41 Like
3 Dislike
岩本れんか
2020-03-09 09:52:22
樓主好狗
西野七瀨
2020-03-09 11:25:04
多數冇
西野七瀨
2020-03-09 11:25:15
今晚講
西野七瀨
2020-03-10 00:39:08
25.黑歷史
由紀喝下熱茶,將往事尾尾道來
五年前,大阪府,關西大學
那時的由紀,18歲
「果個時候我啱啱同家人鬧交」
「屋企人想我繼承家業經營既旅館,但我一啲興趣都冇,所以...我就決定去大阪讀大學」
「咁...聽落好似好辛苦喎,離開家鄉,仲要同屋企人鬧翻」克哉也明白
由紀壓下小嘴,點頭
「嗯,開頭既我的確覺得好難過日子,又要返學,又要打工賺生活費、學費...甚至我有諗過...自殺,直到」
「結城,呢啲等我黎」
「祐介係我響串燒店打工識既同事,啱啱識果陣,佢係個好温柔既前輩,當時冇戀愛經驗、唔識打扮既我...好快就鐘
意左佢」
「為左佢,我特登學化妝、學扮靚,希望得到佢既垂青」
「終於...」
「由紀!」
祐介緊握由紀的手
「我鐘意你!」
「好順理成章咁,我終於成為左祐介既女朋友...但係呢個...先係惡夢既開始」
西野七瀨
2020-03-10 00:39:23
剛下班的由紀,直拎住一袋從超市買下的日用品返到祐介的居所
「咔!」
從祐介住所出來的,竟為一打扮火辣的妙齡少女
「下次再黎我屋企玩啦喎」
「嘻嘻好呀...」
「...呃...」
祐介察覺到廊下的由紀
此刻的由紀,眼中充滿疑惑
「祐介,頭先果個女仔...係邊個黎架!」
男友出軌,任何女生也必定氣得怒髮衝冠
「朋友黎姐...咪請佢上黎屋企玩下咁囉!」
面對由紀質問,祐介卻答得自在:「逢場作戲呢家野男人成日有架啦」
「你...!」
由紀氣得將手上的膠袋掉到牆上
「你究竟...當我係咩呀?」
「砰!!」
祐介一掌摑到由紀臉上
「你唔好以為對胸大少少我就甘心對住你一世啦,大把女等住我溝呀!你對我既作用就剩係得比錢我洗同比我插架咋!
」
由紀流住屈辱的淚水,掩住紅腫的臉蛋
「你...我以後唔想再見到你!」
西野七瀨
2020-03-10 00:39:40
正想拔門以出際,由紀卻被祐介拉住!
「唔淮走!!!你唔好唔記得,果啲相呀!你敢走...我就將啲相貼至你學校度!!」
「果啲相...係」克哉雖然也說不出口,但心裡卻清楚所謂「照片」為何物
由紀說起內心最痛處,眼泛淚光
「佢用我地之前照果啲相要脅我,要我繼續養佢,要我繼續同佢發生關係」
「直到果日,我終於...忍唔住啦...」
「今個月既錢...」
祐介一手搶去由紀手中的數萬日圓
「有冇搞錯呀!咁少邊夠洗呀!」祐介怒哮
由紀受了委屈,只好低着頭
「我...我已經休埋學,每日打三份工...」
「關我咩事!唔係啦...」
祐介靈光一閃:「我識朋友開風俗店,你聽日去開工啦,一個客應該都賺到一萬既」
被要求從事性工作,由紀當然萬分不願
「我...我唔做呀!」
「啪!!!」
祐介摑了由紀一記耳光
「收聲啦八婆,依家唔輪到你話事呀!我肚餓呀,落街買野比我食!」
西野七瀨
2020-03-10 00:39:58
「索索...」
由紀接過克哉遞上的紙巾,抹去鼻水
「我實在忍夠啦...所以...」
「我響佢啲酒度,落左安眠藥...」
「...」
受藥力影響下,祐介睡得猶如昏迷一樣
「一定要將果啲相...全部銷毀...」
由紀捉起祐介的的姆指,替他的手機解鎖
「果然,佢既雲端度...仲有啲相!」
由紀一口氣將手機的所有相片刪除
但她,未有因此鬆懈
「都係唔夠放心...一定要做得徹底,唔可以再比果堆相留響世界上」
最後,由紀決定將祐介家中的所有電子産品偷走,全部銷毀
「隆隆隆...」
望住烈火中慢慢燒焦的手機和電腦,由紀下定決心
「我要重新開始...我既人生...」
「就係咁,之後我就黎左東京讀書...」
由紀呼一口氣:「我以為我以後都唔會再見到呢個人,點知...都係比佢揾到...」
「五十嵐老師...我係咪...好污糟...?」
西野七瀨
2020-03-10 00:40:10
「估唔到...結城老師佢...都有一段咁悲慘既過去」
聽畢這段小說般的人生經歷後,克哉也一時混亂
「呃...咁...年輕果陣犯錯...都好正常姐...」
