41 Like
3 Dislike
買咩跌咩
2020-03-31 13:44:52
以前舊燈都係你fans ,大個左做野冇時間睇啦,Ot幾粒鐘,wfh先有時間睇返咋
西野七瀨
2020-03-31 22:24:14
睇左邊啲?
西野七瀨
2020-03-31 22:56:46
43.寶藏的形狀
翌日早上,克哉繼續維持習慣,到由紀家樓下迎接
「早晨呀...五十...克...克哉」
「嗯...早晨呀由...由...紀」
即使克哉和由紀已換上上學的衣裝,但兩人對對方的稱呼似乎已有改變
「咁叫結城老師...好似有啲怪」
「佢...仲係叫我由紀...」
兩人均處於小鹿亂撞的心理,導致返校的路上又沒有太多說話
「克...克哉...」
「嗯?」
「我地以後...仲可唔可以一齊睇戲呀?」
由紀甜笑道:「尋晚揾一套黎緊就上畫既戲好似幾得意咁,所以想克哉你...」
面對由紀主動邀請,克哉自然馬上答應
「呃...當,當然可以啦!我仲以為你會覺得同我睇戲好悶添...」
「點會呢,同克哉你睇戲都幾開心呀」
由紀憶起昨日蓋到自己身上的毛衣,心也暖了一道
臨到學校時
「返到學校,我係咪應該...叫返佢做結城老師...呢?」
「咁,我地入去啦,結城老師...」
「嗯好呀,五十嵐老師」
幸好,由紀對於隨時更換稱呼方面沒有任何問題
西野七瀨
2020-03-31 22:57:01
「早晨日奈!」
「美波!早晨呀」
日奈留意到美波心情不俗:「美波你今日好似...好開心咁既?」
「嘻嘻,算係啦...」
美波心裡非常期待克哉和由紀的發展:「唔知...老師表左白未呢?」
「嗯?」
「丫!冇野呀...」
「美波...最近好似都鐘意將啲野...收收埋埋咁既...」
好友微細的轉變,也使日奈感到距離疏遠
「叮叮叮噹...」
上課鐘聲徐徐響起,使眾學生也返到座位
「各位同學早晨,依家開始點名啦」
克哉和由紀一前一後進入課室
克哉雙目打橫一掃,發覺除了一直關注昨日約會的美波直注現自己之外
還有,紗理依
「叮噹...」
「即係話,呢題只要用到之前教過既兩條公式,就可以輕易解決」
克哉乘住下課鐘聲,結束課室:「好,今堂講到黎呢度啦」
「起立!敬禮!」
「老師!補交功課呀...」
美波藉著補交課業,衝到老師桌前
「尋晚既約會點呀?」課業上,直貼著美波寫的備忘紙
克哉裝作翻看作業,道
「幾...好丫...」
「咁!」
美波馬上降低聲量:「有冇表白呀?」
「...無...」
西野七瀨
2020-03-31 22:57:12
「吓!!!!?」
美波再度調低自己的音量:「點解唔表白呀,唔通由紀老師對你無意思?!」
「山內你細聲啲得唔得呀...」
克哉輕聲道:「咁果下就表白就真係太過急丫嘛,不過...」
「我最後有叫佢由紀,佢亦好似冇問題...做咩呀山內?」
只見美波扁起小嘴,責怪克哉
「咁都表唔到白,你好冇用丫老師」
「咁...果一刻好尷尬丫嘛,我...」
「啪」
一張備忘紙馬上飄到桌上
「嗯?」
美波再回頭,卻只見到紗理依的背影
「服部紗理依...」
克哉查看備忘紙上的訊息
「今晚九點我屋企等」
「老師...個紗理依...佢到底想點架?」
晚上,美波和克哉正在紗理依的大宅門外等候:「仲要我地吹住風響度等,有冇搞錯呀?」
「佢咁講得,好大機會...係叫我地一齊去揾寶藏」
克哉望望手錶,道:「紗理依...好大機會已經套到森川八郎既情報」
「咔!」
紗理依家的大門作響一聲,似乎就要邀請兩人進入
「老師,我地...」
「入去啦」
兩人一步一步通過玄關
