41 Like
3 Dislike
西野七瀨
2020-03-28 23:15:18
今日的克哉在美波的配搭下,身穿橫間t恤,藍色薄毛衣及黑色長褲
「仲有幾分鐘...」
距離約會的時間越來越近,克哉的手汗標得沾濕褲面
「好彩隔左一日,同百鬼眾戰鬥中既傷好得七七八八,唔係就引起結城老師懷疑...」
「五...五...」
聽到這把温柔得虛弱的聲音,克哉馬上轉頭
「午..安呀,五十嵐老師」
眼前的由紀,和平日在學校的打扮截然不同
粉紅色長袖上衣,
碎花七分裙,再加上黑色高跟鞋配小襪
妝容和頭髮也明顯有經過一番打扮
「...呀...你好呀...結城老師」
克哉支吾以對的反應,使由紀非常尷尬,馬上張望自己身上
「係...係咪...我件衫污糟左呀?」
「唔..唔係呀結城老師,只係...」
克哉吞一吞口水:「結城老師你...今日好靚...」
「邊...邊係喎...」
口上雖不盡同意,但由紀已經甜得漏出心頭
「五十嵐老師係咪..等左好耐啦?」
「唔..唔係!一陣姐...」
克哉為避免尷尬的場面再繼續下去,馬上轉換話題:「咁...既然依家已經四點...」
「我地依家去戲院睇戲先,然後再食晚飯」
緊記美波教誨的克哉,道出自己的計劃
「克哉老師你要記住呀,男仔約會一定要比到安全感對方,所以...你一定要做好計劃!目黑好食既飯店,我已經幫你搵定左啦!」
西野七瀨
2020-03-28 23:24:09
由紀聽後馬上點頭
「嗯!的確係好主意呀...咁...」
「我地行啦...」
戲院和車站只有一街之隔,兩人只走了一會輕易到達
「結城老師,你...想睇邊套劇呀?」
由紀一聽到就立刻傻笑
「嘻嘻...其實我未諗架..等我睇下先...」
「呢套『突然同居』好似幾好睇咁喎...但係呢套『報仇者同盟』又好似幾吸引咁」
由紀一路看住電影海報,猶豫不決
「五十嵐老師...不如,你幫我揀丫?」
「當由紀老師需要你做決定果陣,要比啲男子氣慨出黎,唔好又講『你話事啦』之類既說話!」
「我睇,呢套『突然同居』應該會比較好既,男主角同女主角成為同居租客,睇落都幾好笑...」
克哉照住讀出美波所給的電影評價
「『報仇者同盟』又好似太血腥,結城老師你...」
這一句一吐出口,克哉就知糟糕
「弊!會唔會..勾起.結城老師啲...回憶」
由紀只是呆了一呆
「我冇事喎五十嵐老師,唔駛太在意架...咁,就睇『突然同居』啦」
「呼...好彩冇事...」
看似沒事的由紀,使克哉安心不少
西野七瀨
2020-03-28 23:24:24
兩人買完票後,買下爆谷和汽水就進到戲院內
「我其實...都係第一次同人睇戲架咋...」
克哉坐下後,襯在未開畫前和由紀閒聊
一聽到,由紀馬上問
「真...真係架?五十嵐老師...你唔鐘意同人睇戲架?」
「呃,咁又唔係既,只係...平時生活圈子細,冇乜朋友姐」
克哉慌忙解釋,免得令由紀誤會
「但...但結城老師你當然唔同啦」
「唔...唔同?」
「大鑊!講錯野!點兜呢?」
克哉支吾以對:「因為...係結城老師你邀請我嘛,咁我又點會拒絕呢...」
「哦...咁...我咪...做左五十嵐老師你既第一次?」
「呃...」
由紀講出這充滿各種含意的一句,馬上令氣氛降到冰點
克哉見尷尬的情況持續,襯著電影開始放映馬上拉開話題
「哈哈...都算係既...呃套戲開始啦」
「嗯」
「唉,講錯野,搞到結城老師鬼死咁尷尬...」克哉心中惱悔
「講咩做你第一次呀...醜死啦...」
其實同一時間,由紀也為自己所講的而感到尷尬
「希望...唔好比到壞印象...五十嵐老師啦...」
西野七瀨
2020-03-28 23:24:35
嘩尷到傻
松岡菜摘
2020-03-28 23:55:19
自己寫
自己尷
西野七瀨
2020-03-29 00:31:18
自己以前都經歷過
買咩跌咩
2020-03-29 03:40:48
阿白阿詩
