41 Like
3 Dislike
西野七瀨
2020-02-25 23:33:08
「!!!!」
克哉的第六感再度感應到殺意
「邊...邊係呢...」
由紀臉頰通紅:「就黎要開早會啦,我...我地上去先啦」
「嗯...」
克哉心感不安:「今次既殺意...奇怪...好微弱...但又好散,唔通...多過一個人?」
由紀見克哉神情有點古怪,問
「五十嵐老師?做咩呀?」
「冇...冇事呀...」
克哉抹下額前的汗水:「弊,殺意越黎越近...唔通佢地既目標係今日既早會?」
「啊...結城老師,我漏左野...你上去禮堂先啦」
「哦...咁我上去先啦...一陣禮堂見啦」
克哉以此藉口返到教員室,此時就只剩下克哉一人
「到底果幾股殺意...係咩人發出既呢...」
克哉取出袋中的輕便裝奇俠戰衣,及數件忍器
「敵眾我寡...唔通真係要...」
西野七瀨
2020-02-25 23:34:04
學校外
「情報冇錯,松原高中既禮堂今日會舉行早會」
三太夫問:「千鳥,電磁干擾器準備好未?」
「隨時可以」
「好,開始行動」
西野七瀨
2020-02-25 23:34:41
14. 要脅
與此同時,一大群學生正進入禮堂
樓梯中,美波和日奈正在人堆中前進
「嘩好多人呀...美波尋晚有冇睇電視呀?」
「尋晚補習班上耐左,冇睇到呀」
「坂口健太郎真係好靚仔呀,如果佢做我男朋友就好啦...」
「咦...」
聽住日奈幻想的美波,望到躲在角落的克哉
正在對自己招手,神情著急
「克哉老師...?唔通揾我?」
「唔...唔好意思呀日奈,我漏左野響上面呀,我要上去拎返先呀」
美波道歉後,馬上回頭離開
「美波!美波!真係丫,早會有咩要帶喎...」
日奈想道:「最近美波有啲古怪,唔知咩事呢?」
美波跑到暗角的克哉前
「老師,做咩事呀?」
「山內同學,今次有野要拜託你」
西野七瀨
2020-02-25 23:35:16
克哉嚴肅的神情,已令美波知道
「你...感應到殺意?!」
克哉點頭,道
「頭先感覺到有四股微弱既殺意響學校外出現,我估計對方都係忍者,因為只有忍者先可以將殺意壓到咁低...」
「忍者?點解佢地會黎到學校呢度呀」
「嗯,睇黎冇得唔講啦...」
克哉吸一口氣:「尋日我遇到一個伊賀忍者作惡,當然我已經將佢解決左」
「佢係來自一個叫百鬼眾既組織,我懷疑...佢地查到我,特登黎尋仇」
美波焦急道
「咁,咁點算呀老師?!」
「對方有四個人,萬一要打起上黎我一定會蝕底,所以我打算揾方法將佢地逐個搞掂」
「砰!!!!!!!!!!」
「呀!」
猶如槍擊的巨響,將美波嚇得掩住雙耳
「係...係槍聲?!」美波不安叫道
「依我經驗應該就係,但係,對方可能只係想嚇下禮堂入面既人,因為對方係忍者,冇乜可以警示人群既武器」
克哉取出手機,此時的手機已經完全失去信號
「可惡...」
美波拉住克哉
「咁...我地快啲去救人啦」
「我睇冇咁易」
克哉指出:「我地呢度同禮堂相隔一條走廊,我地行過去會好易比人發現,而且...」
「已經有股殺意...向緊我地行啦」
西野七瀨
2020-02-25 23:35:34
「呀!!!!!!!!」
禮堂內的師生,望住倒地流血的校長,紛紛尖叫退後
一名持手槍的面具人,從受傷的校長手中搶過米克風
「咳咳...各位老師同學,早晨」
略帶奸狡的聲線,一聽就知是百鬼眾的三太夫了
而在三太夫旁邊,還有文太和團藏
「救命呀!!!」
一眾師生欲逃出禮堂,欲發現大門早已被上鎖
「開門呀,開門呀」
「砰!!!」
三太夫向天再開一槍
「啊!!!!!!」
這次就將眾師生嚇到躺下
大家都似乎認清事實
自己,已被眼前的這人綁架
「大家冷靜啲先」
三太夫無理會他們:「我唔係想傷害大家,亦都唔係為錢」
「只係...想引甲賀奇俠出黎」
松岡菜摘
2020-02-26 00:13:26
點解兩集同一集都係咁短嘅
西野七瀨
2020-02-26 00:21:42
一日出一集,比下面
娜
2020-02-26 10:17:05
Because lau chu is weak
粗人敵卡
2020-02-26 11:39:10
學校唔會有人死呀
娜
2020-02-26 17:20:26
樓主死喺學校
西野七瀨
2020-02-26 22:53:29
15.人質