「晚安呀,五十嵐老師,山內同學~」
紗理依和紅龍,正和森川八郎身處大廳中
西野七瀨
2020-03-31 22:57:27
「紗理依...」
克哉吞下口水,問:「你地已經知道,寶藏既位置?」
「嗯,八郎弟弟已經講左比我知啦~」
紗理依風騷笑道:「如果我地今次冇任何意外,相信係可以輕鬆得到寶藏」
森川八郎摸摸頭,笑著道
「係呀...我已經講左比姐姐聽啦...」
「你...對佢用左幻術呀?!」美波不敢相信,紗理依為了套出情報會對一個中學生使出幻術
「你竟然咁諗我,我點會咁殘忍呀山內同學...」
紗理依走到八郎旁,拍拍他凌亂的頭髮:「係八郎弟弟主動同我講架」
「嗯,因為...我直覺覺得,你地應該信得過架」
八郎摸摸面頰,道:「甲賀奇俠...點都比起捉我果班忍者好掛...」
「...紗理依唔似對過佢用幻術,似乎係真心幫我地...」
克哉開門見山,問:「咁依家你叫齊我同山內黎,就係要去拎寶藏?」
「無錯」
紗理依淺笑一下:「但我以免百鬼眾既人來襲,所以...我咪叫埋你地兩個囉」
「件所謂既寶藏到底係咩黎,好快我地就會有答案...紅龍」
「嗯,但目的地係邊度?」
紗理依佯笑一聲,向八郎叫道
「八郎弟弟,你答佢丫」
「吓...哦...」
八郎拎出一張已經發黃的紙張,攤:「其...其實,卷軸裏面既數字,係需要我地森川家既呢份...解碼系統先可以知道裏面既意思」
13,1
37,7
16,35
3,56
7,86
.
.
.
.
西野七瀨
2020-03-31 22:57:37
「呢堆數字...唔通全部都係對應返卷軸既數字?」美波開始察覺到端倪
「算係啦...」
八郎手執鉛筆,於卷軸上圈著多個數字與標點
「只要跟住我地森川家既解碼方法,就可以搵到」
35.677389, 139.728583
「呢個係...坐標?!」克哉不禁慨歎
「無錯,我地森川家響幕府年代早已經從西洋傳教士得悉坐標既概念,並將緯度應用響建築同密碼學上」
此時八郎散發出的氣勢,和平日的宅男有天淵之別
「呢個位置....我查到啦」
美波將手機放到卷軸之上:「係...赤坂御苑?」
「赤坂御苑...到底,點解寶藏會響果度?」克哉感到疑惑
「一切...去到就會知道,紅龍」
「係,小姐」
紗理依一聲令下,紅龍抱起絲毫不董忍術的八郎
「時不宜遲,我地行啦五十嵐」
西野七瀨
2020-03-31 22:57:49
44.得到寶藏
赤坂御用地,為江戶時代紀州藩所在地
當中的赤坂御所,維新後曾被用作皇宮之用,而現時亦為皇太子德仁住所
而赤坂御苑,則為御用地中天皇專用的庭園
「踏」
但對於甲賀伊賀兩方的忍者而言,「立入禁止」的告示從來均是廢話
「嘩..平時睇電話就見得多,原來赤坂御苑係咁靚呀...」美波猶如小孩一樣,四周跑動
「喂山內,做左正經野先啦」
克哉再問八郎:「森川,我地跟住黎左卷軸所講既地方,咁之後呢?」
「呢層...呃...我試下丫」
慌張的八郎馬上取出手機,開出量度緯度的應用程式
「如果,完全跟住果個座標既話...就會黎到...呢度!」
眾人跟住八郎走到草坪上的一方
「呢度?好似都無乜特別咋喎」美波道
「咪住..」
紗理依身為能發動瞳術的忍者,洞察力自然更好
「草堆裏面有啲奇怪...」
「等我黎」
紅龍伸手入草堆,以防有陷阱傷到紗理依
「小姐你講得無錯,果然有發現」
西野七瀨
2020-03-31 22:58:05
雙手翻開草叢後,一個黑色,直徑只有1毫米的按鈕展現於眾人眼前
「犀利喎...咁細粒你都睇到既?」
