《甲賀奇俠》

669 回覆
41 Like 3 Dislike
2020-02-27 23:09:27
身經百戰既千鳥也被這情況嚇倒,馬上退開數米

「咩...咩話!?頭先...係炸彈?唔係...」


「係粉塵爆炸!」


解除危機後,克哉總算鬆一口氣

「用爆炸粉,總比拔刀黎得快...」


而這一切...都只是過了半分鐘
2020-02-27 23:33:14
加油
2020-02-28 01:14:45
我都係用咗半分鐘就睇晒
2020-02-28 08:46:14
有冇咁快

有時每日長度不一,因為方便分集數
2020-02-28 08:46:28
多謝支持
2020-02-28 08:53:21
我up吓啫
其實可能係我太耐無睇live
唔慣每次睇咁少

Push
2020-02-28 09:02:28
一集份量少過以前
但呢個故最後總字數係會多左的,只比石仔既10萬字少
2020-02-28 09:36:46
豬腳貢weak 唔想睇了
2020-02-28 10:55:08
敵人level上升,令五十嵐既戰力暫時睇落廢過牙七
2020-02-28 11:35:33
貢weak典cow女
2020-02-28 23:46:25
唔駛,啲女自動上門
2020-02-28 23:47:12
17.敗者成塵


「點解...頭先會爆炸既?!」

美波心中驚道:「感覺上,就好似果個衰人一埋老師身就發生爆炸咁...」


千鳥靈活地鬆一鬆自己燒傷的手,彷彿不痛不癢一樣

「哼,竟然用爆炸粉黎作防守」


穿上奇俠衣裝的克哉雖無受傷,卻得了面罩一臉灰塵


「呢種爆炸粉體積大,只要比利器切開,就會發出火花,產生爆炸」

「咁樣,佢就冇得用鐮勾啦」


「再黎!」

千鳥再度進攻,操控鐮勾前後夾擊


克哉再度揮動左手,將爆炸粉灑到後方

「轟!」鐮勾首先被爆風炸開


「呢種爆炸粉範圍好大...」

千鳥暗嘆:「咁既話,就冇得令佢分身應付兩邊既攻擊」
2020-02-28 23:47:43
而克哉則襯千鳥不為意時,閃到千鳥的面前!

「咩...咩話!」


「嘭!!!」

出其不意,一記勾拳,從千鳥頭下揮上!


千鳥雙臂交叉,勉強吃下這一擊


「好快!佢...係特登唔用刀!」

千鳥心中盤算:「佢寧願用體術,都唔用刀...就係為左唔想有太多時間同我周旋,以免被鐮勾夾擊」


放棄用刀的克哉以遊擊方式,不斷在千鳥身邊圍繞

面對煩人的野貓攻擊,千鳥根本無暇使出鐮勾


「你以為...我剩係得一招咩!甲賀奇俠?!」

千鳥收起左手的鐮勾,主動對克哉反擊


拔出脇差也需要半秒時間,克哉只好退後

「要儘快拔返刀...但係,必須要解決眼前既威脅先」


克哉再度按下按鈕,對千鳥發射爆炸粉
2020-02-28 23:50:59
「天真!同一招對我係冇用架!」

千鳥放出鐮勾,但...


今次,他並不是要直接攻擊克哉!


「颯颯颯颯颯颯颯颯」

千鳥轉動手中的鐵鏈,使鐮勾猶如扇風機一樣,將爆炸粉吹散!


「佢...竟然將爆炸粉吹開!」


「冇左爆炸粉,我睇你點算!」

鐮勾馬上割中克哉雙臂


「冇辦法啦,睇黎要用埋另一樣武器...」

克哉已經將手放到左臂的黃色小掣上



美波在走廊看住一切,掌心一路出汗

「再係咁既話,克哉老師會輸架...但係...我到底有咩可以幫到手呢?」


美波望住手上的吹箭

「如果我可以用吹箭引開個敵人注意既話,話唔定可以幫老師反敗為勝架....」



「山內美波,你得架...你係甲賀奇俠最好既助手!」

立下決心既美波,舉起吹箭,對準眼前的千鳥
2020-02-28 23:51:32
雖然手仍在震,但美波的心,已經定下


「希望...唔好中到老師啦!」


「發射!」

刷!!!!!!!


美波一呼氣,吹箭應聲從箭筒飛出

直飛向兩人


「老師!小心!」


克哉和千鳥同時聽到美波的叫喊


當然,克哉會是反應較快的一個!


「山內佢,放左吹箭!」

克哉馬上兩腿使力退後


在忍者戰鬥的世界中,一般事物的移動都變得緩慢


但,克哉的吹箭正以時速50公里飛向兩人,加上千鳥正顧着戰鬥,根本無暇理會這支接近無聲無色的吹箭


「刺!!!」

吹箭成功刺中正集中精神進攻克哉,意外進入射程範圍的千鳥的右臂!


