《甲賀奇俠》

669 回覆
41 Like 3 Dislike
2020-03-17 23:02:30
32.解碼師



翌日,周五



「咔..」

紗理依打開破舊的鋁門,走到天台上

此時,克哉和美波已經早在天台等待紗理依



「五十嵐老師你搵我呀?咦...山內同學都響度既?」


對住仿佛知曉一切的紗理依,克哉開門見山

「尋日我同山內遇到左兩單兇殺案,死者全部都被一種...好似蠶絲的物質綁住」

「而牆上...仲留住左『まきもの』」


「...所以你就覺得,對方係百鬼眾成員,目標係你手上既卷軸,係咪呢?」紗理依已經搶先回答



「...」

即使克哉不回答,也代表點頭同意


紗理依圍住兩人慢步

「咁...請問搵我做咩呢? 我明明只係個女高中生黎咋喎~」



「喂!唔好咁好喎」

美波忍受不了紗理依的裝傻


克哉接住再道

「你上次講既合作...我接受」



「我同你一齊對付百鬼眾,但你...要講出解開卷軸既方法」
2020-03-17 23:03:34
「呵呵...睇黎你真係好在意大家既安全喎,真不愧為甲賀奇俠!」

紗理依停在克哉的面前,握出右手:「合作愉快啦,五十嵐老師~」


克哉無可奈何下,只好同樣遞出右腕,與紗理依握下合作之手



「根據你頭先所比既情報,落手既...就係百鬼眾中既高手,小次郎」

紗理依道:「佢係一個擅長用蟲既忍者,唔單止可以用腦電波控制昆蟲攻擊,仲有一種類似蠶絲的物質,名為『蚿』既合成物,既可束綁獵物,亦可斷石分金」

「比起上次襲擊學校既三太夫等人仲要犀利」


「所以,今次你唔同我合作既話,你既勝算非常低」



「咁你....有咩計劃?」克哉問


紗理依淺笑一下

「我地應該先諗下,我地一方到底有咩優勢...」



「我地..有對方想要既卷軸」美波輕聲叫道


「噠!」


「無錯啦,山內同學」

紗理依捻彈手指後,再度兜圈:「只要我地早一步解開卷軸,我地就可以反客為主,要脅返百鬼眾轉頭」


一邊聽著的克哉,也點一點頭

「你話過...你有解開地圖既方法,係咪?」






「係呀,不過個方法唔響我度」

紗理依收起笑臉:「係響一個叫森川八郎的手上」
2020-03-17 23:05:30
放課後,美波跟住克哉,來至紙條上的地址

地址上的,是一間最普通不過的八層住宅,根本平平無奇



「老師,呢度...真係有可能係果個森川八郎既住所咩?」

一到埗,美波就問:「身為幕府建築師既後裔,唔係應該非富則貴架咩?」


克哉回答美波的多個提問

「倒幕後,基本上所有響江户幕府內工作既人都變返普通人,所以會住呢啲地方根本唔係問題」



「踏、踏」

兩人跟住樓梯,上到三樓


「咪住...」

克哉發覺甚有不妥,伸手示意美波停下

「同頭先二樓唔同,呢一層...靜得恐怖」



「嘭!」

話一說完,現場馬上傳出破窗聲


「聲...係301!」


知道聲音來源,克哉和美波馬上拔足


「砰!!!」

一腳將大門踢開後,只見屋內一片凌亂,似有發生爭執

但最吸引克哉和美波的,卻是面前的一扇被打破的窗口


克哉馬上探個究竟,終於發現


「!!!!」

一個光頭的身影,正抱住一男子,在民居的屋頂上穿梭,瞬間就不見蹤影
2020-03-17 23:06:15
「老師!會唔會就係...?」美波問道


「似乎無錯,百鬼眾捉左森川八郎」

克哉按下左手上的黑色按鈕,將手掌拍到地板上


美波一下子就明白克哉的舉動

「哦!你用聲納感應器!」


透過自身研發的聲納感應器,克哉已經鎖定對方的位置!


