki總是這樣敷衍帶過。

後來，人們都以為我和Suki是那些披星戴月chur gpa的學霸，卻只有我們兩個知道真相。

搬到新家，自然也把習慣搬過去。