[穿越/愛情]《我同鍾意咗十一年嘅人表白,佢竟然跳海死咗》(4)(開始估下結局啦)

1001 回覆
271 Like 1 Dislike
2020-07-15 22:37:54
好啦 但記得得閒上水傾下計
2020-07-15 22:40:19
下一篇文係咪講點作故,仲未到阿軒見阿晴
2020-07-15 22:40:35
仲有 fg 50k
2020-07-15 22:41:49
準備到啦
始終要解釋得清楚少少

劇透:下一篇終於交代「關鍵詞」係咩啦!!!
其實好多巴絲都好醒咁估中
2020-07-15 22:42:51
2020-07-15 23:01:31
巴打唔好學我咁耐都放唔低
2020-07-15 23:17:47
我鍾意有結局多啲
如果open end嘅話好似永遠唔知最後答案咁
2020-07-15 23:18:45
例如幻愛
2020-07-15 23:20:24
趁十二點出文前,大家得閒可以去ig參與下下一個故寫乜好嘅投票
將來雖然未必夠靈感寫到 但至少想參考下大家意見
2020-07-15 23:33:22
樓主ig:windblowssilently
2020-07-15 23:42:10
喂呀我其實未睇
2020-07-15 23:42:54
如果軒真係選擇唔去結識晴,咁個結局就會似蝴蝶效應
2020-07-15 23:43:03
Open end唔洗驚
2020-07-15 23:46:50
但係「歷史自動修補」
其實阿晴死咗都係已成事實
分別就只係對於阿軒嚟講 只不過係生命嘅某一日某個路人舊同學死咗
2020-07-16 00:00:10
如果真係自動修補
無左阿晴,照理上就有另一個女人去取代阿晴係五人中既位置,咁應該先叫修補,而被修補既女人同阿軒關係會點,又係唔知
2020-07-16 00:03:50
樓主點睇
無限Loop 死咗一個阿晴仲有無限個阿晴
2020-07-16 00:09:14
我覺得可以咁理解 我都無深究
但如果以我內心嘅設定睇
五人組合嘅係阿晴 無咗佢係因為特別人為因素 所以唔會有補上

至於呢個因素 會之後交代清楚啲
呢刻先靠大家收集線索
2020-07-16 00:12:53
今日仲有一更
2020-07-16 00:13:20
係 準備出
2020-07-16 00:14:01
想睇恐怖人性故 試吓寫唔同題材
2020-07-16 00:17:55
多謝你有投票啊深海巴
但係而家多人投愛情故多啲
不過放心 只係先寫後寫嘅分別
2020-07-16 00:17:57
冇咗阿晴
阿軒同蕭揚
2020-07-16 00:19:59
(七十二)
「嗱,我總結一次啊下,所以而家個故事背景就係,我係一個死神,因為你嘅意外死亡會令到我有機會受罰,所以我就要阿軒穿越時空幫手救翻你,順便幫埋我。」天使複述了一次我們不知用了多少時間創作的故事。

「嗯,聽落都幾合理,佢應該會信你嘅。」我點點頭,頗滿意我和天使合力創作的虛構背景。

「咁而定仲差一樣嘢啫,就係到底點樣令到第一個『回憶載點』喺最後先突然出現翻呢?」天使側起頭,苦苦思索著。

「突然出現翻......」我想了想,然後好像記起了天使曾說過的話,便問:「係喎,你之前咪話過呢啲『回憶載點』係由阿軒同我嘅感覺之間嘅一個『關鍵詞』變化出嚟嘅,咁其實個『關鍵詞』到底係咩呢?可能會幫到我哋創到個合理理由呢?」

我這樣說,一方面是想幫助創作,但另一方面,其實也是想知道,到底對於阿軒來說,我在他心中所代表的到底是一個怎麼的形容詞。

也許是「愛慕」?或者是「甜蜜」?

