《甲賀奇俠》

紗理依戰鬥力>>>>>>>>裝備撚五十嵐

又係廢主角

咁甲賀嗰邊都幾廢

勁樓主少少

我最勁

37. 被忽視的王牌


「噹！！！」

美波操著殺手傘，擋下這一擊！


「咩...咩話」

一直只在殺手傘後看戲的美波，竟上到前來

不但百鬼眾的兩人，就連克哉也猜想不到


「喝呀呀！！」

美波揮動傘柄，不斷擋下華火的攻擊




「山內，你知唔知你最大既弱點係咩？」


美波先想一會，再答

「吓，唔...係咪我既體力呀？事關我次次避完波子之後呢...一返到屋企都即刻訓著架」


「唔係...係你應對壓力既能力」

克哉手指自己的心房：「一個忍者，除左身體質素要夠好之外，抗壓力都好重要」


「山內你之前第一次用吹箭...係咪好緊張？」



「嘻...咁都比老師你睇穿添」美波摸住頭傻笑


「所以，你真正需要既係膽量」

「你要有...必死既決心」


「噹！噹噹！！」

美波利用殺手傘大範圍的面積，多番擋格華火的扇擊

「呢個山內同學...終於唔再剩係睇戲啦」

麻痹粉末影響下，紗理依只好硬硬退後數步

「呢個小次郎果然夠陰險，呢種麻痹粉末同以前既唔同，令我以為自己仲有抗體無提防到...」



「克哉老師講得啱...我...一定要堅強！」

美波的眼神，已經出現前所未有的堅強


「可惡！我點會輸比你呢個細路女！」

華火近距離點起火炎，誓要將美波置於死地



「颯颯！！！！！！」

比剛才更強的烈火燒至殺手傘上



「雄！！！！」

雖然殺手傘能防火，但火焰依然使美波感灼熱



「小姐！」

麻痹效果慢慢減弱，重新恢復活動的紅龍向紗理依開出




「再係咁落去，山內會有危險...」

克哉正要衝去營救美波之際



「想走！？」

小次郎抽起手中的蚿線，將克哉拉向自己


手中的傷口經一扯後，流出更多血水

「真...真係多謝你啦」

克哉竟順勢向小次郎推進

「多得你呢一拉，我可以...成功埋到你身啦」



「刷！！！！」

克哉終於以脇差，傷到小次郎的的上臂


「嗚...」

毫髮無傷的金身被破，小次郎面露不悦：「竟然選擇以自損既方法黎埋我身...！」


「但係...我都有辦法可以殺死你！」



「刷刷刷！！！！！」

多條蚿線從多個方位襲向克哉


「噹！」

克哉先以脇差格下一條蚿線，繼續迴避



「嗚，隻手一直比佢拉住都唔係辦法...」

出血越來越嚴重，克哉只好減低活動範圍



「不過...山內果邊...」



「颯颯颯！！！！！」

華火未有絲毫留手，繼續將一道道火炎轟向美波


「可惡，呢把遮咁硬淨，不過...」

華火點燃起另一串炸藥「烈火」



「繞過把遮，我睇你點擋！！！」


火炎這次從地面上進攻，形成五條蛇狀，向美波進攻


美波只集中眼中，差點就發覺不到地面馬的火炎攻擊

「哇！」

剛學戰鬥技巧的美波眼見此狀，當然二話不說逃離現場


「就係等你呢一刻啦！死啦！！！」


美波於小跳步中漏出的小空隙，都被華火察覺到了！


「雄雄！！！！」

數道烈火在華火扇子控制下，形成大火龍



「轟！！！！！！」


火龍直接衝向美波



「隆隆隆隆隆隆！！！！！」

即使美波及時提傘，但衝擊力之大，依然令她翻倒數米


「嗚！好痛呀...」

「再黎！！！！」


火龍再度燃點，對美波窮追不捨




「隆！！！」

多次救美波一命的殺手傘，也擋不下火龍攻擊

傘身終於被破壞！




「弊...弊啦！！殺手傘！」


「冇野幫你擋到架啦！！！死啦！！！」

華火繼續舞扇，將火吹得更旺，攻向毫無防備的美波



面對這等生死邊緣，美波只能握住只剩下傘骨的殺手傘，跪在地上，

「死...死啦...唔好丫！！！！！」




「嘭嘭嘭......」


「...咦...？」


但出奇的是，火龍並沒有將美波吞噬

反而是在慢慢消失，化成灰燼

「？！」

麻痹效果開始消去的紗理依和紅龍，也感嗟異


而本應在控制火龍的華火，竟然停下手腳動作

「嗚...點解...」


「咦...？」

美波猛然發覺，自己剛才緊張之下

按下了殺手傘中發射吹箭的按鈕！


而半熔中的吹箭，已經刺中華火的左臂

「可惡！頭先...我既視線原來比自己既火炎遮住左...」



「而周圍既高温亦令空氣出現折射，所以華火完全察覺唔到吹箭已經發射左」

紗理依此時已經解除麻痹效果：「做得好呀甲賀小姐，多得你...」


「我又可以操控多一個叛徒！」



華火來不及閉眼之際，紗理依已經再次發動幻術之瞳！

「噔！！！！！」



只是一個眼神交流

華火已經完全失去個人意志，成為紗理依的傀儡

-6出奇蹟

Push

準備出了

推

38.蟲師的殺著


「呼...成...成功左啦？」美波問


「無錯，今次唔錯，甲賀小姐」

繼續流出血淚的紗理依，一步一步行往小次郎



「只係剩返你咋！小次郎！」