「甲賀...奇俠?乜水呀,關我地咩事呀」
平日沒看新聞的學生們均感到費解
「甲賀奇俠...即係果個專捉賊既神秘人」
有留意時事的由紀心想:「但係,佢同學校有咩關係呀...」
三太夫走進學生群中,嚇得眾人雞飛狗走
「我查到,殺我兄弟既甲賀奇俠同呢間高中有莫大關係」
「所以我覺得,綁架大家,可以引到呢個殺人犯出黎」
三太夫在學生群中繞過一周
「不過,等待,始終有個極限...如果甲賀奇俠五分鐘內都唔出黎...」
「我,就會一分鐘殺一個人質」
一說到此,師生們均不寒而慄
「美波...美波...你...響邊呀...」
好友美波不在自己的身邊,日奈更是慌上加慌
而由紀,唯有將希望放在克哉
「希望...五十嵐老師...趕得切報警啦」
西野七瀨
2020-02-26 22:54:04
「踏,踏,踏」
即使殺意非常微弱,擁有忍者五官的克哉依然感覺得到
「我暫時仲未知對方係咩級數既忍者,所以我地暫時講野唔好咁大聲」
克哉食指放到嘴前,對美波示意要輕聲說話
「嗯...」
「對方應該只得一個人,你繼續留響度」
克哉取出配刀:「我可以用閉氣既方法令自己的氣息隱藏,再乘機偷襲佢」
「咁我...有咩做呀...」
「山內...你...怕唔怕有危險先...」
這樣一講,使美波感到少許不安
「係...係咩呀?」
克哉向美波遞上一支圓柱物
「呢支係經我改良既吹箭,比佢拮中既會短暫麻痹」
「一陣我會先引開佢,當佢有任何停頓,即刻對住呢個位輕輕吹氣,佢就會射出麻痹箭」
「吹箭...但係我唔識架喎...」
美波非常不安:「如果我唔中既話,咪比佢發現?」
克哉解釋
「放心,我淨係要你射一箭...而且唔中都冇所謂,只要足夠吸引佢既注意力就有」
「而我...就會兜出去走廊外,襯住佢比你吸引目光既果一下偷襲佢」
西野七瀨
2020-02-26 23:00:41
雖然美波一直嗆住要當克哉的拍檔,但當真正要對住敵人出手時,美波卻懼得手騰腳震
「克哉老師...我...」
克哉見此,只好再加以鼓勵
「山內,依家大家都比壞人脅持緊,得返我地兩個可以救到佢地咋」
美波起勢搖頭,差點就連眼淚也擠出來
「我...做唔到架啦!!一陣比佢發現既話...我一定會比佢殺死架」
面對步步進逼的敵人,克哉只能對怕得失去理智的美波說最後一句話
「山內,就算你唔中,我都一定會保護你」
「敵人已經差唔多到啦,美波...準備啦,一分鐘後就向走廊發射吹箭」
已經再無時間,戴上奇俠面具的克哉從原地拔足,蹺到學校的外面
留在原地的美波深深吸一口氣
「...呼...呼...美波...你得既...你得既...」
「我係...克哉老師...既好拍檔!」
終於鼓起勇氣的美波,執起吹箭
「頭先老師話,只要對住呢個位吹氣,就可以發射...」
克哉已經到達教員室外,同時也感應到
弱小的殺意
「無錯...對方...應該都係忍者...!」
也許你可能會回頭
2020-02-27 11:33:45
Live咗
留名
松岡菜摘
2020-02-27 15:57:44
Push
西野七瀨
2020-02-27 20:42:11
今晚11點後出
西野七瀨
2020-02-27 20:42:22
想點
娜
2020-02-27 21:11:45
斬開你18碌
西野七瀨
2020-02-27 23:05:26
if you want to fight, u come
西野七瀨
2020-02-27 23:08:34
「想走!?」
得勢不饒人的千鳥當然不會放棄如此好機會,繼續飛出鎌鈎
「我呢把鐮鈎就算冇"自動追蹤能力",都可以用我既技術,追到你天腳底!」
鐮勾如飛鳥一樣,不規則飛向克哉!
「特登提起呢樣野,即係話...你真係伊賀百鬼眾既人!」
「冇錯,馬上交出卷軸出黎!」
鐮勾的路線防不勝防,克哉根本無法作出防禦
而躲在一旁的美波,眼中望到的卻只有兩團身影在走廊飛來飛去
「快到完全睇唔到...呢啲就係忍者既戰鬥?!」
「噹!!!」
克哉及時將來襲的鐮勾打飛
但千鳥,已經在克哉的8點方向,拔出配刀
「你顧到咁多野咩?!甲賀奇俠!!!」
「...無辦法啦,雖然咁樣會辛苦班老師同校工...」
身陷險境的克哉按下左手上的紅色小掣,仿佛啟動了某種能力一樣
「死!!!」
千鳥的刀正要刺中克哉之際
「轟砰!!!!」
一記小型爆炸,將千鳥轟開