「山內,戴面具,追!!」「...呃...哦!」

兩人跳出窗外,開始追趕拐去森川八郎的身影


「老師,到底佢想去邊呀?」


克哉焦急得省去隱密的功夫,甚至直接將各屋頂的瓦片踩破

「唔知...但即使係陷阱,我都要追,否則就會失去森川八郎既下落」




二人一路跟住聲納,到達品川車站



「嗡嗡嗡...」

聲納追蹤到,一個高速的身影已經進入一架不在服務的列車的車廂


「佢入架無人揸既電車度做咩呢...?」




「踏!」

克哉和美波同時進入車內


「老師...點解無人既...」

內心的恐懼壓過疲勞感,美波已經無暇喘氣了


克哉拔出配刀

「聲納反應黎到呢度就停左...好可能對方...就係為左引我地黎」


「呃...呃呃...!!」



列車突如其來開動,使美波差點倒下

「嘩!」




「果然冇錯,佢既目的就係特登引我上車!」



「咔!隆隆隆...」

此部沒有乘客的列車竟駛入月台的路軌上,向住橫濱的方法前進
2020-03-17 23:06:39
cos b
2020-03-17 23:06:57
逼佢地進一步行動
2020-03-18 03:20:27
bb我成日喺你ig留言十卜你
2020-03-18 10:51:06
Push一push
2020-03-18 10:53:32
黃乳
2020-03-18 23:33:34
2020-03-18 23:34:08
33.無人列車上的戰鬥



「嘩,做咩呀!」

雖然下午時月台的乘客較少,但一架既沒有開燈也沒有乘客,似在維修的列車經過,也令不少人傻眼


「嘿,計劃成功」

小次郎正在車長室,看住一堆螞蟻正在控制錶上穿梭

「就睇下你有幾多斤兩啦,甲賀奇俠」


「!!!」

克哉感應到多方的殺意


「20度,87度...295度,多個方向都有殺意...」

克哉提醒美波:「山內,拎定武器出黎」


聽罷,美波馬上翻開背囊

「武器?有...有...敵人啦?!」



「颯!!!」

多個身影已經接近兩人,以它們的速度看來



「佢地...全部都係忍者!!!」





「!!!」

一身影已在美波頭頂停下,取出苦無欲刺向美波


「死!!!!」


即使反應神經使美波察覺,但手無寸鐵,又豈能跟忍者相拼

「哇呀!!!」

「噹!」

克哉反手持刀,右手運力將忍者擊開,為美波解困
2020-03-18 23:34:38
「老...老師!」

「快啲拎武器!」


數名忍者,已經包圍住兩人



「係百鬼眾...不過似乎只係嘍囉...」

克哉擺出架式,但美波...


「哎呀,我把脇差呢...?!」

冒失的美波卻在翻袋尋找自己的脇差





「嘿,身手果然唔錯喎,甲賀奇俠」

剛才擄走森川八郎的光頭男,從忍者群中現身

「丫,啲人話甲賀奇俠有個拍檔,睇黎...差少少喎」


即使知道對方不會輕鬆講出,但克哉依然問

「森川八郎響邊度?」



「放心,佢無事...我已經將佢交左比小次郎大人啦」

光頭男露出其全機械的左臂:「但你...唔會再有機會見到佢!!」





「刷刷刷刷!!!!」

按下左臂上的按扭,弘之助的左臂馬上放出多枚手裏劍




「退後!」

將美波推後的同時

克哉利用脇差作防禦擋下無數的手裏劍



「老師!搵到有咩可以用啦!」

美波終於拎出一把透明的縮骨雨傘:「殺手傘!!」




「吱刷!」

雨傘一打開,隨即將手裏劍全數反彈


手裏劍被傘身反射,割中各忍者喉嚨!

