41 Like
3 Dislike
西野七瀨
2020-02-27 23:09:27
身經百戰既千鳥也被這情況嚇倒,馬上退開數米
「咩...咩話!?頭先...係炸彈?唔係...」
「係粉塵爆炸!」
解除危機後,克哉總算鬆一口氣
「用爆炸粉,總比拔刀黎得快...」
而這一切...都只是過了半分鐘
奧比旺
2020-02-27 23:33:14
加油
松岡菜摘
2020-02-28 01:14:45
我都係用咗半分鐘就睇晒
西野七瀨
2020-02-28 08:46:14
有冇咁快
有時每日長度不一,因為方便分集數
西野七瀨
2020-02-28 08:46:28
多謝支持
松岡菜摘
2020-02-28 08:53:21
我up吓啫
其實可能係我太耐無睇live
唔慣每次睇咁少
Push
西野七瀨
2020-02-28 09:02:28
一集份量少過以前
但呢個故最後總字數係會多左的,只比石仔既10萬字少
娜
2020-02-28 09:36:46
豬腳貢weak 唔想睇了
西野七瀨
2020-02-28 10:55:08
敵人level上升,令五十嵐既戰力暫時睇落廢過牙七
娜
2020-02-28 11:35:33
貢weak典cow女
西野七瀨
2020-02-28 23:46:25
唔駛,啲女自動上門
西野七瀨
2020-02-28 23:47:12
17.敗者成塵
「點解...頭先會爆炸既?!」
美波心中驚道:「感覺上,就好似果個衰人一埋老師身就發生爆炸咁...」
千鳥靈活地鬆一鬆自己燒傷的手,彷彿不痛不癢一樣
「哼,竟然用爆炸粉黎作防守」
穿上奇俠衣裝的克哉雖無受傷,卻得了面罩一臉灰塵
「呢種爆炸粉體積大,只要比利器切開,就會發出火花,產生爆炸」
「咁樣,佢就冇得用鐮勾啦」
「再黎!」
千鳥再度進攻,操控鐮勾前後夾擊
克哉再度揮動左手,將爆炸粉灑到後方
「轟!」鐮勾首先被爆風炸開
「呢種爆炸粉範圍好大...」
千鳥暗嘆:「咁既話,就冇得令佢分身應付兩邊既攻擊」
西野七瀨
2020-02-28 23:47:43
而克哉則襯千鳥不為意時,閃到千鳥的面前!
「咩...咩話!」
「嘭!!!」
出其不意,一記勾拳,從千鳥頭下揮上!
千鳥雙臂交叉,勉強吃下這一擊
「好快!佢...係特登唔用刀!」
千鳥心中盤算:「佢寧願用體術,都唔用刀...就係為左唔想有太多時間同我周旋,以免被鐮勾夾擊」
放棄用刀的克哉以遊擊方式,不斷在千鳥身邊圍繞
面對煩人的野貓攻擊,千鳥根本無暇使出鐮勾
「你以為...我剩係得一招咩!甲賀奇俠?!」
千鳥收起左手的鐮勾,主動對克哉反擊
拔出脇差也需要半秒時間,克哉只好退後
「要儘快拔返刀...但係,必須要解決眼前既威脅先」
克哉再度按下按鈕,對千鳥發射爆炸粉
西野七瀨
2020-02-28 23:50:59
「天真!同一招對我係冇用架!」
千鳥放出鐮勾,但...
今次,他並不是要直接攻擊克哉!
「颯颯颯颯颯颯颯颯」
千鳥轉動手中的鐵鏈,使鐮勾猶如扇風機一樣,將爆炸粉吹散!
「佢...竟然將爆炸粉吹開!」
「冇左爆炸粉,我睇你點算!」
鐮勾馬上割中克哉雙臂
「冇辦法啦,睇黎要用埋另一樣武器...」
克哉已經將手放到左臂的黃色小掣上
美波在走廊看住一切,掌心一路出汗
「再係咁既話,克哉老師會輸架...但係...我到底有咩可以幫到手呢?」
美波望住手上的吹箭
「如果我可以用吹箭引開個敵人注意既話,話唔定可以幫老師反敗為勝架....」
「山內美波,你得架...你係甲賀奇俠最好既助手!」
立下決心既美波,舉起吹箭,對準眼前的千鳥
西野七瀨
2020-02-28 23:51:32
雖然手仍在震,但美波的心,已經定下
「希望...唔好中到老師啦!」
「發射!」
刷!!!!!!!
美波一呼氣,吹箭應聲從箭筒飛出
直飛向兩人
「老師!小心!」
克哉和千鳥同時聽到美波的叫喊
當然,克哉會是反應較快的一個!
「山內佢,放左吹箭!」
克哉馬上兩腿使力退後
在忍者戰鬥的世界中,一般事物的移動都變得緩慢
但,克哉的吹箭正以時速50公里飛向兩人,加上千鳥正顧着戰鬥,根本無暇理會這支接近無聲無色的吹箭
「刺!!!」
吹箭成功刺中正集中精神進攻克哉,意外進入射程範圍的千鳥的右臂!
