《香港傭兵》(39)

1001 回覆

12 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-01-20 18:50:50

你要學就好快上手㗎啦

飛揚 2020-01-20 18:51:15

返幾日學

飛揚 2020-01-20 19:00:17

上回講到綽姿突然打嚟話等埋佢先行動。
綽姿都要一齊行動？咁突然嘅？
收咗線之後，飛揚連返自己嘅行蹤俾綽姿...日倫都Send埋今次嘅Planning俾綽姿。
上到車伏低，等隊巨型貨車車隊駛遠先起行。
無謂俾人起疑心吖嘛～
日倫手車真係好定～飛揚都冇咁唔舒服～
“吱...依...”唔使幾耐就駛到去將軍澳，泊喺路邊。
「等我買啲嘢食返嚟～」日倫就解開安全帶。
『哦...好...』望住日倫落車，行去街邊間七仔...飛揚都落車...抖抖氣...
冇再咁唔舒服～條氣順返晒～
挨喺車身等咗一陣，日倫就由七仔行返出嚟，拋咗盒...芝腿治同維他奶俾飛揚：「食啲嘢先啦～」
『哦哦...唔該喎～』真係好～又有免費餐食～
跟住日倫真係唔似得綽姿咁，乜都講錢！斤斤計較！
唉不過算啦～綽姿都有優點嘅～（最大優點就係一個冷艷嘅小妹妹～）
綽姿幾時先到㗎？
跟住既劇情發展又會係點呢？

準備出文

飛揚 2020-01-20 19:00:57

同日倫挨住喺車旁，邊食芝腿治邊等。

又飲住包奶觀察四周。

唔算話有好多人...應該仲要都係住呢邊嘅街坊...

我諗...應該唔會影響到我哋嘅行動...

會影響到我哋嘅...就只有我哋嘅行者同逆行者...

仲係唔理解點解西貢遺址會變成禁查區...而且將佢列為禁區嘅係解放軍...

由解放軍駐守...裡面又要有SPIRIT嘅物質...

真係諗唔通...

飛揚 2020-01-20 19:01:52

而逆行者又會唔會對而家嘅西貢遺址有興趣？

點會冇...裡面咁神秘...又要關我哋同解放軍事...

問題係佢哋有冇出過手？

如果冇...又點解唔出手？會等到幾時先出手？

好多諗唔通嘅問題...但係我會覺得...好快就得到答案...

我總係有一種好強嘅預感...只要入到去西貢遺址...就會知道真相...

飛揚 2020-01-20 19:02:51

食完個芝腿治，飲埋包奶，再等多一陣...一陣..又一陣...

差唔多等咗一個鐘，就喺遠處見到有個嬌小嘅身影...喺街燈照射之中...行緊過嚟...

越行越近...越行越近...呢個著住黑色毛毛大褸...雙手插住褸袋嘅嬌小身影...

『綽姿～嚟喇？』終於都嚟到喇...等咗好鬼耐喇...

「嗯...」綽姿點點頭，再望住日倫。

日倫向綽姿揮揮手：「睇咗我Send俾你啲資料喇呵？」

「嗯...」綽姿又點點頭，「好清楚...好詳細...好專業添。」

日倫帶住微笑摸摸頭：「嘩...多謝喎～」

飛揚 2020-01-20 19:03:48

係咩係咩？好清楚好詳細好專業咩？

我都冇睇過喎...我淨係跟實佢哋就得啦～

日倫再打量住綽姿：「你冇嘢要問咩？」

綽姿行近後座車門：「冇。」

日倫仲係打量住綽姿：「我哋要入去西貢遺址㗎喎...啲資料同計劃都冇提及過入面...你真係冇嘢問？」

綽姿打開車門，諗咗一諗：「我知。我信得過你。」

連綽姿都話信得過日倫！

啱吖啱吖！日倫真係好信得過㗎！跟住佢就包冇死㗎喇！

飛揚 2020-01-20 19:04:54

我哋三個都上晒車，扣好安全帶...

