［真人真事改篇］《有一種距離，是HKU和IVE仔的距離。》/《初戀2000天》

多謝你咁緊貼我個故快D做功課啦

依個我都好想知。一個願意同你坦白所有黑歷史，就係為咗安慰你，然後都為咗個初戀幾年都唔敢再拍拖，咁之後當然地仲會有D對Jessie好嘅發展，咁你會唔會肯同佢一齊？

但佢一開頭都唔知Jessie嘅故事，都想約佢，可能佢都有D鍾意Jessie？

樓主係jessie？

同埋咁樣反而令防備心重嘅Jessie放下戒心，肯同Raymond講多D野，因為佢唔會覺得Raymond係追自己，而係覺得佢對自己嘅好都係為咗贖罪

歡迎自行尋找線索及答案

巴定絲呀

如果係我嘅話我肯 始終佢hurt嘅唔係自己冇咁抵觸 如果係james同raymond之間揀就一定raymond先 而且佢後悔過一次所以應該唔會有第二次 話說呢個問題唔會係樓主你面對緊瓜

咁樣好咩 同鐘意嘅女仔講自己對你好係為左贖罪？咁樣就算之後close左個女仔都會有芥蒂 raymond有冇咁蠢呀

Hmmm 你咁樣問, 唔通Jessie用咗Raymond做短暫rebound?
就算係都唔奇, 一個想人氹, 一個要”贖罪”, 遲早發生關係

但係我唔覺得呢段關係會持續, 正如之前有人講咗, 兩個人中間都有一條刺

講多少少啦
我喺大學所識嘅couple, 10對得兩對係大學之後繼續 （其中一對係喺中學識嘅 依家結埋婚 but they are definitely exception to the rule)。始終大學同現實生活又差好遠...so I didn’t think they would last.

小弟已經結婚10年, 係大學之後先識佢. 我太太以前好多人追...
但係我從來冇問過佢嘅初戀。因為正如你話齋，咁刻骨銘心嘅嘢 冇原因就唔好特登挑起條刺

況且愛一個人，係睇佢哋全部，包括歷史。有啲嘢，冇需要知 就唔好問

所以我覺得Jessie最終嘅男朋友 唔會太過concern about her past... 可能會問但係未必會深入問

咁佢又真係唔似係咁蠢嘅人

Um... 唔好低估男仔傻吓傻吓嘅程度 😆

男人未必會問，但女人一定會忍唔住問個男人
好想覆你多D但一講就劇透，就算了

好想覆你多D但一講就劇透，就算了

Damn!

點解咁似十年前嘅我
一樣嘅故事，一樣嘅結局

愛自己多啲嘅人真係唔值得被愛

你係故事入面嘅邊個

依章有D狗血迂迴，希望我可以盡快更完依章落下章。
https://www.youtube.com/watch?v=pB8nwmbPfo4
-------------------
第十一章（1）

「這一雙手卑鄙到 可將你放於舌上純熟地讚美
當天一光 終於要抉擇便放棄」
〈龍舌蘭〉

吃過聰嫂後，James便把Jessie送了回宿舍，沿途James不斷開新話題，又說了些冷笑話，可Jessie都不沒甚麼反應，冷淡得很。當James想親Jessie時，Jessie更避開了他。

Jessie很少會這樣決絕，James意識到Jessie有多在意Kay的存在，所以當他送Jessie回到宿舍後，他馬上掏出手機，開始苦思該如果向Kay開口。

自Lemon和K哥罵過James後，他其實有好幾次都想過要遠離Kay，但每當看到Kay可憐的一面，他總是不忍心。

「叮！」又是Kay傳來的訊息。

James咬了咬嘴唇，猶䂊地打開訊息，上面寫著：「你估如果我擺依張相上去，佢會唔會有反應呀拿？」

相中的Kay只穿了一件淺藍色的比堅尼泳衣，與她粉紅色的頭髮形成強烈對比，相中的她雖然沒有能夾死人的乳溝，但有23吋小蠻腰，還有一雙又白又幼的美腿。

「佢唔會，但我會。」James輸入了，又刪了，然後又輸入，又刪掉⋯⋯
James用手掌掩住臉，苦惱得不行。

「我唔鍾意成日係你電話見到佢個名。」想起Jessie那張黯然神傷的臉。

James還是選擇了攤牌。

「你唔好再咁蹧質自己啦，佢唔會有感覺架，佢已經有第二個。」James傳送了這句後，繼續打：「你以後好好對自己，唔好再諗佢啦，你會遇到下個更好嘅人，只係⋯⋯我唔係嗰個人。以後除咗做Project，都唔好再搵我啦，我地咁樣始終唔係咁好，希望你下一個會係一個好男人。」James極速地輸入這段文字，然後按下傳送鍵，馬上封鎖Kay這聯絡人，不給自己心軟的機會。

對唔住，求下你，唔好再搵我啦⋯⋯James心想。

HKU 女仔

James block完kay之後jessie先打黎攤牌

兩條女會唔會最後都唔要james呢

依個劇情 之後感覺會好令人心痛

哇，握手

現實就係咁殘忍，咩我愛你都係假嘅