《甲賀奇俠》

669 回覆

41 Like 3 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁

西野七瀨 2020-02-17 22:32:19

新一年祝大家身體健康，一切平安

唔講太多，直接開故

facebook: https://www.facebook.com/hkgnanase/
instagram: https://www.instagram.com/7brahimovic/

西野七瀨 2020-02-17 22:32:53

「嗚嗚嗚......」

行人路上，一個女孩正在低頭哭泣

「美波！發生咩事呀？」男孩見狀，馬上跑到女孩的旁邊

「哥哥...嗚嗚」

女孩指住馬路上的玩具熊，泣不成聲

「頭先佢地掉左花子...出...出馬路呀...」

「又係岡田果班人蝦你！」

男孩摸住美波的頭頂：「放心，哥哥幫你執返！」

「真係既？」

「嗯！」

男孩馬上奔出馬路

「哥哥，小心呀！」

男孩輕鬆拾起路中心的玩具熊

「美波！我執到啦！」

同時，一輛貨車正高速駛向男孩

「呃！！！！！」

西野七瀨 2020-02-17 22:33:46

1.失去一切的少女

2018年4月1日

「咇咇咇！咇咇咇！咇咇咇！咇咇咇！咇咇咇！」

「嗯...」

少女慢慢張開雙眼，從睡床中起來

望住睡床邊的玩具熊，少女笑道

「哥哥，早晨呀」

「今日係高中二年級既開始，山內美波，要努力呀！」

換上制服的美波一邊吃住早飯，一邊鼓勵自己

吃過早飯後

「哥哥，我出門啦！」

美波對住空無一人的大屋說完此句後，就踏上上學的路途上

家離學校不遠，故此美波只需徒步就能上學

「嗯...今日天氣好好呀！」

初春，空氣清新，微風將櫻花花瓣吹到美波的肩膀上

「美波！早晨呀」

「早晨呀日奈！」

路上美波亦遇上自己的好友，日奈

「啊..估唔到咁快就高二，時間真係唔等人架」

日奈咬住麵包道

「就係因為咁，所以我地先要學識點樣珍惜每一分每一秒囉，嘻」

美波再問:「係呢，日奈你同隔黎學校果個..」

「分左手啦」

日奈鼓起小嘴:「追到手之後就成日都唔理我，個個男仔都係咁既！」

西野七瀨 2020-02-17 22:34:03

美波拍拍日奈的肩膀

「下個實會更加好既！呢個世界...一定會有好人架」

「希望啦...係喎，我尋晚睇新聞，最近港區呢度有個變態殺手專殺女人架，好恐佈呀」

「我都有睇呀，日奈你都要小心啲呀」

一路閒談的兩人隨住其他上學的學生，返到位置港區麻布的松榮高等學校

返到課室後，美波聽到其他同學正七嘴八舌地討論

「估唔到你地都係揀左理科喎...」

「希望新既兩位班主任係個好人啦」

「唔知道新既班主任係個咩人呢？希望唔好好似上年果個丸山咁惡啦」

「講起丸山老師就激氣啦！」

日奈將筆袋等物品放上桌上：「話同男朋友結婚就唔做，無啲責任心！」

「咁丸山老師..佢都係搵到自己真愛姐...」

美波微笑道

「另外果個實習老師呢？黎左做副班主任幾個月就話教書唔啱自己！」

「唔...有時人都要好耐時間先會搵到自己既理由既」

性格樂天的美波繼續笑著，從袋中取出文具及書本

「鈴鈴鈴」

上課鐘聲打響了美波的高二生涯

西野七瀨 2020-02-17 22:35:18

「咔！」

一男一女打開課室的大門

「哇，好靚女呀」

女的留住典型黑長直髮型，樣子頗為清秀，黑裙下顯露出一雙長腿

至於男方，身材瘦削，戴著粗框眼鏡，一副文弱書生的相貌

「咳...各..各位同學大家好...我就係...」

男的先於黑版上寫下自己的大名

「五十嵐克哉」

「之後既兩年我將會係大家既班主任，會教大家物理科，請多多指教」

「原來就係佢，上年見到佢做高三班主任果陣都已經覺得佢好陰沉架啦...」日奈道

「嗯...不過，佢都唔似係個好惡既老師啦」

美波摸住臉頰，道

「結城老師，到你啦」

「結城老師！」

克哉多次叫道下，該女才從發呆中回神

「呀！唔好意思呀」

「結城由紀」

「大家好呀，我叫結城由紀，今年起將會擔任大家既班主任，將會任教英文科，多多指教！」

「結城老師今年係第一年任教，呢一年將會係佢既實習期」

這名字一出，眾學生均感驚奇

「結城由紀...咪姐係yuki yuki？」(註："結城"和"由紀"日語音均為ゆき(yuki))

