又係時候推介下陳浩基D書，遺忘刑警其實算係佢早期作品，不過上年有增訂版。以推理小說黎講算係比較入門作品，成個故事只係圍繞一單兇案，有睇開推理小說既朋友應該相當早期就睇到部分不協調既地方同可以鎖定可疑既人物。故事開頭其實相當有趣，我大概睇到第四章，過百頁先停低休息，一個失憶既刑警，追查一件發生左六年既案件，由於主角失憶，所以佢所知道既野其實同讀者一樣多，無上帝視角，依樣係一本好既推理小說需要既條件，亦係依本小說做得幾好既地方。整個故事情節尚算合理，後段開始有曲折情節，部分的確係意料之外，不過略嫌同一個扭橋用得太多，我有諗過3個同樣既人，係同一單案出現既機率係機多
。總體黎講，依本小說唔係咩好偉大既推理作品，但都算唔錯，可以買黎鰺睇下。P.S. 公共圖書館幾乎有曬陳浩基所有作品
