有增生疤痕(蟹足腫) 做過治療請入

我都係背脊膊頭2邊
宜家都諗緊做唔做冷凍好
由大概中五到宜家成10年
咩中醫，針灸，西醫，打類固醇，排期睇政府皮膚科都做過灑，真係好灰.....

最傷心喊得勁係有次朋友結婚做姐妹
著左條裙望住自己2邊膊頭，係屋企人面前爆喊
好嬲點解會咁
最後用2塊撒龍巴斯貼住2邊扮肩膀攰
再用披肩遮住

我唔介意自己平時著唔到背心，著唔到吊帶
我唔介意....
但好驚自己有日著婚紗比人見到....

我同你都幾相似情況
所以真係好煩惱
做冷凍應該都要幾萬

打針就得

兩邊膊頭呀

身邊無人有呢個問題終於搵到人可以傾下

唔介意你可以比張相我同大概大細 我下禮拜覆診幫你問埋醫生大概幾錢

其實最緊要應該係睇下佢有冇增大 如果咁耐都冇增大應該可以放心少少 如果會增大一定要趁細粒嗰陣搞咗佢 一定要趁細粒嗰陣搞咗佢 應該可以打針或者查藥膏就可以冇咗 最多幾千 但係如果一拖去到好大粒就要治療 萬幾至幾萬

留意下有冇增大 咁細粒應我買啲藥膏或者打針就搞掂 千祈唔好拖

我好似一個月內就有 一開始好細 但係因為耳骨個耳環好難換所以成年都冇掹過出嚟 直到一年後feel到有啲血水同埋少少痛 就見到佢增大左本身以為放血就搞掂 搵咗支消毒嘅針諗住放血 點知一督留完血之後就慢慢繼續變大 成個過程大概有三年

我之前心口都有增生性疤痕，1cmx3cm到，因為約黎約大舊同好痕，最後頂唔順做左切除手術再加去做放射性治療。依家做完手術兩年了，都無復發跡象！

我留tg比你呀，謝謝你
麻煩灑

@yytt000

Hi咗你啦

絲打咁樣做使唔使5萬

我係喺腮邊有疤痕增生
打類固醇加彩光，而家叫做好返了
但一諗起當時，成日俾人問係咪爆瘡，好鬼自卑

四萬幾到。本身幾乎全數claim到，但因為我冇住院所以claim得一半...

提提大家，不幸有蟹足腫就真係要儘快處理，千祈唔好拖呀，因為佢真係會突然大得好快。

由於做過放射性治療，所以嗰一部分的皮膚唔多唔少會有色素沈澱，再加上手術後我痴左成年壓力膠布同曬過，所以我嗰一部分皮膚都真係會有少少唔同色。

我係！
打前類固醇有冇醫生推薦
其實係咪揾專科醫生

我係睇一個天后嘅皮膚科，叫陳x華醫生
醫生又靚又溫柔，最緊要醫得好我

ching 有幾嚴重？我係爆瘡後無好好處理，幾粒啲疤變成一大粒，又紅又腫

Me too 衰多手r粒瘡 一粒仔又唔係好大既
本身不斷搽野以為粒瘡未好 最後先發現係疤