44 Like
9 Dislike
肺事理你
2021-02-18 22:11:56
LM
微糖小冰
2021-02-19 11:26:14
歡迎
回去吧回去吧
2021-02-21 02:24:02
文!
微糖小冰
2021-02-21 08:15:36
「Joyce,我地去攞野飲。」Katherine走過來然後繞著我的手臂,然後走到小廚房。
雪櫃裡放滿了飲料,當然有啤酒,出乎意料的是連紅酒、Whisky、Black Label都有。
我心想:「今晚都係小心啲。」
想起那天在宿舍的最後一夜,不想在這裡重演。
我拿了最安全的Apple Cider,而Katherine拿了一罐啤酒。
「喂,Joyce,老闆話想同你地四個主角飲酒,順便攞兩支紅酒出黎。」外面的人大聲喊著。
我把Apple Cider放回雪櫃,然後拿起其中一支紅酒。
外面的人開始各自活動,打麻雀的、唱K的、玩Board Game的,都自成一角。
而房間最角落的位置,有一個小小的茶几。老闆就坐在地上,Ken和Josephina坐在那邊聊著。
「你地坐啦。」Kevin對我們說。
Kevin熟練的開了紅酒,然後逐一把酒杯裝到半滿,遞給我們。
他搖搖手上的紅酒杯,靜靜的凝望著杯中,像是在鑑賞。儘管我不懂紅酒,旁邊的人也跟著Kevin做著相似的動作,於是我也跟起來。
杯裡的酒隨著我的搖動晃動著,紅酒流過玻璃杯的部分都殘留著淡淡的紅印。
「Cheers。」Kevin舉起杯說。
「叮」清脆的一聲,然後眾人輕輕的喝了一口紅酒。
「見到你地四個終於畢業真係好開心。不過畢業又係另一個新開始喇。你地有冇咩畢業嘅煩惱?」
微糖小冰
2021-02-21 08:16:34
出左
晏少少再出
我想入菲菲
2021-02-21 10:09:36
追到
微糖小冰
2021-02-22 17:06:07
「突然之間覺得時間過得好快。唉,咁就四年,咁就大學畢業喇。好似覺得自己未準備好要投身社會,未接受到自己要翻工。」Josephina說著,我們三個都不約而同的點頭。
「大學嘅時間過得特別快,我嗰陣畢業都有呢個感覺,好似一切都未Ready。」Kevin感概的說,然後咕嚕的喝了一口。
「不過,好多野都唔會等你Ready先出現,而我地根本唔會有真正Ready嗰一日。我開補習社初期都覺得自己未ready做老闆,都好多野擔心。」
「咁你點樣令自己冇咁擔心?」Ken追問下去。
「冇,嗰陣無論身邊嘅人點鼓勵我,都係好擔心嫁。不過依家問我,我會覺得,面對未知嘅野,覺得自己未準備好嘅,就會同自己講一句話。我問下你地,你地估下我會講咩?」
「加油?」我說。
「好老土啊。」老闆搖搖頭。
「我一定做到嘅?」Katherine握著拳頭說。
「咁positive嘅你,不過唔係。」老闆再次搖搖頭。
「深呼吸,然後叫ush。」Ken打趣的說。
「哈哈,幾有創意。」老闆不禁笑起來。
「我諗唔到。」Josephina說。
「開估喇,我會講:煮到埋黎就食啦。」
「咁未Ready就係未Ready,好難逼自己一時三刻突然準備好。退而求其次,唔好諗咁多喇,到時再算。」Kevin瀟灑的說。
「飲杯。」Kevin舉起酒杯,然後我們又來一輪乾杯。
微糖小冰
2021-02-22 23:24:49
「有冇咩你地想知?今晚隨便問。」
「我想知,點解當初你會開呢間補習社?」Ken問。
「官方答案就緊係想作育英才啦。」
「咁姐係有唔官方啦?真正原因係咩?」Ken看出端倪。
「講出黎,你地會笑我,成件事好on9。」Kevin忽然變得尷尬。
「嗱,你地應承我,呢度聽完就算喇。」
我們點了頭。
「當年我都畢業左兩三年,但係仲未搵到女朋友。咁有個朋友就拉左我去睇相,睇相佬話我適合做教育相關嘅工作,而我嘅另一半都會起嗰度遇到。當時都覺得好荒謬,我都唔係做老師嘅。」
「後來,咁啱以前大學班朋友話夾份開補習社,咁我咪即管睇下佢靈唔靈囉。因為夾份開,我遇翻以前大學一個女同學,後來就一齊左,仲結埋婚。」
「原來呢啲野都幾準。」我說。
「係啊,有啲野真係唔到你唔信。所以呢,如果你地覺得迷失嘅話,都可以考慮下去睇相,哈哈。」