「咩,咩話!」

剛才的千鳥,之所以能輕易避過吹箭,皆因當時正處於探索敵人的狀態,所有的集中力都放到周遭的物體


但此時的他,卻殺紅了眼,放棄了對四周的警戒性!
2020-02-28 23:52:15
吹箭的毒力馬上發揮效用,使千鳥的手動彈不得!

甚至連鐮鈎也無力取着而鬆手


「呢隻毒...好勁,依家全身都出唔到力!」

手軟乏力的千鳥望住眼前的甲賀奇俠,自知敗勢已定

「可惡,估唔到甲賀奇俠竟然有兩個!」


「一定要將呢個消息...通知比三太夫大人知...」



「雖然唔想殺人,但如果對方係百鬼眾既話...」

本應在退後的克哉擺起脇差,轉身借力衝向千鳥:「我就不得不留手啦」


「刷!!!!」

一記突刺,克哉將脇差刺進千鳥心臟!


即使是個忍者,要害被擊中時依然難忍痛楚

「啊呀呀呀!!!!」



但在死亡前,千鳥...還有一個更重要的任務!



「吱吱!!!!」



「咔嘭!」

「咔嘭!」

千鳥用盡死前的最後一口氣,無故地飛出兩發苦無,將兩塊窗口打破
2020-02-28 23:52:49
「?!」

即使成功給予對方致命一擊,但克哉卻對這等行徑大感困惑

「佢...到底做緊咩...?」


美波眼見情況暫時安全,便從暗角走出來,跑到克哉身旁

「老...老師!」


面對地面上一灘灘的鮮血,美波卻出奇地,未有驚惶失措




克哉將脇差從千鳥的心房拔出

「山內同學...頭先既吹箭,係你放架?」


美波輕輕的點頭,道

「...嗯,因為...雖然你地既動作都好快,但隱約都見到克哉老師好似有危險咁...」


「...唔該哂你,山內同學」

克哉一撥,將脇差上的鮮血甩開,再收入刀鞘

「...我覺得對方既其他忍者...已經發現左你既存在」


「...吓?點...點解既老師?!」


克哉對美波指住被苦無打碎的玻璃

「佢響臨死前響呢個方向放左兩發苦無,即係話,佢有可能想將『敵人有兩個』呢個訊息通知佢響課堂既同黨...」


克哉越講,美波越急

「咁...咁咪好大件事?!」


「所以我地動作要快」

克哉示意美波跟上


「嗯!」





「奇怪...正常人第一次面對咁多血,應該好驚先係...但山內同學佢...」
2020-02-29 08:15:45
「奇怪...正常人第一次面對咁多血,應該好驚先係...但山內同學佢...」

伏筆?
2020-03-01 00:10:23
18.負責任的老師


二分鐘前


禮堂內,三太夫和兩名手下不停在師生中穿插

「有冇老師,同學,知道甲賀奇俠響邊呀?」


「講左既話,我唔單止唔傷害你地,我仲會即刻放左你地,夠好人啦掛?」


三太夫的每一步,都仿佛為師生們的生命倒數


「知唔知呀!甲賀奇俠響邊!!」

漸漸失去耐性的文太隨意捉起一男學生問


男生被這樣一嚇,褲子也濕了

「我...唔...唔...」


「冇講大話」

比較平靜的團藏拎住一把電筒狀物體置到男生胸口前,道


「係咪架團藏?!你部測謊機真係無問題?」文太對老弟團藏的科技發明半信半疑


團藏只托一托眼鏡,道

「100%無問題」


「放心,我信得過團藏既發明,但係...」

三太夫掃住自己的鬚子:「依家已經過左一分鐘,仲係未有人出黎講出甲賀奇俠既事,睇黎大家好有機會...真係唔知道甲賀奇俠既下落」
2020-03-01 00:10:57
「唔...唔通佢諗住放人?太好啦」眾師生都似乎頓時感到希望的存在


