《甲賀奇俠》

669 回覆
41 Like 3 Dislike
2020-02-21 23:16:40
「邊個!」




身穿幪面朱紅戰衣的克哉,顯現在運動服男之前

「呢個人手拎苦無,佢係...忍者?」




「啡紅色既衣裝,我知啦...」

「你...就係甲賀奇俠!今次真係山水有相逢啦,咁都遇到我地既死敵!」



「咩意思?」

克哉眼見運動服男手上的血,不敢放鬆


「我係百鬼眾,遠雷!」

遠雷踏出第一步,持苦無反手對克哉橫砍


「叮!」

克哉硬硬用前臂的籠手擋下攻擊


「百鬼眾...就係果班背叛伊賀既忍者」克哉道


遠雷轉眼間閃到克哉背後,再度發動攻勢

克哉面對遠雷突如其來的攻擊,拔出脇差,俯身擋下此擊



「點解要對呢個人下毒手?」

克哉轉守為攻,不斷以直刺攻向遠雷的下盤


「因為呢個人知道卷軸既下落!」

遠雷繼續退後,從容應付克哉的攻擊
2020-02-21 23:17:46
「噹!噹!」

兩人的兵器互相碰撞,刷出火花


雙方爭持不下,難以於短時間分出勝負

克哉睇準時機,用力向上一揮,將遠雷手上的苦無打飛


「就係...相傳記載當年幕府秘寶地圖既卷軸?!」


「無錯!」

遠雷彈到牆前,拉出腰間的環狀裝置

「只要攞到果筆寶藏...」



「風魔手裏劍!!!」

遠雷按下機關,裝置彈出四塊大刀刃



「去死啦!」

風魔手裏劍飛出,向著克哉的方向不停迴旋
2020-02-21 23:23:32
聽日再續
前期每集字數少左啲,請見諒

BTW有排未到戲肉
2020-02-22 01:29:27
2020-02-22 10:03:29
會唔會短咗少少
2020-02-22 10:37:37
寫果陣本身仲諗緊應唔應該拆多啲集數,所以每集短過之前

但後來覺得都係不了
所以好快會回復返舊時一集既份量
2020-02-22 10:38:19
2020-02-22 10:39:31
仲有一兩集姐
2020-02-22 23:11:18
10.忍者的戰鬥


「伊賀既忍具依家都咁高科技?!」

風魔手裏劍體積巨大,刀風足以將四周傢俬切至粉碎

幸好,身為忍者的克哉反應快,輕鬆避過第一擊


「颯颯颯!!!」

風魔手裏劍環繞一周,將屋內的一切破壞


「第一擊就避到,下一擊又點呀!」


手裏劍再度迴旋至克哉面前,來勢洶洶


「呢把手裏劍唔簡單...可能裝有自動導航」

克哉盤算:「如果佢再攻過黎既話...」


遠雷乘住風魔手裏劍之勢,雙手各持兩把苦無,發動攻勢


「先解決手裏劍!」

克哉揮動脇差,試圖打飛手裏劍


「噹!!!!」

手裏劍衝力超出克哉預期,差點就將克哉手中的脇差震飛
2020-02-22 23:12:12
克哉扎起馬步,握緊脇差,邊退後邊頂住手裏劍

「呢把手裏劍明顯有追蹤能力...只要我一日仲響度,佢就會追住我... 」


但同時,克哉就再無空餘應付遠雷


遠雷一早已經繞到克哉的下方


「吱!吱!」

兩支手裏劍從下應聲飛出


克哉反應夠快,揮頭閃開


「仲未完呀!!!」

遠雷對克哉上揮一刀,成功砍中克哉胸口


眼見克哉中刀,遠雷自然乘勝追擊,仰身攻向克哉的上軸

「死啦!」




「就係依家!」

克哉馬上鬆開脇差,再踏步向後


遠雷,進入了克哉的圈套!