“吱！吱～”日倫就駕駛住黑色私家車，再次向住西貢方向進發。

喺一盞盞街燈照射之下，路面上嘅車輛本來就少...仲越嚟越少...少到就只係得返我哋...

偷偷望一望倒後鏡...坐喺後面嘅綽姿...望住車窗外嘅夜景...

『呃...係呢綽姿...點解你會...突然想同我哋一齊查嘅？』其實我想問㗎喇...

明明綽姿今朝都唔贊成我同日倫走過嚟查...而家突然仲話要同我哋一齊入去...

綽姿仲係留意住車外嘅夜景：「擔心你。」

吓？擔心我？

我有冇聽錯？竟然係...因為我？！

飛揚 2020-01-20 19:05:50

『哦...哦...』我完全唔知應該點答落去...

好亂吖...我個腦同個心都好亂吖...

唔係唔係...其實又唔使咁亂嘅...

呢段期間，其實綽姿保護咗我好多次...

我係知嘅！唔係多得綽姿保護，我一早就收咗皮！

因為我始終都係綽姿嘅隨行者吖嘛～我明嘅～我明嘅～

所以一直都話其實跟綽姿都唔錯吖～

其實綽姿...都只係外表冰冷姐...內心仲係好溫暖嘅...

飛揚 2020-01-20 19:07:02

“吱～”當我哋越接近西貢...我又開始...開始有啲...唔舒服...

仲要越嚟越唔舒服...

又開始有啲頭暈...又有少少呼吸困難...又好似有啲壓力...壓住心口咁...

搞咩吖又...明明都已經抖咗好耐...仲食咗個芝腿治...又飲咗包奶...點解都仲係會暈車浪㗎？！

我都係盡量放鬆...放鬆...

『嗯...呼～嗯...呼～』深呼吸...深呼吸...

飛揚 2020-01-20 19:07:56

日倫望我一眼：「做咩吖？又唔舒服？」

『嗯...係囉係囉...唔知做乜又有啲唔舒服咁...』又俾日倫察覺到添...

日倫篤幾篤塊LCD控制板：「可能係送風系統壞壞地...不過又唔方便開窗...忍耐多一陣啦～」

『哦...好好...』原來係送風系統壞壞地...唔怪之得啦...

不過點解話唔方便開窗呢？

都係唔好理咁多喇～日倫話係就係啦～

飛揚 2020-01-20 19:08:48

“吱！吱～”喺冇其他車輛嘅馬路上，日倫就開得快啲！

或者係因為唔想要我忍咁耐掛～想快啲到目的地俾我落車呼吸新鮮空氣掛～

總之就開得比頭先快～高速咁行駛咗一大段路後...

“吱...”然後日倫就開始減速...慢慢咁將架車駛埋路邊...駛上一塊細小爛地上...停低。

日倫停車熄燈熄埋匙後：「耷低。」

今次我醒喇！立即耷到勁低！

飛揚 2020-01-20 19:09:30

過咗一陣...

“吱！”我聽到後方...遠處有車聲！

唔使幾耐...

“飃！飃！飃！”明顯有幾架巨型貨車擦身而過！

又係解放軍嘅銀色巨型貨車！

鬼咁嘈又地下都震埋！

“飃！飃～飃～飃...”等到啲巨型貨車駛過晒...駛到遠一遠...

我哋就坐返起身...

飛揚 2020-01-20 19:10:29

望住前面隊銀色巨型貨車車隊越駛越遠...遠到連車尾都見唔到之後...

綽姿除低件黑色毛毛大褸，手中拎住支精神液：「真係頻密。」

「嗯...」日倫都除低件黑色大褸，手中拎住支精神液，「越夜會越頻密。」

要...要除褸同拎支精神液出嚟？

我都不敢怠慢！立即除低件黑色大褸！拎返支精神液出嚟！

我哋三個同時落車！行去車頭！

日倫拎住支精神液，望住前方...陰暗嘅馬路上：「準備好？」

綽姿都拎住支精神液，點點頭：「嗯。」

『嗯...』準備好...要...要行動喇！

飛揚 2020-01-20 19:11:51

今晚出完