在紗理依的控制下，華火對住自己的舊主發動火龍攻勢！


「！！！」

以小次郎身手，即使攻擊距離自己只有10cm也能輕鬆躲過



「...切！」

在後一卡車的小次郎已經察覺到華火的失敗，只好用同樣方法處決華火


大蟲從華火心臟破出，隨即奪去華火性命

「嘶呀！！！！」




「一日內無左兩個得力助手....小次郎，下一個就輪到你啦...」

紗理依和紅龍也上到另一卡車廂中，和克哉同時包圍小次郎



已經合上雙眼的小次郎冷笑一聲

「哈...就算依家四對一，你地真係以為自己有優勢咩？」



「咩意思...？！」克哉對此話比較感驚訝

現在的形勢明明完全向四人傾斜，但小次郎依然胸有成竹一般

「隆...隆隆....嗡嗡嗡嗡嗡」

一大種既密集又擾人的聲浪開始接近列車



「老師！」

身在後方的美波叫道：「出面...！」



一大群飛蟲，猶如軍隊一樣衝擊列車！

「噹噹噹噹噹噹噹噹！！！！！！！」


「我既體能或者唔會夠你地黎，但係...」

小次郎笑得奸狡：「我可以呼喚所有東京既昆蟲，對你地發動攻擊呀！哈哈」


「嘭呀！！！！」

車窗已被飛蟲打穿，湧入車廂


「哼...只係雕蟲小技」

紗理依欲再以音爆彈將飛蟲擊倒



「嗡！！！！！！」


但，飛蟲只倒下幾毫秒後，又再度發動攻勢


「咩...咩話！？」

音爆彈竟對飛蟲無效，紗理依也感驚訝

只好先退一方


「昆蟲係一種適應力強既生物，黎緊音爆彈只會對佢地越黎越無用...」

克哉拔出膠槍，對被飛蟲衝破的車窗噴出白色膠狀物



「砰砰砰砰砰砰！！！！！！」

完全填滿窗口的膠狀物，一時將飛蟲無間斷的衝擊暫停

「無用架...就算封一個出口」

小次郎對四周飛出蚿線，在車卡上製出多個小孔

「昆蟲只要釘上獵物，就唔會停手！！」


那幾個小洞，馬上成為蟲子們的新入口

數秒間，蟲子大軍已經攻入車廂



「嘩...媽咪你睇下！好多蟲蟲丫」

「做咩咁多蟲既？」

「搞咩呀！」


途經位於東京和神奈川縣交接的大森站之時，月台上等待的乘客望到這輛塞滿蟲子既列車

無一不被嚇驚



雖然蟲子並無太大殺傷力，但被叮上一口始終痕癢無比


紗理依和紅龍打個眼色，各自往列車的兩個方法跑走



「哼，想分散注意力？」

只剩下聽覺的小次郎飛出蚿線，刺中數十米以外的紗理依左前臂



紗理依被小次郎拉住，行動一時截停

「嗚...可惡..呢種蚿線比起堆死蟲仲麻煩...！」




「佢只要繼續合埋雙眼...紗理依既幻術根本就無辦法發動，咪住...！」

克哉同時注意到，某款飛蟲正飛到自己的傷口，吸啜自己的血！



「呀...！！！」

不旦疼痛，而且手中開始出現麻痹反應，不能動彈


「紗理依！有種蟲會追住你既傷口黎吸血，會麻痹！！！！」

「！」

紗理依一聽到克哉叫道的一刻，已經有大群成千上萬的蟲子飛向自己！


「嗡嗡嗡......」




「嘿，不愧為甲賀奇俠，響咁多普通昆蟲遮住之下，都見到我養既『吸血蠱』」

小次郎也不禁奸笑：「佢唔單止會放出毒液令你全身麻痹，仲可以不停吸食血液架！！」

「慢慢..你就只能夠睇住自己不斷被吸血，失血而死！」




本身已經失血，如今還要被蠱蟲吸血兼且左手麻痹

克哉開始感覺到自己視覺矇糊


「弊啦...雙眼開始...」



「睇五十嵐既反應，睇黎呢種蟲都真係好毒下..」



「嘭啦！」

紗理依放出數十枚苦無，射穿車窗

「再留響車廂裏面只會等死...」




以蚿線作蠅索，紗理依跳出列車外

「呃呃呃呃呃！！！」

即使高速行駛的列車和行車橋產生極大磨擦力，但對極高韌力的蚿線似乎無作用


蟲子當然沒有停下，繼續追住紗理依


「哼...真係好煩呀...不愧係我最討厭既百鬼眾成員」



當然，手持蚿線另一端的小次郎也感覺到紗理依的位置

「呵，竟然係飛出去...咁...」

「我就順便送你上路啦！大小姐！！」


小次郎手一鬆，紗理依握住的蚿線馬上飛出！



「弊..弊啦！」

以現時列車行駛的速度，如果紗理依不再尋找支撐的話

絕對會飛出變成肉醬！




「如果紗理依都死埋既話，根本無可以贏...！」

克哉雖麻痹得不能用出太多動作，但依然及時舉起橡膠槍




「吱！！！」

一大發白橡膠及時將蚿線黏至窗上


「呼...好彩」

紗理依死裏逃生，




「估唔到你仲郁到喎，不過...」

小次郎再度指使蟲群飛向紗理依




「小姐.....」

身在車卡另一端的紅龍依然看到依理依正身陷險境


「沙沙！！！」

即使停下會被蠱蟲吸血，但他依然放手一搏，射出水彈



「吱！吱！吱！」

水彈成功於第一批蟲子飛出車外前將其擊中

但同時，蠱蟲已經吸食紅龍手上的血液


「小姐...靠你啦...」

連同剛才黃金粉蛾的麻痹毒素，紅龍已經完全失去反擊能力，慢慢倒下

個故去到幾多成？

預58集

開波