《甲賀奇俠》

父親死去的一幕，對紗理依而言依然歷歷在目

就算沒有發動幻術之瞳，雙眼，已經紅透

「點解當日..要咁做...？」



「..好簡單姐，你爸爸，響對伊賀眾未來既立場上同我有唔同意見」

「你爸爸認為伊賀眾應該繼續歸隱，維持日本既和平」


「而我，就認為...」





「要復興伊賀，將我地伊賀眾改革成現代既殺手組織」




「我無辦法，如果繼續以你爸爸既方向，伊賀將會失去昔日既尊嚴」



「颯！！！！！」


紗理依已經無法忍耐三船的辯駁，直接揮刀過去


「噹！！」

三船直接以打刀與紗理依硬碰


而且克哉，就借紗理依的掩護，以縮地步法，閃到三船的身後

「嗯？想夾攻我？」


三船一記運勁，將紗理依打飛


「響力量上，你點都唔會夠我黎架，大小姐...」


「係咩...」

紗理依同時飛出另一手中的鐮勾


「！！」

鐮勾反映住紗理依的幻術之瞳，使三船暫時避其目光


「你以為...我係攻擊你咩？三船」

鐮勾飛向的位置，竟是三船身後的克哉

「咔！！！」

克哉拔出脇差，在砍向三船的同時將鐮勾打回去

三船同時間，面對克哉和鐮勾攻擊


「！！！」

鐮勾和克哉手中脇差的刀身都反映出紗理依的雙瞳

三船下意識避開目光，卻為克哉帶來機會



「刷！！！」

克哉再次砍中三船前臂




「哼，只係區區幻術...」

三船吃下一刀後沒有減速，反而更快來到克哉的身後反擊


「你既空隙太大啦」

位置上，三船在克哉之上，仍未收招的克哉完全冇辦法在這位置以脇差相搏



「無辦法啦...」

克哉竟按下按鈕，以爆炸粉護身！


這次克哉特意增加爆炸粉份量，足以使自己炸飛

「砰呀！！！！！」



「嗚！」

克哉這一擊猶如自殺，連自己也被爆風轟開數米，




而爆炸造成的熱力配上高空的強風，竟使美波腳上的白橡膠吹熔

「老...老師..我..我郁得返啦！」



「山內！小心呀！！！！」

鐵鍊斧從濃煙中飛出，直飛向美波



「噹！！！」

雖然紗理依及時以鐮鈎擋住，但衝力使自己彈開數步



濃煙慢慢散去，在三人面前等待著的，卻是個驚人的事實！



「咩...咩話...？！」

爆炸，根本對三船毫無作用





「呼...雖然你地既配合係唔錯，但對我黎講..」

三船扯起嘴角，撥掉肩上灰塵


「頭先既爆炸..只係好普通既熱風黎咋」

紗理依握緊的鐮鈎，已經滴出手汗

「三船..你...到底...係何方神聖...」



「由我懂事起，我一直都好想令伊賀重新強大起黎，而唔係一直苟且偷生落去」

三船今次沒有作出攻擊，反而傾說起自己的內心世界


「但係，當時作為忍者既我地，根本無辦法同現代既武器相比，令我地無辦法轉型為傭兵」

「所以我瞞住你爸爸，半藏大人，將我地伊賀眾現代化，引入科技同機械，希望可以與時並進」

「不過，你爸爸一知道就反對我地呢個舉動...仲殺左眾內幾個忍者」



「所以..呢個就係你地背叛既理由！？」紗理依激動起來也減不下聲浪


「我無辦法唔咁做，我地伊賀眾接受唔到，自己退出戰爭既舞台」

「為戰爭而生，或者呢個就係我地忍者既宿命啦」




三船指住克哉的外套

「響伊賀眾既果段日子，我翻查幕府時代既經書，終於知道..」

「卷軸收藏既..就係人類突破界限既秘密！」






「果樣野就係『江戶怪物』既...骨灰！」





「『江戶怪物』既....」

「骨...灰...？」

對克哉三人而言，腦海中從未出現過「江戶怪物」四個字，大感驚愕



「十五代將軍德川慶喜時期，江戶出現左一個連環殺人犯，佢雖然有人型既外觀，但雙手生出鋼爪，皮膚異常堅韌，被稱為『江戶怪物』，甚至仲傳出佢有食人既傳說」


「幕府派出當時依然服待德川既伊賀眾，聯合新選組，包圍『江戶怪物』」

「新選組同伊賀眾一方犧牲左三十人、死傷數更近百人...最後都未能將佢生擒，只能將佢當場處決」



「可惜既係，當時既醫學同解剖學未足夠分析佢身體構造，最後只能將佢燒成骨灰，但係...！」


「只要我得到佢既骨灰，以現今既科技，就有可能搵出當中既秘密！！！！」

53.卷軸的真正秘密

52.卷軸的真正秘密

?