美波心信,如果只靠自己的話,三日來也未必能從草坪中找出此按紐來
「緊係啦,話哂我都係伊賀首領,呢啲洞察力係必須架..」
紗理依無暇再理會美波:「五十嵐,似乎我地越黎越近個答案啦」
克哉只點了個頭,吸了口氣就按下按紐
「咔」
前面草坪的一塊馬上彈起,嚇得美波退後
而底下的,正是一條通往地底的樓梯
今次克哉和紗理依再沒說話,而是直接走向梯級
「小姐,等陣」
紅龍先叫停紗理依:「暫時未知裏面係咩情況,不如...等我先落去」
「唔駛...你響度睇住八郎弟弟啦」
紗理依回頭望住美波:「山內同學,你跟埋黎啦」
「呃...嗯!」
「紅龍,十分鐘後我地都無上黎既話,就當我地已經死左啦」
「...嗯」
交代好後,三人就慢慢步進通往地底的樓梯
西野七瀨
2020-03-31 22:58:17
「踏...踏....」
三人越走越深,梯道也因缺少月光照光而變得昏暗
當然,黑暗的環境對克哉和紗理依兩人而言根本小菜一碟
「丫...睇唔到呀...」
美波即使打開手機照明功能,依然一步一驚心
大約半分鐘後,終於走到樓梯的盡頭
「山內,照下前面」
「知..知道」
聽到克哉指令,美波馬上將手機照向前方
果然,前面
正放住一個寶箱
「呢個...就係寶藏...?」
三人同時走近,窺探這個體積只有一個日漢詞典大小的寶箱
「呢個寶箱既體積唔似有啲貴重既金銀珠寶...」
「無錯」
紗理依拎出一塊萬字夾
「咔咔」
只花了數秒,紗理依就將銀鎖解開
「呢個係..」
「吓...?」
「寶藏...就係...?」
西野七瀨
2020-03-31 22:58:32
寶箱裏面,只有一堆粉末,呈灰白色,似乎已有多年歷史
「呢啲...就係所謂既寶藏?!」
不止美波,就連克哉和紗理依也感到嘩然
紗理依手執苦無,沾起粉末
「呢啲...似乎係...骨灰」
「!!!」
凝視粉末之一瞬間,一道電擊穿過美波的太陽穴,痛得使她跪到地上
「呀....好痛呀....」
「山內..咩事呀...」
「我個頭...突然之間好痛呀..」
忍者的第六感告訴紗理依,美波的頭痛並不尋常
「我地拎左寶藏上左去先再講啦,五十嵐」
「嗯」
三人再度返到地面
「小姐..」
「我無事」
紗理依特意在紅龍和八郎面前擺動手上的寶箱:「寶藏...到手啦」
似乎有點失望的八郎苦笑叫道
「就..就係咁細個?我仲諗住有錢分到添!」
「嘻,你諗太多啦八郎弟弟」
紗理依再道:「紅龍,裏面既野...一陣返到去再比你睇」
西野七瀨
2020-03-31 22:58:46
「山內...山內.....」
「嗄...嗄....」
已經滿頭大汗的美波按住太陽穴,慢慢站起:「好似..好少少啦...」
「平時見山內一直都無健康問題,點解會突然間頭痛呢...」
雖然美波的情況令克哉感到非常奇怪,但卻想不出使美波頭痛的原因
「滋...滋....」
克哉的電話正在這個時候響起
警戒心強的紗理依馬上叫道
「五十嵐,呢個電話...要小心」
「嗯」
克哉自然明白紗理依此話的意思,按掣接聽
「甲賀奇俠,同大小姐拎到寶藏啦?」
而紗理依和紅龍,也馬上察覺到克哉的表情有異樣而走近
「你係咩人?」
「我?」
對方只冷笑一聲:「我係三船」
「!!!」
對方的一句,將克哉三人的神經觸動過來!
「到底佢...係點知道我既電話呢...」
克哉再追問:「你打黎既目的係咩?」
「我既目的好簡單,就係寶藏」
「二十分鐘內帶住寶藏到虎之門Hills,否則...」
電話既另一端,馬上顯示出畫面
「咩...咩話!?」
這畫面令克哉瞳孔放大,全身青筋也暴現
由紀,正綁在窗邊昏掉!