我忽然想起那天晚上,Cassandra的預言,或許有一天會應驗。
「呢一世,唔好再錯過。」這句話還記在我的腦海裡。
迷信,其實一點也不可笑。世上大多的人都想知道自己的未來,總有迷失的時候需要一點指引。
兩瓶紅酒就在閒聊之中被我們五人清空。這是我們第一次跟老闆深入聊天,也是最後一次。
微糖小冰
2021-02-25 10:44:27
「好喇,煩惱就暫時放低。每一年,我最開心就係呢一晚,好似翻翻去以前大學嘅時候。」
如果他不是剛剛說完開補習社的故事,我還以為他開補習社的原因是為了請大學生做事,讓自己在年輕的氛圍下工作。
「我地今晚要玩盡興。我地開始酒game啦。」Kevin喝完最後一口,然後站了起來,走向小廚房,於是我們也跟著。
他把雪櫃裡的酒一瓶一瓶的傳給我們,我們幾人都雙手各拿一支。老闆回頭看了一下,然後滿意的一笑:「陣間再攞,我地出去喇。」
我們把酒全都放到中間的桌子上,Kevin拿起了咪高峰。
「既然今日咁齊人,我地不如一齊玩酒game?」
前兩年的畢業派對,Kevin也是這樣興奮,也是要大家一齊玩酒game。一玩起來,他比起我們更加年青、更瘋狂。
大家興高采烈的湧了過來,圍著中間的長檯。
「嗱,呢度咁多大學生,今晚唔飲曬雪櫃啲酒唔好走啊。」
「邊個想hold game啊?」Kevin的視線從左掃過右邊,可是沒有人回應。
「喂,大組長你去啦。」Charlie推了旁邊的石仔。
「大組長」
「啪啪。」大家舉高手拍掌。
全場的人重複著的喊著,就像ocamp那時一樣。
石仔無奈的走向Kevin,Kevin滿意的微笑搭著他的肩膀。
「啊大組長,我地玩咩好?」Kevin問。
「欸,呢度老闆最大,你話事啦。」石仔一臉尷尬,然後看著Kevin。
「我今晚係Kevin,我同你地一樣咁後生。」Kevin搖搖頭說,接著用力的推了一下石仔。
一連串的酒game,灌醉了一半的人。還沒有醉的也逼不得已要照顧他們。有些醉倒後,就攤在地上一聲不響;有些在胡言亂語,其他人只好盡力安頓;洗手間也傳來嘔吐的聲音。場面一時之間一片混亂,而遊戲就暫時停止了。
有些人帶著醉掉的朋友離開,最後現場剩下八個人。
我也開始頭昏腦脹,然後坐在地上,靠著牆壁。
「你得唔得啊?」Ken蹲下來,然後拍拍我的肩膀。
「冇野,繼續啦。」
「估唔到你地咁唔飲得啵。」Kevin雖然已經臉頰通紅,可是還是很精神。
「繼續黎啦。」James毫無醉意的說。
「我都可以啊。」我說。
「既然大家都咁清醒,我地玩個chur啲嘅。」Joseph忽然高昂的宣佈。
微糖小冰
2021-02-25 10:45:13
「嗱,我地玩「Never have I ever」。」
這是一個可以知道別人秘密的遊戲,每個人要豎起五隻手指,然後輪流說一個自己沒有做過的事。如果有做過,就要收起一隻手指,然後喝一杯;如果所有人都沒有做過,就出題者喝一杯。
大家伸出五隻手指,然後等待Joseph指示。
「我開始先,我......冇試過游水痾尿。」
Kevin,Joanne和Ken都收起了一隻手指,然後乾了一杯。
「咦,你地咁核突。」
「我就唔信你地冇試過,咁唔誠實嫁你地。」
「真係冇囉。」
「我冇試過著拖鞋去上堂。」Kenneth說。
我和Luffy收起了一隻手指。
「你擺明要我地飲姐。」我不忿的說。
「係啊,吹咩。」他囂張的說。
接下來一連串敏感的話題,大家都起哄起來。
「我冇試過自己一個飲醉。」
「我冇去過性用品商店」
「我冇影過自己嘅裸照。」
「我冇用過交友App。」
一連串的問題下來,大家都大概喝了三四杯,Ken,Queenie和Joseph都剩下一隻手指豎著。
「到我,我冇試過鍾意補習社嘅人。」Kevin說。
在酒精的麻醉底下,我自動收起了一隻手指,然後我看著旁邊的Ken,他緩緩的收起一隻手指。
回去吧回去吧
2021-03-01 06:27:25
有人等緊文㗎
所有的快樂說hihi
2021-03-01 08:31:04
新讀者留名
微糖小冰
2021-03-01 11:02:19
「Woo,你地兩個心有靈犀啵。」Kevin望向我再望向Ken。
「仲唔比我chok到你地兩個?」
「一早都話佢地有野嫁啦。」