「咩...咩話?!」

遠雷仿佛發覺了克哉的計策

「先特登中一刀,引我進攻,就係為左...」


「冇錯...咁樣你就進入手裏劍既進攻路線啦」

「頭先我一早已經觀察到,你既風魔手裏劍雖然有追蹤能力,但係遇到障礙物既時候就只能夠直衝,繼續根據自己既軌道移動」


「你呢個忍者,太衝動啦」
2020-02-22 23:36:00
「刷刷刷!!!!!」

風魔手裏劍擊中遠雷,血肉橫飛,場面駭人

遠雷即使身為忍者,面對這等忍具的攻擊,依然必死無疑


望住倒在地上,背脊被割到血淋淋的遠雷

克哉總算鬆一口氣


「估唔到今次...竟然要同伊賀百鬼眾為敵...」

克哉忽然醒起,一件更重要的事



「喂...你冇事丫嘛!?」

克哉拍打昏掉的眼鏡男,心中祈求他仍然在生


可惜,眼鏡男流血太多,似乎已經無力回天

「你...係...甲賀奇俠...既話...我...就放心啦」

「..卷......軸響......」


眼鏡男指住走廊盡頭的房間

「紅色書櫃...第三...格...」眼鏡男用盡最後一口氣,說罷就斷氣了


「...」

面對死亡,即使是甲賀奇俠,也不可挽回人命


「今次既事唔可以報警住,以免斷開線索...」

克哉收拾心情,走入眼鏡男所指的房間內
2020-02-22 23:36:10
「咔」

克哉一開門,一陣古舊紙張味就撲鼻而來

房間遍佈塵埃,似乎已經多時未有打掃


克哉走到紅色書櫃前,在外觀察

「只係一個平平無奇既書架,似乎有機關」


克哉將第三格書櫃的書通通取出,直到

「嗞!」


書櫃向右移開,一個寶箱隨即彈出


望住寶箱上的指紋鎖,克哉心裏一酸

「...對唔住都要做一次架啦」


克哉將眼鏡男的屍首拉到寶箱前,用其手指解開寶箱


「呢個...就係卷軸...」
2020-02-23 00:29:56
短到
2020-02-23 00:44:55
好快會長返
2020-02-23 06:26:23
呢個故大約幾長
2020-02-23 10:29:12
樓主不嬲短
2020-02-23 13:35:27
>50集
2020-02-23 20:38:37
下個故有咩打算
2020-02-23 22:08:55
下半年會出,同甲賀奇俠一樣獨立睇完全無問題

女主角人選會有驚喜
2020-02-23 22:53:15
11. 使命


仍在克哉家中的美波坐立不安,在客廳內來回走著

「克哉老師仲未返黎既...會唔會出左意外架...死啦駛唔駛報警呢...」



「颯!」

一陣強風吹入屋內,克哉就神不知鬼不覺現身了


「克...克哉老師!你返黎啦...」


克哉將身上的裝備逐一脫下

「嗯,你仲響度既...」


「緊係啦,我係老師你既助手黎架嘛」

克哉胸口的傷被美波發現:「老師...你流緊血呀!」


此等小傷對克哉實屬小菜一碟

「冇事...比敵人斬傷左姐,傷口唔深,我自己搞得啦」


「少少傷都好大件事架,我幫你包紮丫」

美波淘氣道:「你唔比我幫...我就爆哂你啲野出黎!」


「唉又係咁...好啦...」


看來,以後克哉都只能對美波言聽計從了
2020-02-23 22:54:17
「傷口唔消毒既話會好易感染架...」

美波邊道邊為克哉清洗傷口:「克哉老師,今次既賊人好犀利既咩?」


「暫時...都係唔好講比山內知」

克哉道:「嗯,佢頭先好激烈咁反抗,仲襯我唔為意,斬左一刀,好彩及時避開冇中到要害」


「嘻!係咪呢,帶埋我去咪冇事囉!」

美波伸出小舌頭,笑道:「下次有我幫老師你,一定冇事!」


聽到美波此番話後,克哉完全哭笑不得

「真係唔知你點解咁執著,我都話唔駛報答我架啦...」

「又話要幫我追結城老師...其實真係唔駛啦」



「...」本來笑得甜耶耶的美波忽然沉寂


「呃...我係咪惡得濟呢...」



「因為...」

美波語重心長:「老師你救我果一刻...好似我哥哥」


「你哥哥...?」
2020-02-23 22:55:03
「我細個係個好鐘意喊既女仔,所以班上面總有幾個鐘意蝦蝦霸霸既同學鐘意蝦我」

美波道出自己的過去

「而每一次,都係哥哥幫我出頭」

「哥哥同我唔同,學業、運動都好優秀,爸爸媽媽都好鐘意佢」



「直到一次,岡田將我心愛既玩具熊花子掉出馬路,哥哥為左幫我...佢...」

美波突然說不下去



說到此處,克哉已經猜到

美波的哥哥,已經不在了




「果件事之後,爸爸媽媽就出左國做生意,冇再理我,只7係每個月寄錢返黎...」

「不過都啱既...哥哥...係我害死架...」

雖然事隔多年,但美波講起時依然雙眼濕透


「又...又唔可以咁講既...」

克哉馬上安慰美波:「你哥哥一直都咁保護你,應該真係好錫你」

「作為山內同學你既哥哥,佢係絕對唔會怪你架...件事只係意外,你都唔想架嘛...」

「只要你依家活得好,快樂咁生活,就已經係最對得住你哥哥架嘛...」



提起傷痛,絕對沒可能短時間內平伏心情

克哉任由美波飲泣,讓自己冷靜過來
2020-02-23 22:55:36
「今日打搞哂啦老師!」

低潮過後,美波重拾平日朝氣滿滿的性格:「嘻嘻,聽日我仲會黎揾你架!」


「唉...唔好啦掛」

克哉苦笑

聽過美波的故事後,克哉少不免同情美波


「咁...聽日見啦老師」

「嗯,路上小心」



「唔驚啦!反正有危險既話到時你就會出黎啦,嘻嘻」

「有冇搞錯,當我係保鏢咩...」
2020-02-23 22:57:11
2020-02-24 00:00:59
Pus
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