有增生疤痕(蟹足腫) 做過治療請入

師兄近況如何復原好哂&有做返上身嘅運動？


我本身想拖到冬天先做手術，等著壓力衣果排冇咁辛苦
但最近啲疤痕又痕又痛到頂唔住，連瞓都唔多瞓到
早幾日就睇完陳醫生，安排咗7月頭做手術
不過都剩係肯做啲胸口大嘅三大蟹，其他蟹太細
話太細做完都係個傷口，效果唔大，所以唔打算做
頸嘅部分想做嘅，都要第二次先做

電療果邊，楊醫生話冇切嘅地方都可以電埋
效果係冇切完再電好，但都會抑制倒啲
不過胸口始終近乳腺
吸收嘅幅射愈多，面積愈大
機會係好微好微，但對人體長遠都係有一定風險（eg. 甩頭髮、Cancer…），因此睇我想點

我諗過就算啲細蟹唔做，始終都變大蟹
到時又做手術咪一樣所以諗諗吓都係想電埋


言歸正傳
想問你果時胸口條疤係打橫定打直
同身體而家有冇咩其他大礙/甩頭髮？
果時近兩粒鐘嘅手術都係局部麻醉？感覺係咪好驚，好漫長諗起就做手術少緊張，希望有個心理準備

嗰時有提埋我可能會有乳癌，因為近心口位置

如果陳醫生唔建議你切，可能都有問你會唔會考慮打針？因為我怕痛同我嗰啲比較大，所以我冇考慮麻醉+切以外嘅選擇嘅

我心口嗰啲疤係打橫嘅，如果用胸嚟講，最大嗰舊係胸嘅上緣，第二大嗰舊喺胸嘅下緣正中間位置，另外有兩個細嘅喺最大嗰舊下面，暫時身體冇咩感覺唔舒服。本身個電療係劑量好細同照皮膚表層，所以副作用理論上冇咁大嘅。

我個幾月前覆診都係話未做得上身運動住，過幾日再覆診睇吓點。老實講天氣一熱著住件壓力衣真係幾難受，出晒汗又焗住成日咁。一開始做完手術仲要有段時間冇得沖涼，只可以抹身，好慘。另外做手術之前記得剪咗頭髮先，費事一個月都唔沖得涼嗰下頭髮又長又厚又熱咁。

假如唔切又唔打針，可能試下電療+用之前推介嗰隻疤痕壓力貼，效果真係幾好，會幫手壓平啲疤。當然用之前可以先問咗陳醫生，費事佢話你個case貼咗都冇用咁，浪費錢。

你問我就覺得啲錢使咗係好心痛架喇，但睇效果嘅話真心係幾滿意嘅，唔會又痕又痛，唔會一大舊嘢突出嚟嚇死人，感覺好似自己正常返咁，但真心係貴嘅。
切嗰時唔會係局部麻醉嘅（除非自己要求？），我係監察麻醉，喺隻手種完痘，麻醉師同你打好嘢，你瞓喺床度好快就覺得視線模糊，下一秒就係你醒返，然後你先知原來瞓咗幾個鐘，然後心口又唔覺得痛咁（至少我係），等你休息到夠力起身先會去見醫生。我覺得應該係最舒服嘅治療方式嚟架喇

感恩你咁快見到個post同甘快覆我
佢就提我話可能有惡性腫瘤，唔建議電得多

陳醫生有問啊，仲提埋有冷凍治療，我就話試過打一次針，太痛同要打多次，接受唔到，同埋見切除+電療復發機率得10%左右，所以比冷凍好。佢都話我啲大蟹都耐同大，都可以做切+電。