西野七瀨
2020-03-31 22:58:58
「結.....由紀!!!???」
「係由紀老師呀!」
美波見到這畫面,也馬上瞪大雙眼
「你唔會再有機會見到你既女人」
「我相信以你地既能力,二十分鐘內黎到絕對唔係難事,我等你地」
三船掛線後,克哉已經知道
今次和百鬼眾的戰鬥,已經牽連到自己身邊的人
「頭先把聲...的確係三船」
紗理依的氣場已經截然不同,仿佛要將身邊的一切噬食般似的
「今次,無論係為左你既女人,定係我地伊賀既恩怨」
「都一定要將百鬼眾...同三船消滅」
克哉緊握拳頭,他心知
今次無時間再猶疑了,由紀的性命就在百鬼眾手上
「你講得啱」
為了營救由紀,即使要成為殺人魔,克哉也不介意
「老師!我都要去..」
美波的頭痛似乎已經緩和不少,至少看似回復精神過來
「我唔可以眼白白睇住由紀老師...比班壞人傷害」
「山內,但係...今次好危險,而且你啱啱又頭痛...」
「我可以架老師!依家既我已經好返好多啦」
面對危機,即使自身力量不足,美波依家鼓起勇氣
「我到時...絕對唔會成為你地既負累架...」
「紅龍,你先帶八郎弟弟返去先,一陣再黎會合」
「係,小姐」
紗理依收起寶箱,道
「五十嵐,行啦」
「....嗯!」
買咩跌咩
2020-03-31 23:21:47
無啦啦兩條女同我齊住 廢鳩俠 石仔特工
應該睇左呢d咋
西野七瀨
2020-04-02 01:06:29
試下睇埋其他
西野七瀨
2020-04-02 01:06:46
45.虎之門Hills
「踏」
克哉、美波和紗理依只花了十分鐘,就成功到達虎之門之丘
虎之門Hills,位於港區
高247米,為東京都內第二高的商業用建築物
「嗄...老師,由紀老師就係呢度嗱?」
雖然路程足足有三公里之長,但美波在克哉長久的訓練下,體能已大大進步,在半空行走時未至於落後兩人太多
「電話入面的確係咁講,而且...」
克哉呼出一口氣:「我已經響感應到入面既殺意啦」
「五十嵐,入面可能會有陷阱」紗理依不忘提醒
「我知道..但依家已經無時間理太多,結城老師就響上面..」
「嘿,愛情既魔力真係大」
紗理依冷笑一聲後:「咁唔駛再等啦,入去啦...」
「咔!!!!」
三人從正門進入大樓的一樓位置
大堂的照明一早關下,再加上只有月光作照明
使氣氛一下子緊張過來
克哉已經將脇差提起,準備應戰
而紗理依當然準備好自己的鏡面苦無
戰鬥,似乎一觸即發
西野七瀨
2020-04-02 01:07:03
「周圍都黑媽媽..有啲恐怖..」
雖然昏暗,但美波在沒有克哉指示下,也不敢打開手機的照明功能
「吱!」
「嘩!!」
地上的一部對講機突然響起,使美波嚇到大叫
「不愧為甲賀奇俠同大小姐,只係十幾分鐘就可以由赤坂趕過黎」
對講機傳出的,正是三船的聲音
克哉馬上執起糟講機
「你究竟想點!?」
「5分鐘內上到52樓,我響果度等你地」
「颯!!!!!!」
數十陣殺意已在四方八面衝向三人,人數比起數日前火車戰更多
「山內,小心!」
「刷刷刷刷刷!!!!!!」
多發手裏劍從不同位置發出,向著三人攻擊
「嘩!」
當然,受了訓練多時的美波也第一時間,張開專作防守的殺手傘
克哉和紗理依拎起各自武器,將襲擊自己的手裏劍打飛
「噹噹噹噹噹噹噹噹噹噹噹噹!!!!!!!!」
三人成功擋下第一波的遠程攻擊
「仲未完架!」
克哉話未說完,數十個忍者已經手持利刃,由空中施展攻擊
「哼,只不過係一般嘍囉...」
面對大批敵人,紗理依自然不想以寡敵眾
用力一揮,一把平滑如鏡的苦無就從手中放到半空之中
西野七瀨
2020-04-02 01:07:13
「幻術之瞳!!!!」
紗理依雙目轉紅,向住苦無發動幻術!
