《你信唔信，真係有前世今生》

樓主

係文呀！

啱啱開始一炮過追到live
樓主加油 好鍾意你啲文筆

多謝

當我正想開口問之際，Robin看一看手機，然後說：「Joyce，對唔住，當年嘅野，我冇時間同你講咁多喇。」

「我要走喇，你自己小心。」羅賓拋下一句，然後向著後巷出口跑走。

就是這樣，他沒有留下聯絡的方法，不留一點痕跡又消失了。

他的出現就像一場夢。

「你起邊？快啲翻黎。」我收到Ken的訊息，才回到現實。

「行緊翻屋企。」我回覆。

我馬上收到他的電話。

「喂，你起邊度啊？出面好危險啊。」他很擔心的說。

「我......我就翻到喇，屋企樓下。」我哽咽著。

「我落黎接你？」

「唔洗啦，兩步路到。」

我一踏進家門，就衝向Ken的懷抱，緊緊攬著Ken，壓抑的情緒一下子湧上，眼淚不停的流著。

「你冇乜事啊嘛？」

Ken沒有多說，只是輕輕拍著我的頭頂。

「我頭先撞翻一個中學同學，佢冇交代就走左，我都唔知佢宜家點。」

「我起度，唔好喊。佢會冇事嘅。」

「嗚.....我唔知啊。」

「冇事冇事。佢對你好重要？」

「係，我好掛住佢。」

「當年佢走左就失去聯絡。我想知佢到底呢幾年發生咩事？佢今次又係乜都冇交代就走左。」

「我好驚，我身邊重要嘅人，都會好似佢咁樣，突然消失。」

「唔洗驚，我起度陪住你。」

「有咩事，我都會起度。」Ken緊緊的抱著我，我總算暫時安心下來。

終於有進展但到底當年咩事

樓主同羅賓當年嘅事可以睇翻上個故

Push

樓主去咗邊

看著他的側臉，明明每天都看著這一張臉，卻忽然覺得這張臉有點陌生。

那時候我們只是同事，我們總是有意無意的自製了約會。

「收工食飯？」

「好啊。」

他總是會赴約。

現在，連問也不用問，固定的時間，下班、吃飯、看電視、玩手機、閒話家常，早已習慣。

不過，自從經歷重遇羅賓一事，他總是會有意無意的問候、關心。

「你宜家好啲未？」

有時，我會發噩夢，夢見Robin滿臉鮮血，然後驚醒。

我總是哭著敲Ken的房門。

「冇事嘅，佢唔會有事。」

「唔好諗佢喇，有咩事，我起度陪住你。」

每一次，他都會不厭其煩的抱著我，直到我冷靜下來。

然後把我送回房間，甚至坐在床邊伴我入睡。

一個平常的晚上，我和Ken吃完晚飯後看著電視。

「不如我地坐下露台睇星星？」Ken問。

「好。」難得他忽然有觀星的興致。

「Joyce，有啲野送比你啊。」

「點解咁好嘅冇啦啦送野比我？」

Ken從身後抽出一隻蝦尾公仔。

「冇啊，上次掉彩虹話掉蝦尾比你，最後中唔到嘛。咁啱有個朋友新開夾公仔舖，叫我試下機。我又咁啱夾到。」

「又會咁啱嘅。」我一臉質疑的說道。

「係啊。」

「你唔信啊？咁咪唔好要囉。」他一手假裝把蝦尾收起來。

「唔係，唔係，我要，多謝你。」

「哈哈，以後你每晚又多隻公仔陪你訓。你隻蝸牛有朋友仔喇。」

樓主在

有文祝福

我們坐在露台的地下，享受著這個吹著風的晚上。

「噠」的一聲，我扣開啤酒罐的拉環。

台灣菠蘿啤酒，還是我的最愛。

冬天不是菠蘿收成的季節，可是人們真聰明，把菠蘿的味道收進罐子裡，把菠蘿的味道留下來。

我喝了一口啤酒。

「宜家係冬天，呢個季節，我地應該會見到獵戶座，根據我嘅理解，應該就係呢個方向。」Ken一臉認真的看著天空。