「咩啊,啊James都收左手指。」Ken立刻指著James說。
「嗱,你唔好轉移視線啊。」James連忙道。
「你鍾意啊Joyce咪認囉,咁耐係人都知啦。」
「係囉,冇理由要女仔主動。」Kevin也補了一句。
「啊Joyce都對你有意思,男人老狗怕咩醜姐。」
「咩啊......」
「我地......係普通朋友。」Ken急忙解釋。
「係......」
「普......通朋友。」我迷糊中也接著說,然後頭刻意傾斜向另一邊。
「扮咩啊你地。」旁邊的Jasmine一手推了我一下,我沉重的腦袋無力的靠在Ken的肩膀上。
大家又起哄起來。
「woo」
「你地不如一齊啦,幾襯啊。」
「我諗佢都醉喇,我送佢翻去。」Ken沒有再多的解釋,只是掉下這一句,然後把我的手搭在他的肩膀,一手把我扶起。
「仲送埋人地翻屋企啵。」
「啊Ken執屍啊。」
「小心啲啊你地兩個。」
我自以為在走直線。而他只是專注的扶著我,
「我行到......唔洗扶。」我試圖推開他,可是感覺下一秒就要失去平衡。
「癡線,都叫你唔好飲咁多。」他一手接著我,然後一邊碎碎的唸著,一邊扶著我走到樓下。
「我冇醉啊......」我不斷重複。
走到樓下,天開始光起來,視線也因突如其來的光線而模糊起來。
Ken一手打開的士車門,然後把我甩進後座,我頓時軟弱無力的躺在車廂。他從另一邊上車,然後把我的頭輕放在他的肩膀上。
我天旋地轉,閉上雙眼。
微糖小冰
2021-03-01 12:52:11
樓主到
微糖小冰
2021-03-02 15:32:51
我都等緊
回去吧回去吧
2021-03-02 22:27:38
以為你幫手push緊樓豬
微糖小冰
2021-03-03 09:07:46
再次張開眼睛時,眼前的是蝸牛公仔,我就知道我在自己的床上。身體沉重的很,我在床上翻滾了幾轉,然後轉身下床,頭有點暈,身上還是昨晚的衣服,還殘留著丁點酒氣。
我扶著床邊慢慢站起來,然後緩緩的走到門口,打開房門。
「你終於起身喇。」客廳傳來Ken的聲音。
「係。」我揉一揉眼睛。
「你尋晚好醉。」
「唔.....我去沖涼先。」我說,然後走到衣櫃前。
酒聚的後遺都是這樣,每一次都告訴自己下次不要喝太醉,可是每一次都會不自量力的一杯接著一杯。
一邊洗澡,一邊回想昨晚的情景。只記得在車上,安穩的靠在Ken的肩膀,然後全都忘了。
「唉,希望尋晚冇亂講野啦。」我心想。
梳洗過後,我走出浴室,就聞到濃濃的麻油味,那是很熟悉的味道,每次酒聚翌日都會出現的氣味。
「喂,快啲過黎食野啦。」
我走到客廳,Ken在吸著麵條。桌上有一碗水餃麵,還有一杯水。
「多謝你。」我坐下,然後拿起筷子。
「飲左杯野先食野啦。」他溫柔的說。
我拿起杯子,喝了一口。
「杯野甜嘅?」
「蜜糖水,可以解下酒,冇咁頭痛。」
「哦,多謝你。」
「點啊,你有冇唔舒服啊?」
「飲完酒都係咁啦,頭重重,有啲胃痛,慣嫁喇。」我按著上腹。
「係呢,我尋晚應該冇亂講野?」
「冇啊,你上車就訓著左,訓到死左咁,差啲唔夠力托你翻上樓。」
「麻煩曬你。」我尷尬的說。
「我都慣嫁喇。以前起Hall都見得多,通常我都係負責托啲人翻房。」
「睇黎你好飲得。」
「我好羨慕啲人可以醉,可以不負責任咁亂講野,可以冧左失憶。我最多都係嘔,但係唔會斷片。哈哈,或者我註定要負責take care大家。」
「你啲朋友有你睇住都幾好。」
「係嫁,不過以前起Hall次次都好大工程,要搬啲嘔嘅人去廁所,之後去廁所搬翻啲人入房,仲有啲善後工作,次次都搞到啲人訓曬我先有得抖。我呢四年係Major in 照顧醉酒嘅人。」
「哈哈。怪唔知得次次酒聚朝早五六點你仲WhatsApp我啦。」
「你睇下陣間仲有冇頭痛?我有隻幾有效嘅頭痛藥。」
「應該陣間會好啲,次次都係咁。」
「唉,唔飲得就唔好飲咁多喇。」他語重心長的說。
「雖然我知呢句都係廢話。」他苦笑。
「有你睇住唔怕啦。」我打趣的說。
「哦。」他冷冷的回應,然後繼續吃麵。
微糖小冰
2021-03-03 20:37:31
樓主自己推自己
回去吧回去吧
2021-03-03 20:38:25
幫吓你幫吓你
所有的快樂說hihi
2021-03-04 01:48:21