這時我看見天使對著我微笑一下搖頭,我才記得他有看穿人心的能力,換言之他這時的動作正暗示我猜錯了。

「阿軒同你嘅『關鍵詞』,係『遺憾』。所以呢十個『回憶載點』,全部都係由佢嘅遺憾所產生出嚟嘅。」天使說。

聽了這一句,我只感到難以形容的失落感。

原來我和他從中二相識以來,一直經過多少成長片段,但到頭來,能成為最重要記憶的片段,竟然都是「遺憾」。

也許,快樂的感覺總是一閃即逝,但遺憾卻是可以成為一生烙印。

「咁好簡單啦,你就喺阿軒經過我嘅結婚日但都係發現改變唔到我嘅死之後,話佢知,有一個全新嘅『回憶載點』出現咗。呢個載點之所以會出現,係因為佢發現改變唔到歷史,心入面好遺憾最初認識咗我,所以先導致呢個載點出現。然後只要你再鼓勵佢喺呢個載點入面改變我同佢相識嘅歷史,咁就可以成功啦。」我一邊說著,天使一邊滿意地點點頭。

「不過咪住,我突然間又諗到,即使阿軒改變咗我同佢最初相識嘅歷史,但當佢翻到嚟現實時間之後,佢都會記得『佢改變過我同佢嘅歷史』呢件事㗎,咁咪即係佢仲會記得我囉!」我感到自己突破了盲點地問。

「放心,歷史有自動修補嘅力量,所以當佢翻到嚟現實嘅時候,佢的確會仲記得你。但大約係兩至三個鐘之內,新嘅歷史會慢慢代替佢腦入面嘅舊歷史,到時候佢就會完全唔記得咗有你嘅存在啦。」天使氣定神閒地回答說。

「好,聽落好似咩問題都解決哂,可以action啦。」我表面上高興地笑著,但內心卻忐忑不安地,準備見證著阿軒完全忘記我的過程。

「其實穿越時空呢件事從來未發生過喺在生嘅人嘅身上。平時死人明知結局一定係死,所以佢只會享受經歷翻歷史美好時刻嘅過程。但而家阿軒就係帶住一個想改變嘅心踏入歷史之中,所以到底最後佢會喺歷史入面帶嚟啲咩改變,其實連我都預計唔到。所以我預先講定一句,情況可能會係我哋預計咁,亦都可能係會有出入嘅。但若果我哋決心要執行我哋嘅計劃,就唯有面對下未知嘅風險啦。」天使一臉認真地解釋道。

「嗯,我明白。」我肯定地點點頭。

「呢個計劃係你提出嘅,我相信你都會想旁觀成個過程,當然睇唔睇就由你自己決定,我只可以講,好多人以為穿越時空一定會愈變愈好,但事實就未必一定嘅。若果你決定要睇,你就可以用上帝視角去睇到事件嘅全貌,亦都即係你就要預咗可能會見到好多對你嚟講好殘忍嘅事實。到時嘅你就只可以做旁觀者,咩都改變唔到。」天使收起了溫柔的笑容,講解著重要的提醒。

「我明白,我決定要睇。」即使阿軒將歷史變得再多,我也想觀察一次。

因為我已放棄了親身體驗過去的機會,所以唯有用觀察來最後一次回味我和阿軒的過去。

「咁喺正式action之前,我想問埋你最後一個問題。」天使靜靜地看著我的雙眼,彷似要看穿我的心和靈魂,「你覺得要令阿軒對你嘅記憶消失係咪就係一個最好嘅解決方法啊?」

「只要佢幸福,咩方法都得。」我苦笑一下。

天使點點頭,微笑著說:「我感受到,呢個係一個真心嘅答案。」

確實地,反正我是一個已死的人,所以在我的心中,唯一的寄望,就是可以令阿軒幸福。

而我最後的心願,就是想成為見證他得到幸福的觀眾。
2020-07-16 00:25:05
聽日開始,九個回憶載點再度出現,
不過今次,一齊用阿晴角度出發
2020-07-16 00:27:34
點解第一天相織對方都會產生「遺憾」既感覺?
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