「咩,咩話!」
剛才的千鳥,之所以能輕易避過吹箭,皆因當時正處於探索敵人的狀態,所有的集中力都放到周遭的物體
但此時的他,卻殺紅了眼,放棄了對四周的警戒性!
西野七瀨
2020-02-28 23:52:15
吹箭的毒力馬上發揮效用,使千鳥的手動彈不得!
甚至連鐮鈎也無力取着而鬆手
「呢隻毒...好勁,依家全身都出唔到力!」
手軟乏力的千鳥望住眼前的甲賀奇俠,自知敗勢已定
「可惡,估唔到甲賀奇俠竟然有兩個!」
「一定要將呢個消息...通知比三太夫大人知...」
「雖然唔想殺人,但如果對方係百鬼眾既話...」
本應在退後的克哉擺起脇差,轉身借力衝向千鳥:「我就不得不留手啦」
「刷!!!!」
一記突刺,克哉將脇差刺進千鳥心臟!
即使是個忍者,要害被擊中時依然難忍痛楚
「啊呀呀呀!!!!」
但在死亡前,千鳥...還有一個更重要的任務!
「吱吱!!!!」
「咔嘭!」
「咔嘭!」
千鳥用盡死前的最後一口氣,無故地飛出兩發苦無,將兩塊窗口打破
西野七瀨
2020-02-28 23:52:49
「?!」
即使成功給予對方致命一擊,但克哉卻對這等行徑大感困惑
「佢...到底做緊咩...?」
美波眼見情況暫時安全,便從暗角走出來,跑到克哉身旁
「老...老師!」
面對地面上一灘灘的鮮血,美波卻出奇地,未有驚惶失措
克哉將脇差從千鳥的心房拔出
「山內同學...頭先既吹箭,係你放架?」
美波輕輕的點頭,道
「...嗯,因為...雖然你地既動作都好快,但隱約都見到克哉老師好似有危險咁...」
「...唔該哂你,山內同學」
克哉一撥,將脇差上的鮮血甩開,再收入刀鞘
「...我覺得對方既其他忍者...已經發現左你既存在」
「...吓?點...點解既老師?!」
克哉對美波指住被苦無打碎的玻璃
「佢響臨死前響呢個方向放左兩發苦無,即係話,佢有可能想將『敵人有兩個』呢個訊息通知佢響課堂既同黨...」
克哉越講,美波越急
「咁...咁咪好大件事?!」
「所以我地動作要快」
克哉示意美波跟上
「嗯!」
「奇怪...正常人第一次面對咁多血,應該好驚先係...但山內同學佢...」
粗人敵卡
2020-02-29 08:15:45
「奇怪...正常人第一次面對咁多血,應該好驚先係...但山內同學佢...」
伏筆?
西野七瀨
2020-03-01 00:10:23
18.負責任的老師
二分鐘前
禮堂內,三太夫和兩名手下不停在師生中穿插
「有冇老師,同學,知道甲賀奇俠響邊呀?」
「講左既話,我唔單止唔傷害你地,我仲會即刻放左你地,夠好人啦掛?」
三太夫的每一步,都仿佛為師生們的生命倒數
「知唔知呀!甲賀奇俠響邊!!」
漸漸失去耐性的文太隨意捉起一男學生問
男生被這樣一嚇,褲子也濕了
「我...唔...唔...」
「冇講大話」
比較平靜的團藏拎住一把電筒狀物體置到男生胸口前,道
「係咪架團藏?!你部測謊機真係無問題?」文太對老弟團藏的科技發明半信半疑
團藏只托一托眼鏡,道
「100%無問題」
「放心,我信得過團藏既發明,但係...」
三太夫掃住自己的鬚子:「依家已經過左一分鐘,仲係未有人出黎講出甲賀奇俠既事,睇黎大家好有機會...真係唔知道甲賀奇俠既下落」
西野七瀨
2020-03-01 00:10:57
「唔...唔通佢諗住放人?太好啦」眾師生都似乎頓時感到希望的存在
「係喎,千鳥呢?」
「!」
團藏一句,觸動了三太夫的神經
「佢去左幾耐?」
「兩分鐘」
三太夫臉色一轉
「千鳥...有機會已經遇到甲賀奇俠啦,團藏,放忍犬出去」
「係」
團藏拎出機械忍犬
「幫我追蹤千鳥」
「吱!」
機械忍犬收到指令,馬上消失,並跟蹤千鳥的去處
「颯颯!」
一瞬間,兩把苦無從禮堂右邊的窗外飛過
「果兩支苦無...唔通係千鳥既?!」
文太叫道:「咁佢...依家咪同甲賀奇俠戰鬥緊?!」
一般人或者連有物體飛過也未能察覺,但對忍者而言,兩把苦無就如路邊行過的小狗般緩慢
「三...三太夫大人...」
團藏口有點震,叫道
團藏將忍犬錄到既畫面展示予三太夫
西野七瀨
2020-03-01 00:11:41
滿身血紅的千鳥,倒泊在走廊上