「係喎,千鳥呢?」

「!」

團藏一句,觸動了三太夫的神經


「佢去左幾耐?」

「兩分鐘」


三太夫臉色一轉

「千鳥...有機會已經遇到甲賀奇俠啦,團藏,放忍犬出去」


「係」

團藏拎出機械忍犬


「幫我追蹤千鳥」

「吱!」

機械忍犬收到指令,馬上消失,並跟蹤千鳥的去處



「颯颯!」

一瞬間,兩把苦無從禮堂右邊的窗外飛過


「果兩支苦無...唔通係千鳥既?!」

文太叫道:「咁佢...依家咪同甲賀奇俠戰鬥緊?!」

一般人或者連有物體飛過也未能察覺,但對忍者而言,兩把苦無就如路邊行過的小狗般緩慢



「三...三太夫大人...」

團藏口有點震,叫道


團藏將忍犬錄到既畫面展示予三太夫
2020-03-01 00:11:41
滿身血紅的千鳥,倒泊在走廊上


「忍犬感應唔到...千鳥仲有生命跡象...」

「佢已經死左」


「即係話...甲賀奇俠已經出現左啦!!!」

文太氣得谷出青筋,緊握雙手


忍犬啟動身上的三維掃瞄,繼續調查千鳥身上的線索


「千鳥身上有一處位置心房既致命傷,而且仲有一處被針刺中既傷口」

團藏解說:「果支針似乎有毒素...」



「千鳥斷左氣幾耐?」


「根本氧氣含量,大約三十秒」


「三十秒前,同兩發苦無發出既時間一樣」

三太夫將一切加起來計算:「即係話,呢個好有可能係千鳥臨死前發出既信息」

「兩把苦無...千鳥要發出既信息,最有可能係...」



「敵人,有兩個」

「即係...有...有兩個甲賀奇俠?」文太問


「未必,有可能只係同黨,不過...佢地非常有可能,已經好接近禮堂」

「咁樣,我唯有用更激烈既方法逼佢出現」
2020-03-01 00:12:44
三太夫停下腳步,望住日奈

此下眼神接觸,使日奈馬上退開

「呵呵...你唔好彩囉」


說罷,三太夫就捉住日奈的左手,將她拖到禮堂的中心

「放,放開我呀!!!」


三太夫拎起揚聲器

「甲賀奇俠!一分鐘內唔出現,我就殺左呢條女!」


「救...救命呀!!啊呀!」

可憐的日奈不斷掙扎,但徒勞無功:「唔...唔好呀!!!」


面對死亡,日奈當然怕得要緊

但其他師生的內心也早已被恐懼侵蝕,無人斗膽嘗試拯救日奈


「嗚嗚...救...救...」

日奈早已哭得聲淚俱下


「咁可愛既女仔,你唔會任由佢比我地折磨掛,甲賀奇俠!!」

三太夫繼續使用激將法,令甲賀奇俠自動現身

而文太和團藏,則到四周的窗口巡視


「希望...甲賀奇俠會出黎啦...嘿嘿」

三太夫將苦無架至日奈項上


「嗚呀呀呀...嗄...嗄...救...命呀...救...」
2020-03-01 00:13:29
「等陣」

此時,一人正從人群之中站起

「我...代...代」

「我代替佢」

她,正是日奈的班主任由紀


「你...?」

三太夫注視住由紀,就連自己也有點驚奇


「你要逼果個甲賀奇俠出黎丫嘛,我代替和生同學,做你既人質」


「嗚...老...結城..嗚.老師...嗚」

日奈眼見由紀營救自己,依然哭住


「既然老師你咁愛護你既學生..」

三太夫笑了一笑,道

「好啦,你就代替佢做人質啦」


說罷,三太夫就一掌將日奈推至由紀處


日奈得救後,馬上攬住由紀

「老師.嗚嗚嗚...結城老師...」


「冇事架啦和生同學...」

由紀安慰好日奈後,就將日奈交托到身後的老師們


「咔!」

三太夫已經將手槍架至由紀太陽穴前

「老師,雖然有少少唔忍心殺左你呢個靚女,但係我總無可能反口架嘛,係咪?」

「仲有20秒」


「......」

由紀雖然裝作鎮定,但內心卻非常恐懼

「救...救...點解我會咁衝動架...依家...我就快冇命啦...救...救我呀...甲...甲甲...賀奇俠」

「十,九,八,七,六...」
2020-03-01 00:13:57
「刷!」

突然,整個禮堂的燈光一下子全數熄滅


「呀!!!」

本來已經處於驚恐狀態的師生被這樣一嚇,更為懼怕



「登!!!!」

一瞬間,刺眼的強光從禮堂中央發出


在場的師生、以及百鬼眾的三人都始料不及,掩住雙眼!

「嘿,果然出現左!甲賀奇俠!!」

三太夫扣下板機,準備對準由紀開火:「你想救人質丫嘛!我偏要殺左呢個女人!」


「砰!!!!」


「呀────!!!!!」

雙眼看不到,配上突如其來的槍擊聲,自然令師生更加恐懼,紛紛尖叫



「登!!!」

閃光徐徐消失,但世界早已不同


「咩...咩話!」

本應在自己前面的由紀,消失了!

剩下的只有留在地面上的子彈孔
2020-03-01 00:14:19
「三...三太夫大人...」

三太夫轉頭一望

自己信任的部下,文太左胸竟被刺穿,留下一個小洞!


「呀!!」

血淋淋的畫面,的確令師生們感嘔心

但受驚過度的他們已經見過最恐佈的東西了,所以也沒像剛才般尖叫哀號


「文太...!」

三太夫已經沒有時間為文太流淚了,因為

「甲賀...奇俠!!!!!」



克哉一手持染紅脇差,另一手抱住仍對現況一頭霧水的由紀,站在禮堂的講台上


鬼門關前逃過一劫的由紀或者也無法相信







甲賀奇俠,真有其人
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