有增生疤痕(蟹足腫) 做過治療請入

都要疤痕貼+壓力衣半年先得

上星期電完，暫時電過嘅地方仲係好似曬傷咁紅紅哋

有無巴絲試過做冷凍治療？
上網睇啲人講冷凍治療+術後打類固醇針
比較有效令個疤痕唔會復發
不過我見做完冷凍治療後要洗傷口好麻煩
心口位置瞓覺又好容易整到

我做過
做完係會麻煩 要好小心
但但還自己心願（平哂）算係咁

巴打近排情況點樣
恢復效果幾好嗎？

我覺得幾唔錯，而家電過嘅地方冇咁紅

不過如果就咁用陳醫生度買嘅疤痕貼我覺得對我嚟講係唔夠力，因為我嗰啲疤係時間好耐又大，所以我另外網上買咗PolyU研發嘅智慧平疤貼+壓力貼，再用埋本身有嗰件壓力衣。而家用咗一個月左右，我覺得效果真係好好，平滑咗好多，打算用佢半年試試。但因為我啲疤喺心口，要用到9mm矽膠柱嗰款，會比較貴，你有興趣可以先WhatsApp聯繫佢嗰邊個林生問問邊款貼會適合你嘅情況，唔會hard sell之餘非常耐心又好人

咁幾好啊👍祝你早日康復

你果時切完加連續5日電療就直接番工？
定需要請多兩三星期抖
同想知覆診嘅頻率大概幾密～
係陳醫生親自做切除？

錢果方面我問過 大概要10萬
切除同電療約佔各半
但每次覆診要另外再比定包埋？

甘而家肋骨/其他身體部位仲有冇痛
傷口都冇腫痛+痕？

同埋Poly疤痕貼半年 你預大概幾錢

我本身打算年頭做，約埋期
但屋企&工作上有啲事，最後要到年中先做得
近排仲增生得多咗+腫痛

我純粹分享我個人例子，照計你個疤痕未必有我咁大，應該會冇咁麻煩、貴同用時長。

我嗰時係監察麻醉+陳醫生負責切，應該係最舒服嘅方法，手術後老實講一啲痛都冇。如果疤痕唔大嘅應該做完手術後盡快去做電療，但我傷口太大，前後等咗一個月先做得，電療嗰邊嘅楊醫生事前有解釋過研究係最好切完24定48小時內做嘅，但都要睇陳醫生根據傷口癒合程度嚟判斷幾時做得，暫時嚟講我覺得效果都係好好嘅。

如果你真係要等一段時間先做得電療嘅話，陳醫生會問你做唔做高壓氧艙治療加快傷口癒合，過程就係喺入面瞓一個鐘左右，我嗰時頭一個禮拜係免費嘅，你可以問問佢哋。覆診都係頭幾次免費嘅，之後大約$300一次。

傷口就一直都冇痛嘅感覺，係壓力衣著住辛苦，而且係做完電療+陳醫生睇多次話ok前都唔可以沖涼呢樣麻煩啲。電療前有一日要去度位整鉛擋，要瞓喺張不銹鋼「床」上面幾個鐘唔郁得 之後就好輕鬆，每次去到瞓5分鐘就走得，連續照3-4次，照完嘅地方會好似曬傷咁紅晒，而家話咗一個月有淡咗啲，另外會變乾同有啲痕。

因為覺得疤痕某啲位比較硬同突，普通一塊疤痕貼感覺壓唔平，然後陳醫生又話如果呢啲地方壓唔平可能打針會好啲，於是上網搵咗理大嘅智慧平疤貼嚟試，因為心口位要用到最大壓力嘅平疤貼所以最貴，你預費用係$2500/兩個月左右。但效果係明顯嘅，疤痕位置啲皮膚好光滑，之前硬同突嘅地方係明顯平咗，冇咁突嘅地方直頭同冇疤嘅皮膚一樣平滑，真係好犀利