「好野，今年有靚女老師做班主任！」

「yukiyuki,你有冇男朋友架？」

甜美的由紀迅速征服男學生們，不停喧嘩

西野七瀨 2020-02-17 22:35:37

「哼...」日奈目見此狀，大感不屑

「成班男仔一見到靚女就發花癲，乞人憎！」

「嘻嘻，日奈你發脾氣！」美波淘氣笑著

「邊...邊有呀！」

「咳咳！」

克哉咳了兩聲，打斷各位學生的七嘴八舌

「我明白大家對新老師都好有興趣，不過大家都冷靜返啲先」

「由於結城老師今年係第一年擔任老師，所以我會一路指導佢」

「黎緊既呢一年，如果結城老師有咩做得唔好，希望各位同學多多包函」

西野七瀨 2020-02-17 22:36:04

2.感應殺意的男人

離開班房後

「五十嵐老師，頭先辛苦啦！」

由紀有禮地鞠躬

「丫...結城老師你都辛苦啦」

作為指導老師，克哉問候一下：「頭先...慣唔慣呀？」

「嗯，雖然有啲緊張，但總算捱得過去」由紀苦笑道

兩人邊行邊談

「教書既野慢慢就會慣架啦」

克哉道：「反而最難既係點同學生相處，不過...你似乎好有人氣丫」

「邊係呢，呢方面仲需要五十嵐老師你指導先得架」

由紀言談之間，多次不經意撥理自己的黑色秀髮

樣貌雖不是上等，但清純的外表卻令自己加添吸引力

個性有少許內向的克哉和由紀交談間，也難免心跳加速

西野七瀨 2020-02-17 22:36:39

東京涉谷某卡拉ok

「
何かイヤになったらできる限りで
いつだってそこにかけつけてあげる
何もいらないさ好きにすればいい
いつだってそこにいてあげるんだ
」

唱著日本歌姫大塚愛的名曲，美波和日奈都非常高漲

「啊...好耐冇試過唱得咁high啦！」日奈唱得臉紅耳熱

「邊個叫日奈你唱得咁大聲喎，搞到我都大聲埋一份」

日奈捧住可樂，飲了兩口後，問

「係呢，你daddy媽咪係咪仲響外國做緊生意呀？」

「嗯，但係佢地都好多年冇返過黎啦，淨係寄生活費返黎」美波苦笑道

「一個人又的確係好寂寞既...」

日奈摸住美波的手背：「不過，你仲有我呢個朋友丫嘛。你有咩事我都會聽，你想去邊度玩我都會陪你架！」

「日奈...」

美波感動得緊抱日奈：「你對我真係好啦，我愛你呀！！！！」

「喂呀美波，唔好攬咁實啦，好痛呀」

「我唔放手！日奈你係我架！！嘻嘻」

「咁聽日就先教佢地電磁學既基本原理...」

在教員室內，克哉正用心備課：「呢兩條公式就...」

「！！！」

克哉感應到濃烈的...

「殺意...!」

克哉翻開自己的公事包

「弊啦，今日冇帶到套衫！點算呢...」

氣急敗壞的克哉拿起教員室一條毛巾

「無辦法啦，救人要緊...」

西野七瀨 2020-02-17 22:36:58

3.闇夜中的相遇

「咁聽日見啦美波！」

「嗯，拜拜啦日奈！」

美波和日奈於車站道別後，就踏上回家的路途

美波望一望手錶，晚上8時15分

「哎呀，原來都咁夜架啦，要快啲返去先得」

今晚的麻布住宅街，格外寧靜

連微弱的風聲，也可傳入美波雙耳中

「今晚...好似特別陰森咁既」

美波雖性格樂天，但總會有感到不安的時候

為求快點回家，只好加緊腳步

「嗄...嗄...救命呀！」

聲音即使微弱，但美波依然聽得清楚

有人正在求救

「咩...咩事呢？！」

美波遵循聲音，跟到住宅街的角落

「唔...唔好殺我...唔...唔好...」

一名女高中生，正不斷退後

而她面前的男人，身穿衛衣、頭戴鴨舌帽

更重要的是，他，手持一把匕首

西野七瀨 2020-02-17 22:37:31

他每行近一步，她就退後一步

直到，退到死胡同的盡頭

女高中生知道無路可退，已經放棄掙扎的機會

任由眼前的人處決自己的生命

「唔...唔可以眼白白睇住佢殺人架！」

眼見命案即將發生，美波自然不能當旁觀者

「停...停手呀」

「...」

衛衣男子聽到美波的呼叫後，轉頭望向美波

從眼神看來，他的獵物已經轉為美波

「...啊......啊呀！！」

死裡逃生的女高中生襯此空檔，落慌而逃

「...嗄...」

猛烈跳動的心臟，使美波不能動彈

望住眼前的男子，美波憶起今早日奈提起的事

「我尋晚睇新聞，最近港區呢度有個變態殺手專殺女人架，好恐佈呀」

「佢...就係果個殺手！」

男子步步進逼，美波卻無法作任何反抗

「全身...驚到郁唔到...」

男子抽起匕首，準備刺向美波
.
「唔好呀！！！！」

西野七瀨 2020-02-17 22:39:03

於美波眼中的，是一個用毛巾包頭的西裝男人

他反手持著的苦無，正好格著匕首

「呢個人係...」

「！」

殺手大感驚訝

西裝男人乘機打甩殺手手上的匕首，再揮拳攻向殺手的太陽穴

「轟！」

雖有明顯留手，但此擊依然足夠將殺手打至昏迷

「好...好犀利呀...」

西裝男子拎出一把手槍般的物體，對殺手開了四槍

「吱！吱！吱！吱！」

數團白色膠狀物射到殺手的四肢後，馬上固化，使其無法動彈

男子拎起殺手袋中的電話，並撥打「110」報警號碼

西野七瀨 2020-02-17 22:39:15