甘睇嚟效果好好，你啲細蟹都係1-2cm？
我心口就集中喺中間，上一條9cm, 下一條7cm, 再下啲有條3cm, 另外有兩三處有1-2cm

熱係個問題，但麻煩嘅係心口仲有兩三處生緊瘡，發炎痛，到時再焗住心口，情況會更差，唯有希望到時好返啦，陳醫生都建議我接受皮膚科建議食a酸/睇中醫，唔係E頭切完果頭又生暗瘡再變疤都唔係辦法。
所以嚟緊睇皮膚科都諗住食番即使知副作用有機會甩頭髮

係啊，本身以為第一次去都有得直接做，所以都剪短咗係呢，果時陳醫生建議你著幾耐壓力衣？

我都諗住買，諗住做完手術再問吓陳醫生，btw陳醫生都建議我網上睇多啲蟹足腫啲資料，好少醫生會咁，但佢都幾嚴肅，見我成日睇睇吓皮膚科醫生，怕痛/見無乜效就冇繼續睇都話我

係貴啊，而家剩做心口都要8-9萬，但唔做嘅 一直痕痛&增生落去都唔得掂，本身都預15-16萬 可以一切過做埋頸，可惜陳醫生話唔適合一次做哂（心口+頸），想做嘅都需要分兩次做，電療果邊就話頸有兩邊，需要當兩個field計不過好彩頸果邊又唔痕&唔痛，兩邊顎骨都遮到 唔太覺眼，所以都係再諗吓先。

係監察麻醉就好啊兩粒鐘feel到人切緊自己身體，感覺應該都好恐怖。但記得佢好似話係局部麻醉同佢個網都咁寫，仲話做完手術會好痛
我晏啲再問吓姑娘係咪監察麻醉先

我兩粒細嘅應該係3cm內，嗰時都係覺得要做就一次過做晒心口呢4粒。壓力衣佢係有嘢壓實個疤先會叫我著，例如手術後有發泡膠墊住嗰時，同埋之後我用緊壓力貼（厚度有1cm)嗰時，如果得好薄嗰種好似膠布咁嘅疤痕貼就著嚟都冇用，佢都會叫你唔使著。

電療嗰邊楊醫生好好人，會盡量幫手諗點慳啲錢，但佢計field係用鉛擋嚟計，如果一塊鉛擋可以cover晒要照嘅範圍以外嘅地方咁就只計一個field，不過你頸係兩邊都有就唯有計兩個。

麻醉嗰邊我諗你可以問佢做唔做得監察麻醉，照計唔會唔俾，只係貴過局部麻醉好多我估，始終要個麻醉師一路陪住你。至於手術後痛唔痛，我本身都預會好痛，但好神奇我真係冇覺得痛同唔舒服，但可能只係我做手術嘅位置冇神經（？），所以唔敢講你會唔會痛。

但老實講，做完手術+電埋之後再貼埋壓力貼後一段時間係真係感覺良好，如果陳醫生同楊醫生覺得可以做而又負擔到嘅話真係幾值得做。其實我左手臂都有，但自己覺得做唔做都差唔多所以冇做

即係陳醫生見你用緊理大隻疤痕貼先建議你著半年？

係，睇楊醫生果陣都見佢想幫我盡量慳，但想知你detail果20萬係點分，切除手術 同 電療各10萬？ 諗緊電療1個field嘅價錢係咪5萬倒

唔該哂師兄岩岩覆咗可以轉做監察麻醉，係要比多萬5蚊，我都諗住照比嫁啦，試過做局部麻醉幾分鐘（眼嘅smile手術）幾恐怖。借啲意再問埋做監察麻醉有冇得一併做埋頸嘅蟹，都係唔得-建議要分開做。睇嚟頸嘅蟹都係由佢先，好彩頸嘅唔痕唔痛唔太覺眼。

