[穿越/愛情]《我同鍾意咗十一年嘅人表白,佢竟然跳海死咗》(4)(開始估下結局啦)

1001 回覆
271 Like 1 Dislike
2020-07-14 22:18:13
寧願當初不相見
寧願當初不覺得你太友善
2020-07-14 22:32:23
2020-07-14 22:34:43
(七十一)
「阿軒?」天使一時不解。

「只要佢嘅『回憶載點』有我同佢初相識嘅一日,咁佢咪可以做到改寫我同佢相識呢件事囉!」我想到這裡,忍不到興奮地叫了出來。

可是天使卻微笑著搖搖頭,說:「理論上係啱嘅,但係第一,如果佢願意改寫你哋初相識嘅經過,點解唔直接叫佢接受消除記憶呢?既然你都知佢係唔會揀消除記憶嘅,咁佢又點會肯改寫你哋嘅相識經過呢?第二,穿越時空呢件事一直以來都係意外致死嘅人先有機會試,俾一個未死嘅人去試,我真係唔知天堂批唔批準。」

天使的話是對的,一時間,我又陷入沉默之中了。

當我和阿軒已經各自都未能與對方所愛的人共度一生的時候,我可以撒手人寰,但阿軒卻要在世間飽受煎熬,這對他真的公平嗎?

「阿晴,一直以來,每一個意外而死嘅人一聽到可以穿越時空,就會馬上諗到同最重要嘅人去經歷人生中最美好嘅時光多一次。你係第一個提出想放棄呢個機會嘅人。」天使突然打破了沉默,溫柔地看著我問:「我想問,如果真係有機會可以令阿軒忘記你哋之間嘅一切,你就真係願意放棄穿越時空嘅機會?而且你要知道,歷史一經改寫,就再無得翻轉頭。即係阿軒一忘記你,就唔會再有記得翻起嘅機會。」

「咁樣...實在太好啦。你有辦法?」我聽了,雖然心裡對於阿軒失去我們之間的記憶感到心痛,但讓一個已死的人感到心痛,總比讓一個在世之人痛苦一生更好。

天使不置可否地回應著:「阿軒而家係樓下嘅病房因為浸親而昏迷緊,我會去確認一啲嘢先,好快翻。」

說著,天使就消失在我的眼前中。

天使走後,房中就只剩下我和我的屍身。

看著這具靜靜地躺在床上跟我樣子相同的屍體,我感到了一陣釋懷。

或者,其實我內心早想逃離這段要命的婚姻。

這段婚姻,不但充滿了難受的時刻,而且還是我昧著良心放下最愛的人來成就的。

結果,成為了我人生中最大的遺憾。

現在這一死,不但讓母親可以得到一筆可觀的保險,同時又可能可以讓阿軒忘記我的存在,減少他的痛苦,所以也許已經是最好的結局了。

就在我胡思亂想之際,天使再次閃現於我眼前。

「因為阿軒昏迷緊嘅時候成個腦都係諗住你,所以我啱啱乘機感受咗一次佢腦海入面同你嘅『關鍵詞』係咩,然後再睇埋呢啲『關鍵詞』可以創造到咩『回憶載點』。結果,恭喜你,喺佢十個有你嘅『回憶載點』入面,第一個『回憶載點』就係第一次認識你嘅嗰一日。」天使微笑著說。

「但係正如你講,即使佢有,都唔代表佢會肯改寫呢個回憶㗎,佢份人好硬頸㗎......一係你俾我勸佢?」以我對阿軒的認識,他並不會如此容易就範。

「死人係絕對唔可以同在世嘅人對話嘅。」天使堅決地搖了搖頭,不過旋即回復了溫柔的笑容,說:「其實我心入面有少少諗法,或者可以幫助到你,只係呢個諗法實行之前,我需要過多一關。」

天使認真地看著我,然後凝重地問:「你真係決定用自己放棄穿越時空嚟換阿軒嘅記憶消失?」

我沒有回話,只是用最肯定的眼神點頭一下。

天使呼出了一口氣,然後說:「好,咁你再等我一陣。」

語音剛落,天使又消失不見了。

這次的「一陣」果然是「一陣」,不足十秒,天使又再現身了,而且是帶著高興的笑容。

「天堂批準咗你嘅提議,可以俾阿軒代替你本身有嘅名額去經歷一趟穿越時空嘅旅程。」天使一臉興奮地道。

「點解嘅?」我看著他如此高興,雖然未完全明白現時的事態發展,但仍有一點替他高興的微笑作為反應。

「天堂無解釋,但竟然好快就批準咗,其實我都好意外。」天使笑了笑。

「但即使阿軒可以穿越,始終佢唔肯改變回憶呢件事都未解決到喎......」我不解地說。

「其實喺我嘅諗法入面,要令佢肯改變回憶並唔難,最難嘅反而係技術上嘅問題。但係而家既然證實咗佢嘅『回憶載點』有你哋認識嘅第一日,而且又有天堂嘅批準,咁成件事就唔難啦。」天使滿意地笑著。