, 以前讀書好明主角點角出唔到pool
代入感勁高
利申 我都係毒撚N展科
娜
2020-03-29 19:34:07
現充4mk
西野七瀨
2020-03-29 23:56:20
寫唔返呢啲故了,依家變左阿叔
西野七瀨
2020-03-29 23:58:27
42.約會2
「櫻子,唔好走!」
「...嗯?」
「我...今次...唔會再比你走架啦」
電影放映後,克哉和由紀都非常投入,雙目只瞪住銀幕
直到
「乞...乞痴!」
由紀突然的噴嚏,將兩人投入電影的氣氛破壞掉
「唔,唔好意思...」
由紀只好慌忙道歉,裝作無事繼續觀賞電影
「嗱,老師你到時咁著啦」
美波將衣著配搭掛起:「咁著,比起你平時返學好好多啦!」
「但山內,點解要著呢款冷衫呀?」
「嘿嘿,呢件冷衫就係比你加分用既!」
「加分?」
「冇錯!戲院多數都會開好大冷氣,如果結城老師響睇戲過程中覺得凍,你就可乘機借件冷衫比佢啦!」美波沾沾自喜講出自己的計劃
「但,如果佢唔鐘意我呢個舉動呢...?」
「結城老師唔係對你有好感既話仲點會同你出街呀?信我啦,呢條橋實掂既!」
「索...索...」
由紀的鼻水聲漸漸頻繁
克哉戰戰兢兢,脫下自己身上的毛衣
「到底...比唔比好呢...」
「索索...乞痴!索...」
西野七瀨
2020-03-29 23:58:52
克哉吞了一口水,用正在震抖的雙手拎住毛衣
「為左唔好比結城老師凍親...死就死啦!」
依靠一刻的衝動,克哉終於將毛衣蓋到由紀身上
「唔好望唔好望!」
克哉馬上轉頭,不敢再望由紀一眼
「...咦...?」
一秒過後,由紀才反應過來
克哉的毛衣竟來到自己身上
「五...五十嵐老師...」
由紀大感嗟異
但克哉此刻已口騰腳震,差點連小便也湧出
「結...結城老師你...唔唔唔...介意既話...就就...」
「...唔該...」
由紀雖然只說了一句,但已經甜在心頭
「好暖...」
「頭先...唔該哂你呀五十嵐老師...」
「唔...唔駛...咁我...都驚結城老師你凍親」
電影放映完畢後,兩人一步一步離開電影院
由紀繼續掛開話題匣子
「頭先套戲...五十嵐老師你覺得點呀?」
「唔...我覺得男主角...都算係個好長情既人,明明男女主角都對對方有好感,但偏偏因為佢仲掛住前度,差啲就放棄左呢一段感情」
「五十嵐老師你...都係長情既人黎架?」
「唔算既...起碼要我執屋既話我都可以斷捨離既...」克哉摸住下巴,答
「咁...!五十嵐老師你拍拖都係咁架!?」
由紀察覺自己問得過於唐突,馬上道歉:「呃...唔...唔好意思呀...我問得太突然...」
西野七瀨
2020-03-29 23:59:04
「呃...呃唔係既,因為...我冇拍過拖...」
克哉尷尬笑道:「可能係我太悶同太老土,平時又冇乜興趣...」
「都唔係丫...」
由紀淺淺一笑:「響我眼中,五十嵐老師你反而好穩重,有你響我身邊會好放心架...」
「吓...」
此刻,克哉和由紀互相對望,時間猶如停頓一樣
「弊啦...好似又太進取啦...」
「係...係呢?既然都呢個時間...不如...我地食埋晚飯丫」
由紀馬上轉換話題,兩人尷尬的氣氛才被打破
「...嗯...好呀...近有一間西餐廳我食過都唔錯...」
「嗯好呀,我諗...五十嵐老師你既口味都正常既,哈哈」
克哉帶住由紀到自己所指的餐廳
「嘩...好靚呀...」
古色古香的餐廳環境使由紀四周張望
「唔好意思呀,五十嵐老師...明明係我主動約你,但我咩都冇準備,淨係掛住諗著咩衫...」
「諗著咩衫?即係...佢特登打扮過先出黎?!」
「呃...咁...咁我地叫野食先囉」
「好哇」
「五十嵐老師,一直以黎多謝你呀,幫我解決左咁多問題...」
由紀笑道:「所以,今日既洗費唔好同我爭啦,嘻」
「既然由紀老師話過想多謝克哉老師你,咁你就應該大方接受」
克哉跟住美波的提示,道:
「...咁...就多謝你先啦結城老師...」
