《香港傭兵》(39)

上回講到飛揚繼續拖住阿月隻手仔行。
然後就行到嚟井財街。
而家嘅井財街冇晒道友...四周嘅人都係好正常。
飛揚同阿月講返廿年後嘅香港，興食一種名為聖水嘅毒品。
然後就行到嚟“洗衣舖”。
而家嘅洗衣舖仲未係洗衣舖。
阿月一邊聽～一邊又八八卦卦好好奇咁～
然後就拖住飛揚行到去甜品店拎飛～
又係六十六喎～阿月同個六字真係好有緣～
間甜品店幾時都係咁多人～飛揚就唔係好習慣人多嘅地方...
飛揚仲留意到唔少仔仔𥄫阿月添！
「哎吖吖...講到自己嘅摩擦力好強咁喎！」阿月又谷起塊面豬登！
『好明顯啦...』除咗話感覺到身邊四周嘅街外人...飛揚仲感覺到...氣溫...
「收...皮...啦...陳...飛...揚...」
好熱...好鬼熱...
『真係熱到出晒水...』啱吖啱吖...差啲都唔記得...而家正值炎夏...就算係夜晚都鬼死咁熱...
再加上...喺廿年後嘅冬天生活咗兩個幾禮拜...凍得太耐...一時之間唔多習慣...
「係咩係咩？我又唔覺得真係好熱咋喎～」阿月彈兩彈～跳兩跳～
『你就梗係唔覺啦～又Tee又熱褲咁～』飛揚打量住阿月...都真係好耐冇見過...冇望過...更冇拖過...冇觸碰過...
「許～你夠喺巴士上面歎咗成程冷氣咯～」
『嘩...咁計㗎咩？你夠喺屋企歎咗成日冷氣啦～』
「嘩...喺屋企唔歎冷氣唔通歎風扇吖？幾時做咗環保撚㗎？」
跟住既劇情發展又會係點呢？



準備出文