「即係點啊?」我仍然是不明白。
2020-07-14 22:35:01
遲咗少少
2020-07-14 22:35:44
份工唔可以wfh表示羨慕
但好彩嘅係放工有文睇
2020-07-14 22:40:36
係 所以之後出文會早少少 照顧埋大家嘅肝
2020-07-14 22:40:40
今日仲有冇?
2020-07-14 22:41:38
2020-07-14 22:42:26
今日暫時未有啦
不過雖然本身話停Penana嗰邊加更, 但見大家咁落力, 所以決定照計埋, 所以應該係聽日計埋午更夜更會多一更
點都要多謝大家落力支持
2020-07-14 22:43:57
新加更規則:
連登每到50正皮 就加一更 下一加更位係250正皮

Penana每逢讚好數量升150都會加一更 嘗試拉長少少個加更嘅週期
所以下個加更位係1400 likes (因為1250直接俾人推爆咗, 會15/7加更)

講起Penana, 歡迎大家可以bookmark個故事(一有文就會知),另外如果你覺得呢個故真係好睇又或者值得你支持,歡迎你可以去留個言或者打賞我,對我嚟講都係好大欣賞同支持
2020-07-14 22:48:21
諗起把聲都sad
2020-07-14 22:51:50
咁比賽文呢?係咪最多4章(起承轉合)
2020-07-14 22:53:19
居然仲有一個回憶載點仲要係相識第一日 但我估阿軒應該唔會選擇忘記

人死不能復生 睇嚟註定sad end

(會唔會阿軒嘅出現就係阿晴嘅死因 如果係咁阿軒可能選擇忘記嘅...利申亂估)
2020-07-14 22:53:33
係, 但佢要分四個階段出
其實我寫好哂, 但要守規則慢慢出都無計
順便一提, 大家如果有睇都可以俾下意見我,
其實比賽文嘅style更似係我style
2020-07-14 22:54:19
有人留意到!!!!
無錯 一直仲有一個載點隱藏!!!!
2020-07-14 22:57:00
之後有更深入嘅阿晴呈現
其實呢個故事好想俾大家完整睇到哂兩個主角嘅心思
所以之前大家狂鬧阿軒嘅時候我一直忍住
因為睇埋阿晴 大家可能有另一個感覺
2020-07-14 23:00:44
加油,希望可以睇到(合)
2020-07-14 23:01:16
多謝深海巴支持
有冇咩意見?定係太短未有咩感覺住?
2020-07-14 23:11:01
睇完上面嘅「討論」之後其實有個無聊問題

喺一個有天使 有陽壽 大概亦都有「命運」嘅世界裡面
真係有「自殺」依件事存在咩?

現實入面有被雷劈十次都死唔去嘅人
由飛機跌落地死唔去嘅人
有每次船難都逃出生天嘅人
咁點解阿晴嘅結局係「跳海浸死」而唔可以係「跳落海冷靜下再游個靚圈上返岸」?
2020-07-14 23:13:11
暫時未好明白個走向 節奏比較偏慢 不過期待更
2020-07-14 23:13:27
想睇到「記憶載點」以外嘅阿軒

阿晴嘅世界入面 原原本本嘅阿軒
又係咪大家覺得咁「廢」呢
2020-07-14 23:13:29
呢個問題高質
希望我無理解錯
但呢個問題會係故事後面答到你 呢刻唔答住
我會記得 當故事答左你嘅時候 我會認真回應你
2020-07-14 23:14:26
離過婚先一齊同一開始一齊唔同啲嘅點都
2020-07-14 23:15:03
多謝深海巴意見
其實我寫嘢鍾意慢同細
(劇透: 雖然下一個故都唔慢同細得去邊)

不過放心 因為個比賽得四round
所以下一章就唔會慢
先多謝你支持
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台潮流台上班台財經台房屋台飲食台旅遊台學術台校園台汽車台音樂台創意台硬件台攝影台玩具台寵物台軟件台活動台電訊台直播台站務台成人台黑 洞