你問我就一定愈早做愈好，然後天氣凍嘅時候做最好，天氣一熱真係會好辛苦，除非你完全唔怕熱

諗到可以分享嘅大約係呢啲

好感謝師兄您嘅分享
希望你快啲好番
我兩條疤痕都唔細 一條7cm 一條9cm
加埋有啲少蟹+增生緊
所以做落都幾麻煩 未必適合之後一兩日就做得電療
亦都預咗要植皮

但電療果5日 加陳醫生睇咗次先可以沖涼
即果10日度剩可以抹身？

病假果邊你覺得係切除+電療果幾日至第一次覆診（總共近兩星期）先需要嗎
定之後狀態都難返工/學，要抖足一個月？
同埋果5日要連續電療，住附近酒店/旅館會好啲？

頭果段時間連瞓覺都要著埋壓力衣
會覺得心口長期壓住唔舒服、失眠、想嘔之類嗎？

比我都唔會想再打針，貼平疤貼
就係打針都攬唔掂，先要切除+電療
甘連埋平疤貼，您使咗12萬左右？

我都好怕熱，但屋企+工作上有啲事
都要6月先做得
而家都一直搽緊類固醇都仲增生，打針又太痛
再等下個冬天攪唔掂

最後想知你到目前為止，覆咗幾多次診？🙏

前排去旅行，而家先得閒少少覆

7-9cm對我嚟講唔算大，因為我最大嗰舊疤成15cm長 當時陳醫生都話要植皮，最後都冇做到，所以唔駛太擔心。而且冇植皮到都唔代表第二日可以做放射治療，好似我就等咗成個月俾傷口埋口。

係啊總之喺完成「所有治療」+陳醫生確認前唔好洗頭（如果你洗頭肯定唔會有水整濕到疤痕位置可以不理，例如腳）+沖涼，只好抹身（+出去洗頭），我試過用乾洗粉，最多頂到幾日，都係俾錢洗頭爽好多

我做完手術之後因為工作關係只係請咗一日假以防萬一抖抖，事實上真係冇不適感，即刻返工都冇所謂，放射治療更加冇需要抖，不過你可以叫陳醫生喺手術完開幾日病假俾你嘅。

做電療唔使喺附近住酒店嗰啲咁誇張，除咗第一日做鉛擋要喺醫院瞓幾個鐘之外，之後你每次只係去瞓低5分鐘左右就走人，之後你想去返工、行街都冇所謂

壓力衣如果加上入面攝住發泡膠、紗布嗰啲，會焗，壓到唔舒服，你會感受到以前外國女人勒住成個心口+肋骨嘅感覺。到可以貼普通除疤貼嘅時候陳醫生應該會同你講可以唔使再著壓力衣，但如果你好似我咁想壓到啲疤平滑啲而用智慧平疤貼嘅話，就要著埋壓力衣，仲要著半年，每日最好用上20個鐘左右。所以先話天氣凍嘅時候做手術最好。

平疤貼有限錢，但手術+放射治療加埋差唔多廿萬

如果唔計換紗布睇傷口埋口程度嗰啲覆診嘅話，咁放射治療後去陳醫生度覆診過三次，每次隔一個月左右，睇睇有冇復發同疤痕平整程度

好多謝師兄您詳細解答哂我嘅問題🙏
等我有個心理準備術後點處理
同盡早有個預算 安排好哂啲嘢

同埋想問師兄你本身係得果一條疤痕，心口附近啲皮膚都正常，冇暗瘡生？
同埋而家要食口服藥？
去旅行要戒口？

心口有兩個本身有三個，最大嗰個同最細嗰個後尾合埋變到咁大），除此之外冇暗瘡嗰啲

而家每日食陳醫生開嘅通血管藥同一次維他命D，旅行嗰時我冇特別戒口，不過我本身都唔經常食辣同幾乎唔飲酒，所以冇乜嘢

另外最少半年內要停晒所有牽扯到心口嘅所有運動，包括練上身嘅健身動作

師兄，我近排都見到啲人話同位素有用，你有冇做到?

師兄，會唔會留個TG了解下香港做SRT好貴

返內地做 好平

同位素會留白印