「刷!刷!刷!」
2020-03-18 23:35:08
「反彈既速度...比我射出既仲快!」



「颯!!!!」

手裏劍剛好刷過弘之助的左側,將他的左頸擦出一個小傷口


「哈..竟然可以將攻擊反彈」

弘之助抹去項上的鮮血,笑道:「但係...你咁樣又可以擋到幾多呀!」



「登!!!」

一把大薙刀從弘之助的義手上伸出並伸長


「就睇下你呢個妹當到幾多!!!!」


「踏!」

弘之助步大力雄,兩步已經踏到傘前


「揸實!」

「呃...哦!!!」



「噹!!!!!」

薙刀砍中殺手傘身,發出巨響


「哈哈!連我把薙刀都當得住!!」弘之助竟笑著說



「縮地步法!!!」

克哉乘住空隙,於地面以超高速閃到弘之助的身後



「好..好快!」


「登!」

克哉於移動同時,從刀銷拔出脇差

絲毫不浪費一點時間,直接砍向弘之助!



弘之助見自己身陷險境,只好放棄玫擊美波,改為和克哉格招!
2020-03-18 23:35:48
「噹!!!!」

刀身碰撞擊出火花


「佢..氣力好大!」

比力量,克哉絕對會輸


「老師小心!!!」

慢慢習慣戰鬥的美波為解救克哉,用殺手傘向弘之助飛出多枚吹箭




「嗡!」

弘之助警戒性較強,一早已察覺吹箭,用左義臂生生擋下


「係機會!」

克哉一時轉用單手持刀,左手握拳打向弘之助


按下食指上的黃按扭,一道強大電流從機械義手直達弘之助全身

「咩...咩話!!」電力使弘之助退後數步



「機會!」

克哉擺直脇差,刺向弘之助




「!!!!」


「嗡嗡!!!!」

忽然,一團火球飛向克哉


克哉無計可施下,只好放出爆炸粉,以火攻火

「嘭!!」


爆炸造成的衝擊,使距離較遠的美波也差點站不穩



「弘之助,你未免太大意啦」

一名和服女性,一邊揮動手上的紙扇,走到眾人的車廂中


「華火,我都冇話要你幫手!」

弘之助對於華火插手戰鬥不太高興


「對方係甲賀奇俠,始終要小心」

華火沒有理會,揮動紙扇,一個火球隨即出現


「...哇...係,係火球!」

看著浮在半空的紅色火球,美波不禁驚叫


「曾經聽過伊賀有一種炸藥叫烈空,佢既粒子會同空氣中既氧互相撞擊並且燃燒,使自己可以響空中維持形狀」
2020-03-18 23:36:13
「哼」

華火沒有一句廢話,操控紙扇,將火球射向克哉


「我既裝甲雖然防火,但要我硬食佢既火球,未必太蠢啦」

克哉飛出爆炸粉,試圖找出空隙


「轟!」

兩陣火炎相撞,産生濃煙



「踏踏踏踏踏!!!!!」

克哉借氣流彈至窗上,飛向華火


「我就唔信你近身戰贏到我!」

克哉施展甲賀刀法,砍向華火


「噹!!!!!」

華火拎出苦無,勉強擋下



「再黎!」

克哉先收招轉身,再突然從右邊突刺,暗襲華火



不慌不忙的華火掃一掃紙扇,紙扇馬上燃燒

「唔好以為...我響咁既距離用唔到火!」


橫揮一下,火炎劃成一道

這樣,克哉根本無法接近,唯有收招退到華火身前三米


「仲有呀!」

突如其來的弘之助從後出現,以泰山之勢對克哉揮下薙刀


克哉繼續使出剛才的縮地步法,轉到弘之助的身後



「以為咁樣就殺到我咩!天真!」

弘之助的義手噴出濃煙,阻擋克哉的視線
2020-03-18 23:36:33
「弊啦,睇唔到...」

「哈!輪到我啦!」

弘之助反手揮刀,克哉只好硬生生吃下一招,退開數步



「颯!!!」

華火再度點下火球,射向克哉和美波兩方


「老..老師!點..點算呀!!!」



「嘭!!!」

克哉以滾地避過:「山內,用殺手傘擋!」




「哦..哦...!!」