「忍犬感應唔到...千鳥仲有生命跡象...」
「佢已經死左」
「即係話...甲賀奇俠已經出現左啦!!!」
文太氣得谷出青筋,緊握雙手
忍犬啟動身上的三維掃瞄,繼續調查千鳥身上的線索
「千鳥身上有一處位置心房既致命傷,而且仲有一處被針刺中既傷口」
團藏解說:「果支針似乎有毒素...」
「千鳥斷左氣幾耐?」
「根本氧氣含量,大約三十秒」
「三十秒前,同兩發苦無發出既時間一樣」
三太夫將一切加起來計算:「即係話,呢個好有可能係千鳥臨死前發出既信息」
「兩把苦無...千鳥要發出既信息,最有可能係...」
「敵人,有兩個」
「即係...有...有兩個甲賀奇俠?」文太問
「未必,有可能只係同黨,不過...佢地非常有可能,已經好接近禮堂」
「咁樣,我唯有用更激烈既方法逼佢出現」
西野七瀨
2020-03-01 00:12:44
三太夫停下腳步,望住日奈
此下眼神接觸,使日奈馬上退開
「呵呵...你唔好彩囉」
說罷,三太夫就捉住日奈的左手,將她拖到禮堂的中心
「放,放開我呀!!!」
三太夫拎起揚聲器
「甲賀奇俠!一分鐘內唔出現,我就殺左呢條女!」
「救...救命呀!!啊呀!」
可憐的日奈不斷掙扎,但徒勞無功:「唔...唔好呀!!!」
面對死亡,日奈當然怕得要緊
但其他師生的內心也早已被恐懼侵蝕,無人斗膽嘗試拯救日奈
「嗚嗚...救...救...」
日奈早已哭得聲淚俱下
「咁可愛既女仔,你唔會任由佢比我地折磨掛,甲賀奇俠!!」
三太夫繼續使用激將法,令甲賀奇俠自動現身
而文太和團藏,則到四周的窗口巡視
「希望...甲賀奇俠會出黎啦...嘿嘿」
三太夫將苦無架至日奈項上
「嗚呀呀呀...嗄...嗄...救...命呀...救...」
西野七瀨
2020-03-01 00:13:29
「等陣」
此時,一人正從人群之中站起
「我...代...代」
「我代替佢」
她,正是日奈的班主任由紀
「你...?」
三太夫注視住由紀,就連自己也有點驚奇
「你要逼果個甲賀奇俠出黎丫嘛,我代替和生同學,做你既人質」
「嗚...老...結城..嗚.老師...嗚」
日奈眼見由紀營救自己,依然哭住
「既然老師你咁愛護你既學生..」
三太夫笑了一笑,道
「好啦,你就代替佢做人質啦」
說罷,三太夫就一掌將日奈推至由紀處
日奈得救後,馬上攬住由紀
「老師.嗚嗚嗚...結城老師...」
「冇事架啦和生同學...」
由紀安慰好日奈後,就將日奈交托到身後的老師們
「咔!」
三太夫已經將手槍架至由紀太陽穴前
「老師,雖然有少少唔忍心殺左你呢個靚女,但係我總無可能反口架嘛,係咪?」
「仲有20秒」
「......」
由紀雖然裝作鎮定,但內心卻非常恐懼
「救...救...點解我會咁衝動架...依家...我就快冇命啦...救...救我呀...甲...甲甲...賀奇俠」
「十,九,八,七,六...」
西野七瀨
2020-03-01 00:13:57
「刷!」
突然,整個禮堂的燈光一下子全數熄滅
「呀!!!」
本來已經處於驚恐狀態的師生被這樣一嚇,更為懼怕
「登!!!!」
一瞬間,刺眼的強光從禮堂中央發出
在場的師生、以及百鬼眾的三人都始料不及,掩住雙眼!
「嘿,果然出現左!甲賀奇俠!!」
三太夫扣下板機,準備對準由紀開火:「你想救人質丫嘛!我偏要殺左呢個女人!」
「砰!!!!」
「呀────!!!!!」
雙眼看不到,配上突如其來的槍擊聲,自然令師生更加恐懼,紛紛尖叫
「登!!!」
閃光徐徐消失,但世界早已不同
「咩...咩話!」
本應在自己前面的由紀,消失了!
剩下的只有留在地面上的子彈孔
西野七瀨
2020-03-01 00:14:19
「三...三太夫大人...」
三太夫轉頭一望
自己信任的部下,文太左胸竟被刺穿,留下一個小洞!
「呀!!」
血淋淋的畫面,的確令師生們感嘔心
但受驚過度的他們已經見過最恐佈的東西了,所以也沒像剛才般尖叫哀號
「文太...!」
三太夫已經沒有時間為文太流淚了,因為
「甲賀...奇俠!!!!!」
克哉一手持染紅脇差,另一手抱住仍對現況一頭霧水的由紀,站在禮堂的講台上
鬼門關前逃過一劫的由紀或者也無法相信
甲賀奇俠,真有其人