[穿越/愛情]《我同鍾意咗十一年嘅人表白，佢竟然跳海死咗》(4)（開始估下結局啦）

阿軒縮足咁多年 阿晴好難話對佢感情好深又嫁比另一個人 呢個時空下大家嘅結局就係源於2個一齊唔到 我唔會怪阿晴

終於到阿晴篇好想知到底背後係點 期待聽日午更

點解呀晴要一時意氣跳海
跟住又話搞到呀軒內疚一世過意唔去但又無啦啦有個有趣嘅想法
即係其實佢都唔係好鍾意呀軒啦死咗都諗住玩9佢

幕後大BOSS—阿晴！！！！

Feel到結局
最終阿晴都係死咗，二人互相明白對方心聲，希望阿軒不要因為佢嘅死而內疚。「只要你幸福，我就幸福」。最後阿軒帶住阿晴呢個諗法活下去，因為呢個係阿晴最想要。 sad ending. 完。

可以買定刀片
如果阿軒翻去表白的話，真身又會唔記得自己表白，講過啲咩，做過啲咩，即係短暫性上身，成個傻仔咁
屌！表唔表白都一撚樣，有咩分別（結果分別就係可能就係自殺同他殺，而他殺因為唔係意外，所以唔可以復活）

我覺得講阿晴本身75歲先死係有原因既

唔講宗教，自殺同意外都唔識分🤣🤣🤣🤣
咁都唔係bug😂😂😂😂

比悲傷更悲傷😭

所以我都覺得作者作得好夾硬

自殺同意外唔識分？😂😂有無智慧？
仲有故事又點？係合唔合理的問題
不平則鳴，問題係故事同作者度，而唔係提出問題嘅人。
你邏輯都幾中共

睇故就唔好駁故啦好心
作故肯定會夾雜好多唔合常理嘅內容先算得上係故事，穿越呢壇嘢已經係啦，又唔質疑穿越呢個位？
如果係要忠於現實一切以合理行先，一啲創作超乎現實嘅情節都冇，睇論文咪啱晒你重睇咩故
睇返之前幾個穿越者嘅「意外」死都有個共通點，就係因他人影響而提早結束自己嘅生命。按呢個邏輯，阿晴本身飲醉酒，但喺劇情鋪排之下阿晴乜都自己默默承受嘅性格理應係飲完酒就扮冇嘢然後自己返去繼續受苦。同埋比盧業成又打又盛咗好幾年，佢係想自殺應該唔洗等今日。真正會導致阿晴嘅死全因阿軒嘅表白而令到飲醉酒嘅阿晴發酒瘋，繼而跳海發洩，亦都因為醉左，控制唔到自己而浸死。
（雖然好似冇提到阿晴識唔識游水，但照道理醉咗嘅情況下游唔到水應該正常？）
所以到頭嚟阿晴都係好似故事入面嘅穿越者咁都係受他人影響而導致提早完結生命，咁斷定佢嘅死為意外都好合理？

咁都比你推到講中共, 除咗一啖笑真係講唔到啲咩
而且而家係創作, 有話一定要跟足宗教嘅理念嚟寫?
覺得你係宗教狂熱分子

喺其他人眼中佢係自殺死，因為婚姻問題唔開心而跳海尋死；但原來佢冇自殺嘅念頭，反而飲醉咗太激動而跳海死咗。

有冇自殺念頭就係關鍵位，我嘅解讀就係咁。

當然你唔滿意嘅，大可以攞本字典出嚟拗

大家早晨
先多謝好多巴打為個故事解釋, 不過其實我都多謝 二十四者絲(巴?) 提出問題, 因為可能有人都有同感, 至少有人問, 我先有機會解釋清楚

其實我諗上面 混分太郎巴 嘅解釋最貼近我嘅想法, 我所想嘅意外, 其實係「意外地提早結束本身壽命」。阿晴本身有75歲, 因為阿軒突然表白加上當日受家暴後心情積累鬱悶, 所以先喺飲醉之後突然跳海。因為呢刻嘅自殺無預先諗過, 完全係酒精驅使嘅一刻衝動, 所以我解釋為意外。

但其實問我個人, 如果一個人飲醉揸車撞山爆炸而死, 我都會覺得佢係意外。所以對阿晴呢件事, 我自己會解讀為意外。當然, 佢同一般大家理解嘅意外可能唔完全相同, 所以如果令有部分讀者失望, 呢一點非常唔好意思。

所以對於「意外」呢一點, 我都明白總會有人覺得唔合理, 所以歡迎你提出, 我解釋到就會用我作者嘅角度解釋下。最後多謝好多位巴打肉緊地幫我解釋定先, 我覺得有討論先會令大家更明白個故事, 所以無論係提問嘅, 回應嘅, 都同你講句唔該哂

而最後回應多一小句, 點解阿晴又要內疚, 又有有趣嘅想法咁矛盾?
因為篇文其實未出完, 睇落去就知

最後報下更, 今日有兩更
午更一點前出晚更之後再報

「有冇自殺念頭就係關鍵位」, 簡單而清楚嘅解釋

唔係駁故，唔係唔比天馬行空，其實故事講咩題材，講外星人都得囉。

無意冒犯，但你理解力可唔可以高少少？

既然作者設定係咁，就唔會作一啲嘢嚟自相矛盾，破壞自己個設定，就係自打嘴巴，就唔make sense。呢個先係main point. 基本邏輯思考嚟

佢如果唔小心跌落海係意外，佢係故意跳海，仲講咗句說話，呢個唔係自殺係咩？
有人話我係有宗教，sorry wo, 唔好廢up。我無宗教信仰喎，但真心唔明自殺都有獎賞呢個位喎😂😂😂
同埋我都同部份讀者一樣，作者作佢跳海死而展開後面情節，佢比軒穿越都估到，但個理由竟然係咁⋯⋯都突兀咗。等我仲諗到作者咁高層次，晴係想保護軒⋯⋯

今日有三更
因為penana 1100 likes已經達標
多謝大家支持

今日加更有點特別, 為咗俾大家睇得順少少, 所以今日加更加喺下晝

另外penana加更方面, 暫時會停一停, 原因會遲少少公佈, 但連登正皮加更繼續進行中, 250正皮就加更

所以12點先有第一篇, 大約2點會出加更
呢個係wfh福利希望唔好令到D要翻工嘅人分心

唔指名道姓啦，啲人嘅諗法都幾奇特。

人哋寫故事，唔比評論？？不如唔好發佈。

電視劇、電影、書籍、政府、食物、購物⋯⋯每樣嘢都可以被人評論，人有言論自由和批判思考囉

有啲影評人寫某套戲差，唔通唔比？唔通你話人睇戲唔好駁戲？
食某啲嘢覺得難食時話難食，唔通你話人食嘢唔好咁多要求？
呢個邏輯講出嚟都笑死，歪理到呢～～
呢啲咪係「蝗國」封閉思想囉！

我係睇完去探討入面嘅位，唔係未睇過就盲目批評。


反而我覺得以及欣賞作者尊重讀者的意見，呢個先係開放性思考的態度。

喂其實你討論還討論可唔可以用返連登啲公仔

今日早到真係好早

我好認真睇緊 你一句令我笑左出聲