面對來勢洶洶的火球,美波只好聽從克哉的指令







火球擊中殺手傘

「轟轟轟!!!!」



「哇呀呀!」

雖然美波如此尖叫,但火炎已經被殺手傘擋至飛散

美波受到的,或者只有熱力


「老師!你整既殺手傘真係好犀利呀!」美波讚道
2020-03-18 23:36:52
「小心呀山內!」



兩個幪面忍者閃到美波的頭頂,拔出小太刀

「死啦!!」



「呀呀!!!」

面臨前生死邊緣,美波的心也嚇得跑了出來,只好叫喊祈求奇跡發生



美波用力閉上雙眼之一瞬間

「砰啦.....」

數塊玻璃碎猶如慢動作一樣,飛到美波的頭上



一陣微弱的紅光,在兩個忍者的眼前閃著




「...咦?!」

美波慢慢放鬆張開雙眼:「我..我無事既?!」


而剛才正想襲擊自己的兩個忍者,已經立正在自己的兩旁,木無表情



「呼,好彩我來得及時,山內同學~」


穿著日式簡化著物的紗理依帶同紅龍,霎眼間出現在車廂中





「嗡嗡嗡嗡」



「嘿,終於黎啦」

即使不在現場,小次郎依能靠蟲子得知紗理依的出現

「大小姐...!」
2020-03-19 07:41:12
好緊張
2020-03-19 18:24:17
Push push push
2020-03-19 20:16:35
唔推
2020-03-19 22:42:42
I need 文
2020-03-19 23:13:53
依家出
2020-03-19 23:14:32
34.幻術的恐怖


「紗理依...點解...你會響度既?!」

死裏逃生的美波,上氣不接下氣


「嘻嘻,你地成功引出百鬼眾,我當然要出黎啦~」

紗理依繼續保持輕恌:「今次...全靠甲賀奇俠咋」



「你明知百鬼眾會先揾森川八郎,但你冇選擇自己去」

克哉開口道:「反而利用返百鬼眾比我既提示引我地入局,先同百鬼眾交鋒,再乘機出黎向百鬼眾使出致命一擊」

「我冇估錯丫嘛,服部大小姐」


「嘻,真不愧為甲賀奇俠!」


紗理依扁嘴笑道:「不過頭先甲賀小姐太危險啦,我忍唔住要出手幫佢啦!」


紗理依非常聰明,當然不會透露克哉和美波的身份



「哼,堂堂伊賀大小姐竟然要親身黎東京,睇黎伊賀眾真係好唔掂喎」

說雖如此,弘之助的心卻是流出冷汗


「伊賀既瞳術需要雙目交投先發動到,但頭先佢只係靠玻璃反射就做到...呢個靚妹進步左唔少...」
2020-03-19 23:15:01
兩名百鬼眾忍者猶如中邪一樣,竟向弘之助衝過來

「噹!!!!」

弘之助橫架薙刀,以一敵二


「死啦!!!」

運勁將兩人推開後,弘之助馬上正手持刀橫砍!

兩名百鬼眾胸口被斬中,隨即倒地


「嗚...」

但即使身中要害,兩人卻再度站起



「發...發生咩事呀?點解頭先果兩個百鬼眾忍者...會幫我地既」天真的美波問


「因為我頭先對佢地兩個,使出左幻術」

紗理依自信滿滿道:「幻術,唔單止可以令對方出現幻覺幻聽,仲可以令對方敵我不分,變成為自己賣命,失去意志既戰鬥機器」



「講得淺白啲,即係現代既催眠」



「噹噹噹噹!!!!」

兩名忍者竟無視自身傷勢,攻得更猛烈


「中左幻術既人,係無辦法靠自己破解幻術」

紗理依竟笑道

「依家既佢地,就只能成為我既『劍』,呵呵」



「刷!!!!」

薙刀一口氣向一忍者的頸喉砍下,血如泉湧


「哼!中左幻術姐,呢啲忍者既武術根本唔係我既對手!」


另一忍者亦有所行動

「踏!!!」



「想偷我雞!?」

弘之助飛出臂上隱藏的鐵鈎,刺穿忍者的心房
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