「五十嵐老師...仲係唔叫我做由紀」
由紀每次聽到到克哉稱呼為「結城老師」時,心裏都會酸了一道
西野七瀨
2020-03-29 23:59:23
「我唔客氣啦...」
不久後,食物都已遞上至兩人面前
「嗯!好好味呀,五十嵐老師你果然冇介紹錯呀!」
由紀像小孩般一啖一啖將眼前的意大利菜式放進口裏
「鐘意就好啦...呼,好彩野食都啱結城老師胃口」
克哉放下心頭大石
「哈...其實我食咩都可以架,畢竟我...都好耐冇去過呢類地方食飯...」
由紀苦笑道:「平時放左學都係去超市睇下有咩餸可以買,或者有冇特價既便當,一係...直接食個杯麵就當係晚飯」
「咁...五十嵐老師你呢?」
「我平時呀...都係自己煮架咋」
克哉笑道:「出去食太貴啦,所以大部份時間都係自己搞掂哂...」
「嘻嘻,咁五十嵐老師你同我都係同一類人喎」
由紀拎出手機:「係呢,五十嵐老師你記唔記得我果次咪整過朱古力請你食既...」
「嗯!我記得呀...」
「我最近呢...研究緊點整芝士蛋糕呀,如果我整好既話...可唔可以再揾五十嵐老師你試味呀...?」
「啊...可...可以呀...」
「真係架?太好啦」
由紀聽到後笑逐顔開:「不過,好似搞到五十嵐老師你變左白老鼠咁添,唔好意思呀...」
「又...又唔會既,我自己都鐘意食甜野既...」
兩人漸漸習慣和對方對話,氣氛也越來越輕鬆
西野七瀨
2020-03-30 00:00:00
飯後,兩人沿住車站慢步回家
「今...今日多謝你啦,結城老師...」
就今日的約會,克哉向由紀道謝
「五十嵐老師你幫左我咁多,我先係講多謝果個...」
由紀甜笑著,似乎也滿意今日的約會
「噗通噗通...」
克哉心跳加速,甚至流出冷汗
「如果由紀老師個樣好似好滿意咁,而佢又同你一齊行返屋企既話,咁果段路就係好機會啦!」
「好機會?」
克哉想起美波最後的提示
「咁緊係表白啦,由紀老師咁樣好明顯對你都有意思啦,咁仲等幾時呀!」
「真係要表白?!會唔會太急呀...」
克哉偷望身旁的由紀:「如果衰左,分分鐘朋友都再做唔到喎」
時間一分一秒過去,兩人都未有任何對答
「我到啦,今日真係多謝你呀五十嵐老師」
到達住所樓下,由紀再次對克哉道謝:「今日...過得好開心呀」
「呃...唔駛...」
「多謝你送我返黎呀,咁...我返上去先啦...拜拜」
「...拜拜...」
由紀欲言又止般,慢慢踏上樓梯
「結城老...」
克哉鼓起不知從何來的勇氣,大叫:「由...由紀!」
「...呃...?」
由紀聽到克哉親口叫出自己名字,既驚又奇,馬上回頭
「聽...聽...聽日見啦」
一句簡單的說話竟使克哉心驚膽跳
「...嗯,聽日見啦」
由紀終於從鬱悶中露出笑顔:「...克哉...」
「咔!」
由紀一返到家中,也馬上心力交粹盤躺到睡床上
「佢...終於肯叫我由紀啦...」
西野七瀨
2020-03-30 00:00:38
五十嵐廢到
買咩跌咩
2020-03-30 00:07:35
佢盡左力啦
娜
2020-03-30 01:31:55
你寫到人咁弱 跟住話人弱
宜家香港d牙叔真係
松井玲奈
2020-03-30 02:34:00
個人認為香港網絡小說熱潮已過,少咗人睇
西野七瀨
2020-03-30 16:30:38
速食文化+大家鐘意溝女校園恐怖故多d
二來,我響未有大讀者群前就搞universe(本身可能有既,高登果陣爛尾趕走左啲囉),人地邊有心睇
西野七瀨
2020-03-30 16:30:58
佢個角色就係要廢
娜
2020-03-30 16:35:34
角色一群人俾三船殺哂咁完故
唐寧瞓教瞓靈堂
2020-03-31 08:17:34
好耐冇見過啲主角係廢到咁
松岡菜摘
2020-03-31 13:16:24
樓主星期六走數嗰集幾時補返
西野七瀨
2020-03-31 13:28:58
今晚出兩集,好似係!