53.最後的忍具


「為左你自己既理想，就要破壞我地呢個國家既和平！？」

克哉實在忍不下去，一邊大聲喝道，一邊拔刀殺過去




「噹！！！」

三船輕易以右手中的打刀擋下，再以斧頭還擊



一早預視到三船動作的紗理依放出鐮鈎，成功綁上三船左臂

「勒勒勒勒勒...！！！」



「你呢啲小把戲已經無用啦，大小姐！」

三船只稍微用力，竟能反將紗理依扯住，拉向克哉身處


「無辦法啦..」

此舉逼使紗理依放手，再放出鏡面苦無




「仲用呢啲招數？」

三船先一腳伸開克哉，再放出斧頭打飛所有苦無



「就算我唔望住你，我都可以將你解決！大小姐！」

將頭望向克哉的三船，竟然能同時飛向紗理依處



「死啦！！！」

瞬間收起斧頭收，三船馬上對紗理依揮以重擊



「噹！！！！！」

勉強以雙手苦無硬吃這擊，紗理依完全被壓至動彈不得



「紗理依！」

克哉已經拔刀，衝向解救紗理依


三船雖眼望克哉，卻完全沒有將他放在眼內

竟然繼續以打刀刺向紗理依

「嗚...」

紗理依先鬆手，順勢避過斧頭，再單手卡住打刀


而克哉的脇差已經去到三船的眼前，但三船依舊沒有任何反應



「你今次失去左少少理智喎，甲賀奇俠」

「！！！」


「刷！！！！」

斧頭竟不不知不覺，由地面滑行，刷中克哉的左腳腳側


「啊！！！」

克哉眼見斧頭已來到下腹位，無法再拖下只好收招，在終極近自己的位置擋開斧頭


而三船，亦隨即將紗理依擋開，將打刀指向克哉！

面對這招，手上忍具所剩無幾的克哉，只好放出最後的爆炸粉，試圖拉開距離



「爆炸粉，你以為仲有用咩！！」

三船左手揮動鐵鍊上的斧頭，竟將吹開爆炸粉！！


「咩..咩話！！？」


「砰呀！！！！！！」

爆炸粉吹到克哉處，隨即爆炸！



「老...老師！！！」

手無寸鐵的美波見狀馬上大叫


紗理依當然不讓三船輕易得呈，馬上放出鏡面苦無，再手執鐮鈎追擊

「三船！！！！」


「無用架..」

三船完全閉上眼睛，只靠四官感覺出兩人位置！

紗理依的幻術完全失去效用



「依家你地兩個現身，即使我唔用雙眼，都可以揾到你地位置！」

「嘞！！」

三船放出鐵鍊，剛好綁住紗理依的鐮勾刀身


「弊啦！」


「噹噹噹噹」

即使三船左手上的鐵鍊已經綁上鐮勾，但鐵鍊未端的斧頭依然能受三船操縱，繞到三船面前

斧頭已將所有苦無打飛，直砍去紗理依的頭顱



「你既死期到啦！大小姐！！」


「！」

紗理依來不及防禦這擊，只能眼白自看著斧頭飛向自己雙目前！



「吱！！！」

一記白橡膠，從濃煙中飛出，黏著斧背將攻擊拉開


即使戰衣已被爆炸粉轟至破爛

但克哉依然祭出此招，將紗理依從地獄拉回！

但斧頭揮下速度太快，依舊斬中紗理依的左臂



「五..五十嵐...！！」

紗理依死裏逃生，卻同時因傷失去戰鬥能力


在拉扯白橡膠的同時，三船的打刀已經來到克哉的胸前！


「五...五十嵐！！！」

「老...老師！！！」


「刺！！！！」

即使克哉已經盡全力調整位置，但打刀依然刺中肋骨以下位置

「啊呀！」

三船並沒有停下，反而更繼續向前，試圖將刀插得更深


「踏踏踏踏踏」

克哉為求自救，只好雙手手掌捉緊刀刃，一路退後


「無用架！！」

三船力氣比克哉大，刀刃越插越深


「五十嵐！」

紗理依即使已經因傷倒地，也沒有就手旁觀，馬上投出閃光彈！！！



「吱！！！」