而家係諗緊壓力貼使唔使早啲買定，怕冇貨。你係做完手術後一星期先要開始貼？同埋每次剪返你需要嘅大小？

其實係因為手術後頭半年最易復發所以先要咁耐，當佢覺得疤痕位置皮膚已經夠穩定冇復發跡象就會唔使再貼/著壓力衣應該

我係切除手術13萬幾，放射接近6萬，放射係計兩個位置

壓力貼唔使咁早買啊，你做完切除手術後要先等傷口埋晒口先做得放射，我嗰時等咗超過一個月，之後做放射治療，一個禮拜後好似分別去楊醫生同陳醫生度覆診，等皮膚情況穩定啲先痴壓力貼都未遲。因為做完放射之後照過嘅位置會好似曬太陽曬太耐曬傷咗咁變紅同有機會甩皮，佢都唔會想你每日換壓力貼嘅成口扯傷啲皮膚。

另外嗰間嘢出貨都快，好似三日內順豐上門，而且唔知買邊款可以問佢個CS或者陳醫生，會有晒相同片教晒點貼。塊疤痕貼可以每日洗，乾咗就貼返用一個月，上面會加塊壓力膠布（呢塊用大約一個禮拜左右）固定佢同幫手施加壓力，之後再著壓力衣咁。塊疤痕貼大約係剪到同疤痕差唔多形狀同大細。

上年搵左陳東飛做手術切蟹足腫，係就咁單切。因為當時陳醫生話唔清楚果粒係咪屬於蟹足腫，所以建議直接做手術切除。過左1年到而家，手術後包左4次覆診(1次拆線，第2次打類固純，第3,4次就已經打激光幫我淡斑)。

但其實我一直都有keep住同佢講我傷口位置仲有突起部份，我自己禁落去都感覺到仲有舊野係度。當然同未切之前差好遠，其實肉眼睇落已經平左7成，但其實我覺得根本就冇完全切除哂，仲有少部份未切哂。頭果4次覆診之後我前後都睇左4,5次，全部都係打激光，但其實根本都未好返哂，唔明打激光做乜。其實佢自己都話睇到仲有輕微突起，話下次可以試下打類固純，但係佢又話只可以每次打少少。唉，好似入左個loop咁，我好想一劑斷尾，而家每次覆診都冇咩進展。我其實想轉醫生睇，大家有冇其他介紹，好迷網

手術同埋頭4次覆診拎返7成

我心口就切除+麻醉5萬，放射3萬幾
不過師兄您個疤都係本身由暗瘡形成嘅？
著壓力衣期間個心口有冇多咗暗瘡/暗粒之類我最近已經喺蟹足腫上面再爆瘡cls
仲要等多半個月先有得做
好在確認哂切完即日去做埋放射，之後做多3日即可

咁睇啲壓力貼真係唔使咁早買，等做完手術再覆診先

幾睇運
我本身都預唔包，所以唔想煩廢事申請
但怕保險公司唔知我術後要做放射，日後到身體有其他事要claim，又賴今次嘅治療導致而拒賠，先照申請pre-approval
點知早兩日打嚟話手術同放射都批哂&批足100%
放射果邊直頭話出院免找數
等我仲專登儲咗大半年錢&申請多兩張信用卡一心刷迎新

所以真心建議照申請pre-approval先

Aia,但每份保單&情況唔同，唔好預實claim到好啲

睇醫生會問你有冇保險要claim
通常佢哋都肯免費幫填次份form嘅
你再填埋啲個人資料就比得保險公司
建議最好搵埋agent陪你睇醫生，等佢之後易啲follow

我已經唔記得最初點解會有，可能真係暗瘡都唔定
不過而家就知呢啲全部咪理佢，一有呢啲就要保持嗰個位濕潤，可以搽袪疤膏/貼除疤貼嗰時就貼，等佢哋唔會咁易發大

係，壓力貼真係唔使咁早買，如果你心急，等到做最後一日放射治療先買都唔會嚟唔切

如果心口位置有粒2x1cm 建唔建議做冷凍治療？有時好癢 但又驚越整越大

愈早做愈好，價錢都愈平
怕復發可以睇醫生建唔建議做埋放射治療