我抬頭仰望天空，眼前只是一片深藍，旁邊都是燈火萬家的高樓大廈，這稱不上漆黑的黑夜。

我們兩個呆呆望著天空，尋找著不存在的星星，就像在寸土不生的荒漠找一棵植物似的。

「市區真係見到星星咩？」我冷笑一下。

「咁你起度做緊咩？」Ken問。

「我諗住搵星星。」我認真的搜索著。

「哈哈，傻妹，呢啲繁華嘅地方，光害咁嚴重，點會見到星星啊」他大聲的恥笑我。

「根本你一早知睇唔到，你又話黎睇星星嘅，呃人嘅。」我用力的拍打他的手臂。

「無論你起地球嘅邊到，夜晚只要抬起頭，應該都會見到星星。如果見唔到，只不過係佢地唔想比你見到。」他繼續說。

「我淨係知我宜家見唔到。」

「你冇聽過，心入面有星星，就會見到星星。」他忽然認真的說，像在說著大道理。

「哦。」我無奈的看著天，還是找不到一顆星星。

「點解當初你會問我一唔一齊住？」我問。

「咁我咁啱諗住搬出去。我知你都要搵地方住，你都要搵個新屋企。呢段日子，呢度比唔比到屋企嘅感覺你？」他忽然看過來。

「其實屋企對於我黎講係一個好虛嘅概念，住宿舍嗰四年，我當宿舍係屋企，roommate係屋企人；但係我又好清楚我真正嘅屋企人又起台灣，呢個只係暫時住所，唔係我屋企。

宜家，我每日嘅生活都起呢間屋，我冇辦法唔稱呢度係屋企，因為我冇第二個屋企。」

「咁你起度住開唔開心？」Ken問。

「開心。有人一齊生活一齊玩，其實簡簡單單都幾好。」

「開心咁咪夠。」

「你呢，同我一齊住覺得點樣？」我問。

「我唔知，但係我呢幾個月同你一樣都好開心。」

他忽然抬起頭。

「不過.......有時候我都唔知道開心嘅日子仲有幾耐。」

「講呢啲嘅？」

「呢個世界變化得太快，好多野講唔埋。」

「唉。」

酒精驅使之下，我腦海零零碎碎的畫面飄過。

「你都知，我就黎失業，我教個科就黎冇，冇人請。」他一臉愁容，托著額頭。

「讀左咁多年，我都唔知為咩。」

「我開始唔知留起呢個地方做乜。」

「我唔知，我仲可以做咩。」

我腦海忽而冒起我大學門口的雕塑的樣子，那個不再存在的雕塑，卻又鮮明得很在我腦海中。

「喂，你間U拆雕塑啵。」

前陣子，在我畢業的那間大學，一座標誌性的雕塑被移走。

「我知道啊。咁又可以點樣？」我只是拋下一句。

面對變化的時代，我們無能為力。

人們說：留下需要勇氣，離開也需要勇氣。

而我沒有的是勇氣。

「Joyce，我有野想同你講，我都知道好奇怪。」他伸出左手，似乎想要抓住我的右手，可是又縮回去。

「如果我有多一張機票，你會唔會跟我走？」他深深吸了一口氣，然後空洞的看著前方。

我以為他會看著我。

我猜不透他是認真還是說笑。

「吓？走去邊度啊？」我問。

「唔......唔知啊。」他還是沒有轉過頭來。

「做乜冇啦啦做乜話要走？」我疑惑的問。

「冇啊，哈哈，我講下咋。」他摸摸我的頭。

「你唔好扮梁朝偉啦。」我翻了一下白眼。

「如果我係呢？你係咪會跟我走？」他繼續追問。

「呃......」這個玩笑也太無聊吧，我一臉無奈。

「我都係講下啫。」

「我唔知啊，到時再算啦。」我說。

「咁你想定唔想？」他又重新再問一遍。

「我冇啦啦做乜走？」

「算啦，當我冇問過。」他說。

有

有文

新讀者一口氣到最新
好好睇啊！
本身以為會有結局，點知仲未有

睇住篇文諗返現實 好唏噓

樓主幾時再出文

多謝你就黎有

推

推 咁好嘅故值得有更多人睇