由於閃光彈爆開的位置較遠，三船並沒有將其擋下，任其發出閃光



「老師！！走呀！！！」美波手上已無任何武器，，只能祈求克哉能度過此劫


但三船的五官，又豈會被區區閃光彈影響

無論面對紗理依的幻術之瞳，還是現在的閃光彈，他都可以不靠視覺就得找出對克哉的位置！




「你既死期到啦，甲賀奇俠！！！」

三船收回斧頭，對克哉迎頭一砍



「颯！！！！」




「老師！！！！！」

「吱...」


閃光彈的強光逝去，但等待著三個人的

並不是被斧頭斬斃的克哉




「五...五十嵐...？」


「老...老師呢...！？」


在三船面前

竟空無一人！！！！




「咩..咩話？！」

三船首次露出驚詫的表情



三船望著自己兩手上，刀身染血的打刀

及，沒染血的斧頭


「周圍，有燃燒過既味道！」





「颯！！！！！！！！！」

一道黑影，毫無先兆來到三船的背後！



「響呢度！！」

三船馬上轉身揮刀，試圖一擊必殺！





「噹！！！！！」



擋下三船此刀的，正是手執武士刀的克哉！！！


「老師...！佢無事呀！」


「但係..五十嵐佢...」

紗理依留意到克哉的腹中仍然在出血：「呢種程度既傷，佢咁樣...只係死撐咋喎..」

「佢...突然間快左！」

三船由閃光彈爆發的一刻憶起

「佢唔單止將我既刀拔出，再可以用同我同樣既速度對我施展偷襲」

「佢到底....！」



三船先運勁將克哉打飛，再放出斧頭追殺仍未收招的克哉


「熊！！！！！！」


武士刀竟噴出藍色火炎，將斧頭打飛！




「呼..嗄..嗄...」

克哉勉強站穩腳步，但剛才受傷位置依然流著鮮血

汗流滿面，唇色暗淡，似乎克哉也不能支撐太久


「甲賀奇俠...你究竟！」



「呢副裝甲雖然可以提供到足夠既防護，但同時限制左我既速度」

克哉指住自己已經破爛的戰衣：「只要我既戰衣被破壞，我就可以重獲自己原來既速度...」

「而且，我仲可以將接疊收藏響腰間既呢件忍具拎出黎」


克哉指住手上的武士刀

「就係呢把，經過我改裝既忍刀蒼炎」



「蒼炎..！？」


三船再次細想剛才藍色火炎放出的一剎，終於晃然大悟

「響頭先閃光彈爆發既一刻，佢就係利用，火焰噴射既衝力黎將自己從我既打刀拔出！」



「熊！！！」

蒼色火焰包圍刀身，這次輪到克哉主動進攻

「噹！！！！」

三船依舊只用右邊打刀進行擋格，另一手再預備反擊


「雖然佢既速度係提升唔少，但係..」

三船再度揮身左手，斧頭繞到克哉的後腦！


「你面前既我，根本毫無死角！」



克哉先左移數步，避過狡猾的斧頭攻擊


「熊熊！！！！」

用力一揮，克哉的忍刀噴出大範圍的蒼炎，將斧頭轟飛



「咩話！！！？」




「喝！！！」

失去裝甲的克哉，以比平時更高速的縮地步法在火炎下潛行到三船眼皮下！


「呢度！！！」

三船也馬上使打刀下砍




「刷！！！！！！！」


但這次更快的，竟然是克哉


忍刀帶著燃燒中的灰燼，將三船胸前斬出血花！！！

五十嵐=無恥裝備撚
三船=堂堂正正

早出文原因：一陣要打ff7 remake

好彩你今次個故就完
如果唔係你之後實無時間出文

毫無死角

寫好哂，星期日大結局

五十嵐=廢

幾時會有下一個故

西野七巴幾時可以寫多啲甜

全部一次過死哂 全劇終

未諗，唔知仲寫唔寫

不啦，依家連鹽花都盡量減少