但,似乎今次並沒有如上次列車戰中有效,對方的忍者繼續向住自己追擊
「紗理依啲幻術..對佢地無用既?!」美波驚訝
「噹呀!!!!」
紗理依沒有時間驚訝,隨即拎出另一把苦無擋下忍者們的襲擊
靠近時紗理依亦終於發現,在場的所有百鬼眾忍者雙目前都戴上一副眼鏡狀的物體
「原來就係呢舊野,阻擋左我既幻術之瞳...」
「死!!!」
多名忍者同時向美波四周持刀進攻
身上只有一把殺手傘的美波,又豈能防守多個方位
「山內!擋住前面!!」
幸好,克哉及時蹺到美波身後,為她擋下多招
「哦...哦!!!」
即使慢了半拍,但美波依然有時間打開殺手傘
「噹噹噹噹!!!!!」
殺手傘範圍之大,足以擋下八名百鬼眾的施襲
美波再按下傘柄上的機關,多發麻痹吹箭應聲射出
吹箭跟住八人的位置,自動調節射擊方向,飛快擊中
「弊啦...郁唔到...」
「係機會!」
克哉使出縮地步法,迅捷在八人中穿梭
利用崇熟的刀法,克哉輕鬆將無法動彈的八人處決
「刷!刷!刷!刷!」
西野七瀨
2020-04-02 01:07:23
「山內小心後面!!!」
多個忍者再次偷襲美波,但今次的武器不再是苦無
而是大風魔手裡劍!!!
「颯!!!」
「呃呃呃呃呃」
大風魔手裡劍一放出,猶如將四周的空氣割開一樣,發出恐佈的高頻聲音
「殺手傘同山內既手力都未必可以擋到咁多風魔手裡劍...」
克哉提出橡膠手槍,對一風魔手裡劍射白橡膠
「吱!」橡膠成功黏著風魔手裡劍
成功控制手裡劍的克哉用力一揮,手中的橡膠帶住手裡劍從後繞過一周,向住百鬼眾忍者方向飛出
「喝!!!!」
克哉不斷擺動右手,操縱有線大風魔手裡劍將其他手裡劍打飛
「咩話!我地既手裡劍!」
「山內!讓開!!」
克哉飛出手上的大風魔手裡劍,亦隨著向八人拔刀進擊
「刷刷刷!!!!」
大風魔手裡劍擊中多人,血肉橫飛
而剩下的,克哉也再加以追擊,將其擊殺
粗人敵卡
2020-04-02 07:41:43
由紀應該無事啩
松岡菜摘
2020-04-02 08:15:59
唔知點解好有人中之龍打boss嗰種感覺
西野七瀨
2020-04-04 00:21:30
46.下一步
同一時間,紗理依亦陷入苦戰當中
「噹!!」
幻術不湊效的紗理依,只好以苦無和忍者們埋身作戰
「唔破壞佢地眼前既果舊野既話,我就無辦法使出幻術..」
「死啦!服部紗理依!」
百鬼眾忍者同一時間以包圍之勢,圍攻紗理依
「不過..你以為我用唔到幻術就唔可以殺死你地咩!三船既走狗!」
紗理依反手持苦無,猶如溜冰一樣穿梭於忍者中間
速度足以使低級忍者不能追上
「一擊解決你!」
紗理依輕輕轉圈,已將數名忍者的喉嚨?出鮮血
「太天真啦!你以為我地會乖乖地等比你處決咩!」
餘下的忍者竟取出腰邊的鐮鈎,擲向紗理依
「吱!」
「弊啦」
一不留神,紗理依的右手被鐮鈎纏到
「仲有呀!!!」
西野七瀨
2020-04-04 00:21:43
「嗚!」
紗理依知道,再中鐮鈎的話必死無疑,只好繼續走避
忍者用力一拉,鐮鈎將紗理依的動作拉停!
「勒勒!!!」
紗理依穩住下盤,避免身子被鐮鈎扯走
一波未平一波又起,三把鐮鈎已經來到耳邊
不消一秒,紗理依的頭顱就會被鐮鈎刺中!
「咁既情況你無得走啦!服部紗理依!」
「...係咩」
紗理依目無神氣的一句,啟動了她的反擊計謀!
「噠!噠!噠!」
左手一翻,一顆乒乓球大小的球體從紗理依放出,剛好擊中三把鐮鈎
「!!!」
忍者們猶如觸電一樣,無法動彈
同時,這數名忍者已經毫無意識,成為紗理依的奴隸