「但...我呢個錯既教訓...好似真係太大...」
「應、應該講咩好呢...」
克哉隨口道出一堆似是疑非的大道理:「過去既事,就...就算你想忘記都未必能夠忘記到」
「但至少,你依家已經唔駛再過住果種生活丫」
「過去既事,就等佢過去啦」
「但係...祐介絕對唔會就咁罷休架」
由紀緊握雙手:「如果佢再黎..我都唔知點算...」
面對由紀的憂慮,克哉唯有提出少許看似普通人都想得出的辦法
「...首先..你聽日應該要即刻搬走...如果唔係一定會比佢日日騷擾」
「其次,每日返工、出去都帶定防狼器,以防佢偷襲你...」
「嗯...」
看似放鬆不少的由紀,似乎仍在苦惱
「如果...呢啲方法都無用呢...?」
「今日響學校已經比人綁架,然後啱啱又比祐介...」
西野七瀨
2020-03-10 00:40:22
「我....好驚呀...嗚嗚」
已經無法再忍受的由紀,躺在克哉的肩膀上落淚
「....」
或者克哉,也不知再應該做甚麼去安慰由紀了
「我...會保護你....」
「...五...五十嵐老師,你話...會保護我...?」
由紀水汪汪的雙眼望住克哉,使他也不禁心跳加速
「呃...嗯!咁...我點都無可能睇住結城老師你有危險都唔理架嘛..」
「以後你有咩事即刻打比我,咁..我..我一定會即刻黎幫你架!」
「五..五十嵐老師...」
由紀的聲音變得更加哽咽,繼續在克哉膊上痛哭:「嗚嗚嗚.....」
「咁樣答...有冇嚇親結城老師呢...」
西野七瀨
2020-03-10 00:40:42
五十嵐=毒撚
唐寧瞓教瞓靈堂
2020-03-10 02:12:23
仲要係女仔嘅手仔都冇掂過嘅毒撚
花井三日月
2020-03-10 02:20:08
準備埋單
粗人敵卡
2020-03-10 07:44:01
祐介有無機會出賣克哉老師資料
俾百鬼眾(救由紀老師嗰陣咁好身手)
八俁遠呂智
2020-03-10 07:51:14
八成機會通風報信
娜
2020-03-10 10:01:10
祐介=樓主
西野七瀨
2020-03-11 00:33:08
26. 一夜限定的同居
經過一路痛哭,由紀總算平靜過來
「呀...哎呀..唔..唔好意思呀五十嵐老師..我...太失禮啦...」
哭得雙眼紅腫的由紀慢慢察覺,自己淚水使克哉的左肩濕透
克哉搖搖手
「唔..唔緊要..」
「唔好意思呀..響五十嵐老師你面前咁失態...仲講左呢啲羞家既事比你聽...」
由紀低住頭苦笑
「放心丫..呢件事我唔會同人講架...」
克哉望到時鐘上的時針:「哎..原來都已經九點架啦..咁我..我唔阻結城老師你啦...我返去先啦...」
正當克哉想站起之際
「唔、唔好走呀五十嵐老師」
由紀竟一手捉住克哉,就如小孩緊握母親一樣
「...呃?」
由紀發覺自己又做了件任性的事,馬上放手
「呃唔..唔好意思呀...我..我送你出去丫」
「結城老師遇到啲咁既事...今晚要佢一個人過...的確係過份左啲既」
「而且果個祐介又唔知會唔會再黎...但係...我留響度,又會唔會太冒犯呢..話哂結城老師係女仔..」
西野七瀨
2020-03-11 00:33:24
「唉死就死啦!」
「呃..其實我..都驚你...有危險...既,不如..」
「我今晚留低..聽日一清早我一齊幫你搵新地方住....」
「吓....嗯」
由紀似乎安心了不少:「真、真係麻煩哂你呀,五十嵐老師...仲要你今晚留低...」
「唔緊要...始終...夜晚你可能都會驚既...」
「咁...咁我煮晚飯先丫...」
由紀不敢直視克哉,急步逃到廚房處:「唔好意思呀五十嵐老師..今日我無買到餸,如果食咖哩飯既話,你會唔會介意呀...」
「唔緊要..我食乜都可以..」
吃著製作簡單的即食咖哩和沙律,克哉也不知應該從何說起
在純情的外表掩蓋下,由紀竟有一段如此蕩氣回腸的故事
「五十嵐老師...」
「嗯...」
「聽日你同我搵新屋果陣...可唔可以...住響你附近..?」
「咳咳!!咳!」
一聽到由紀這句,克哉嚇得馬上咳嗽
「五十嵐老師!你點呀...」
由紀頓時嚇得花容失色
西野七瀨
2020-03-11 00:33:47
「我..我無事...但係...點解你要響我附近..」
「因為..感覺上,有五十嵐老師響身邊,會安心好多...」
