「係吖...就係仲有咁大段距離先到西貢,我嗰次先咁唔小心揸到去佢哋面前...仲要俾佢哋用槍隊住嚟問做乜揸車入嚟!入嚟做乜!呢區早就封咗!點會揸車過到嚟呢邊!」日倫一邊大大聲講,隻Drone仲係停留喺嗰兩個解放軍士兵頭上!
『咁...咁你點答吖?』講到好似審犯咁喎...
「冇吖...我淨係話知道西貢封咗...但就唔知喺咁前嘅位置就已經係禁區...啲路牌爛晒咁...車上嘅導航又壞嘅...都唔知自己揸咗去邊...想揸前啲搵路調頭,就揸咗嚟禁區前喇...總之就係扮晒傻咁囉...」日倫一邊大大聲講,隻Drone就開始向前飛。
『哦...』扮傻都過到骨吖?咁啲解放軍都...幾蠢㗎喎...