有增生疤痕(蟹足腫) 做過治療請入

皮膚幾好 應該靚女尼

冷切
凍死細胞

其實醫學報告都係話開刀覆發率好高
始終都有傷口同埋嗰個體質
冷切都係比較可取

上網搵蟹足腫第一個

生咗幾粒係背 好幾年了 由暗瘡變增生疤痕
Keep住打咗類固醇針3-4年同埋做v beam去紅
有啲細既疤已經平到唔見咗
有啲平咗 但仲係瘀紅色 最後用紋身遮咗
但真係咁耐都仲係會返發同埋一R你就仆街了。。。

少少經驗分享: 我都係耳骨增生 (耳窿前後都有, 前細後大), 係睇陳東飛醫生,佢話我個情況唔適合做冷凍, 建議我要做手術切+放射(唔做放射有90%以上翻發). 個日決定咗呢個治療方案之後陳東飛就會同日幫你約埋去旺角見做放射個醫生(陳亮祖), 兩個醫生都ok就可以confirm 手術日子.
手術當日係陳東飛做手術切咗先, 好快1個鐘都唔洗, 埋單3萬. 之後同日就要去養和準備放射治療個part (未真係做放射住), 主要係陳亮祖醫生會同醫院d mathematician因應個傷口計下個放射強度 & radiographer就會幫我整個類似耳mole咁嘅野(protect番耳仔其他正常/冇傷口位置唔會射到), 搞咗3-4個鐘先ok. 之後養和d staff 就會同你約第2日正式做放射嘅時間(第一次放射要係切完嘅24hrs內做). 基本上做放射就係瞓係度, 個radiographer就會幫套個耳mole, ok就正式放射. 半個鐘內就搞掂走得. 放射治療要連續做4-5次(1日1次), 所以我就連續4-5日去養和做, 最後養和埋單~7萬(我前後都有所以double$). 放射完之後就翻陳東飛覆診(免費), 佢都有畀壓力環($200)我戴,同埋有需要會打抗生素($1200/次), 我keep住覆咗診9個月左右, 之後因為發現陳東飛係藍+情況好似ok就冇再去覆診 (不過建議冇咩事最好keep住覆診,因為前2年最容易翻發). so far 做完年半, 耳仔睇落同正常一樣, 但用手摸會feel到唔係完全平滑.
奉勸各位就算細細粒都去搵醫生睇睇先, 愈早愈易搞/平, 我都好後悔佢發到咁大先睇, 代價慘重(雖然更後悔穿耳)

有無邊個係黃既醫生專搞蟹足腫？

應該好難搵, 當時我上網睇咗好耐都淨係搵到得陳東飛出名d同睇落有信心, 亦因為咁我諗佢都係偏貴, 最後都係搏一搏搵佢

我都揾過下，真係冇乜邊個除左撐警之外有立場，我搵咗好多間都有冷凍治療，但係好多公司都冇寫明自己係有咩醫生，所以我都覺得係陳東飛有d 信心，但佢又撐警

CHING想問支野香港藥房有賣？

hi想問你去邊度睇同埋做手術？

想問係因為太大粒做唔到冷凍定點 埋單7萬好貴…保險有冇claim到因為我都係前後有 但前面係好細

因為我個粒增生嘅形狀似半球體貼住耳仔，同耳仔嘅接觸面大，冷凍冇可能可以整翻我原本嘅耳輪廓，一定要人手切先還原到。 你粒增生物偏球體多，可能可以冷凍嘅，前面個粒咁細應該打針都handle到。你可以試下影相whatsapp比佢地問下先 保險要問番你個agent啦

麻煩晒

我膊頭位，同頸後都有粒，但都唔知係唔係蟹足腫，問過醫生佢又無話係同唔係

麻煩晒

兩邊膊頭都有，之前試過開刀整完平左一排跟住又增生過，仲大舊左

有打下類固醇針加V beam，但都係差唔多，已經用左30k

巴打個陣唔試下冷凍嘅

果陣無留意呀，都四年前
而家又心思思想試下整，但上面又講到好似好貴

你可以揾啲clinic比相佢初步報價嘅