由紀難為情地搖手:「不過我都係講下姐..你唔駛放響心度架...」
「嗯...我會試下...」
「覺得安心都唔出奇既,始終...我響佢最危險果陣救左佢...」
「佢對我只係信任姐,咪自作多情啦五十嵐克哉!」
克哉也不清楚,到底在由紀心目中,自己到底有甚麼地位
吃畢晚飯後
由紀捧出一套t恤和長褲,道
「唔好意思呀五十嵐老師,我屋企...得呢啲大碼衫咋,唔知你啱啱著呢...」
「哦,可以架啦...有衫換已經好好架啦」
克哉笑著為由紀洗著碗碟:「結城老師你今日都辛苦啦,我幫你洗碗,你沖完涼早啲休息啦」
「咁...麻煩哂五十嵐老師啦」
由紀將預留予克哉的衣物放到梳化上:「咁我沖先啦,好快好快!」
「沙沙沙.....」
聽住洗手間的花灑聲,克哉逐一將碗碟放回原位
「雖然...知道結城老師有段咁既過去,的確有....少少失望......」
原來,克哉也有少許介懷
畢竟自己心目中的由紀,是個天真脫俗的女性
但現實,卻是個遇人不熟,差點被賣至風俗店的悲劇人物
「但係,呢啲都只不過係過左去既事姐!依家既結城老師唔係咁就得啦!」
克哉坐到梳化上,細想今日發生的種種
學校被綁架
和美波合力將伊賀百鬼眾擊倒
為由紀解困,趕走人渣前度
「咕...咕咕...」
消耗太多體力的克哉,已經不知不覺間在梳化睡著
換上睡衣的由紀,從浴室出來,卻察覺克哉正平靜地睡著
「五十嵐老師,我得啦...咦...」
「...五十嵐老師今日都辛苦啦,就由佢咁訓啦...」
由紀將綿被蓋到克哉身上,才發現
克哉恤衫下的手臂上,留住多處傷痕
「呢啲...係......」
西野七瀨
2020-03-11 00:34:03
翌日
「呢度環境好似幾好咁喎...五十嵐老師你覺得呢?」
一清早,由紀就跟住克哉到目黑區察訪新單位
「嗯,感覺上好似唔錯咁,陽光都充足」
克哉轉頭問地産經紀:「呢度既話...租金要幾錢?」
「呢個單位既話...一個月十二萬,以呢個地段黎講價錢算唔錯架啦」
經紀拎出手機:「如果加埋契約金既話,大約,今個月要比17萬円」
「十七萬呀...」
由紀眉頭一壓,露出難為情的表情,似乎對此價錢有點卻步
畢竟,一時間要拎出如此大筆的金錢,對由紀的經濟狀況的確造成壓力
「結城老師依家最需要既係安穩既住所,我......唉最近唔等錢洗既...可以頂住先既」
克哉點一點頭:「我明白啦,就十七萬啦...即日可以搬入黎啦嘛?」
「嗯!可以呀」
造成生意,經紀當然答得爽快
「至於錢方面,我先為呢位租客比住先」
由紀一聽到,馬上吃了大驚
「五...五十嵐老師!咁樣點得架!你已經幫左我好多啦,依家仲要你幫我比租...」
由紀一聽大吃一驚,當然馬上出聲阻止
「唔緊要啦,只係少少錢姐,當係我幫你比完先囉,之後慢慢還錢都未遲」
「但係...」由紀不太敢再受克哉的恩惠
「我總無可能睇住結城老師你每日提心吊膽既...」
克哉示意由紀過去:「結城老師,你過黎睇下合約有冇問題」
「五十嵐老師...真係好好人...」
由紀簡直覺得,自己配不上克哉給予的幫助
西野七瀨
2020-03-11 00:34:13
「咁,我走先啦」
「今次拜託哂啦」
經紀離去,屋內就只剩下克哉和由紀兩人
「五十嵐老師...我...」
由紀苦笑著:「今次...真係唔知點多謝你...」
克哉連忙搖手
「唔...唔...好小意思既姐...啲錢慢慢黎啦,最緊要結城老師你穩定落黎先...係啦,結城老師,我地交換一下電話同...line丫,萬一果個人渣咁唔好彩揾到你,你都可以即刻打比我丫」
「嗯!」
兩人迅速交換了電話號碼及line
「唔...咁..咁我唔阻結城老師你休息啦,我返去先啦..」
克哉也感到自己已經打搞了由紀多時,準備轉身離開
「等陣呀,五十嵐老師..」
「今次真係唔該哂你,但係...我仲未諗到點多謝你...」
由紀似乎想向克哉回禮
克哉摸摸頭,道
「咁...到結城老師諗到既時候...再講啦...哈...」
「丫...仲有呀」
由紀再度將克哉叫回頭
「嗯?」
由紀臉紅得不敢直視克哉
「如果...五十嵐老師唔介意既話,以後...響學校以外...可以...叫我由紀...」
西野七瀨
2020-03-11 00:34:25
五十嵐=傻仔
朝如青絲暮成雪
2020-03-11 05:43:25
=青頭仔