《香港傭兵》(39)

1001 回覆
12 Like 0 Dislike
2020-01-23 15:46:46
中環又有一單
2020-01-23 15:50:09
屯門都有
尋日先去過屯門醫院咋屌
2020-01-23 19:00:08

上回講到兩個老解士兵差唔多行到去廢棄坦克...
就喺飛揚打算出手殺兩個老解士兵之時...
“喵!”一隻黑貓及時跳出!解救咗飛揚!
兩個老解士兵以為只係一隻黑貓,就冇再理,行咗去。
飛揚見兩個老解士兵行遠,就跳返上街燈,同綽姿匯合。
綽姿仲叫飛揚小心啲~
好啦好啦...
繼續跟住日倫喺街燈上潛入...
一切都好順利...好順利嚟到西貢遺址。
飛揚發現好多帳篷圍住空地...又見到好多老解士兵同著晒保護衣嘅研究人員出出入入。
日倫發現有精神能量圍住空地...
就喺呢個時候,綽姿突然大開殺戒。
日倫去阻止!而飛揚就走入...光學迷彩...發現有個差唔多成個西貢咁大嘅黑球喺裡面!
就喺呢個時候...飛揚頭痛...又好似聽到...聽到啲聲...聽到有人嗌佢...
然後...整個空間…被深淵一樣黑嘅黑洞吞噬…
當飛揚有返意識,阿月就喺飛揚面前出現!
終於見返阿月喇!
阿月話飛揚瞓到傻咗~
飛揚先發現自己仲喺巴士上...
阿月拖住飛揚落巴士...行出巴士站...
飛揚行多兩步...望清楚...夜幕之下...
“吼!”馬路上仲有車駛過...
街燈仲係著...
對面馬路嘅贖世主堂都冇爛...冇被破壞...
就連背後嘅Vcity都係完整無缺...
一切都正常...好正常...
飛揚腳步浮浮...行前多兩步...
返嚟喇...返喇嚟...
飛揚雙腳一軟...跪喺地上:『我返嚟喇...我終於都...返咗嚟喇!』
跟住既劇情發展又會係點呢?




準備出文

2020-01-23 19:01:06
[Day 20-遺址禁區] PART 11

夜空明月下...我跪喺地上...

睇住交通燈閃著閃著...由綠轉上紅...

“吼!吼~吼~”望住一架架私家車...七人車...綠的喺面前駛過...

我終於都返到嚟...

「喂!你做咩吖?瞓到發軟蹄吖?」阿月拉住我手臂,嘗試拉我起身。

我立即捉實阿月隻手仔!拉埋身邊攬到實一實:『我返到嚟喇!我終於都返到嚟喇!我真係好掛住你呀!』
2020-01-23 19:02:05
我攬到阿月實一實!好實好實!

好真實!可以再攬實阿月!我最深愛嘅阿月!

「喂...喂...你係唔係返工返到傻咗吖?由荃灣返嚟屯門都係半個鐘左右姐...又使唔使咁掛住我吖?」阿月俾我攬到坐咗喺我大髀上。

『唔係吖...唔係吖...我...穿越咗時空...去咗廿年後嘅香港呀!』而且仲...而且仲...

「吓?你穿越咗時空?」阿月一頭問號咁打量住我。

『係吖...係吖...仲要喺嗰度...生活咗兩個幾禮拜!』兩個幾禮拜...地獄嘅生活...
2020-01-23 19:02:53
「吓?你係唔係攰到傻咗吖?」阿月一面疑惑咁打量住我,「我同你收咗線之後...都係差唔多過咗十分鐘咋嘛~」

『唔係吖...真係㗎...我同你收咗線之後...就穿越咗時空...去咗廿年後嘅香港...』我扶起阿月...喺行人路上行...

阿月一直都拖住我...打量住我...

『廿年後嘅香港...好恐怖...』一邊行...一邊望望四周...望望頭上條天橋...

「恐怖?」阿月仲係一面疑惑咁...

『廿年後嘅香港...屯門被西貢獻命控制...』繼續向前行...行到去紅公仔前...

「西貢獻命?!」阿月拉停我!
2020-01-23 19:03:53
『嗯...』我企喺紅公仔前點點頭,『係革命軍...唔係唔係...表面係革命軍...背後係受國安局操控...係支共嘅走狗!』

「花哈哈哈~」阿月大笑起嚟,「你係唔係反共反到上晒腦吖?」

『係真㗎!係真㗎!』我捉實阿月對膊頭!『我唔係講笑㗎!佢哋人渣嚟㗎!專捉細路女㗎!!!』

阿月忍住笑咁望實我...

『我唔知佢哋要捉啲細路女做乜...不過呢啲都唔重要...最重要係...呢個世界...有個地下組織叫做...SPIRIT...』綠公仔一轉,我拖住阿月隻手仔...橫過馬路。

「SPIRIT?!」阿月又一頭問號咁咬咬唇。
2020-01-23 19:05:04
『係吖...係傭兵...係用好高嘅科技...精神能量...精神化...精神刀...好似激光劍咁...紅色嘅激光劍...』

「嘩!咁咪好型囉!嗡!嗡!」阿月手舞足蹈咁扮晒雙手持刀揮動。

『唔型...一啲都唔型...我做咗成兩個幾禮拜...只係覺得好危險...隨時連命都冇!』你差啲就守寡喇...

「你呀?你都做到傭兵呀?花哈哈哈~」阿月又大笑起上嚟~

『係㗎...我都唔知點解會做咗傭兵...跟住個𡃁妹仔...』我自己都覺得自己冇可能做到傭兵...

「𡃁妹仔?」阿月打量住我...

『係吖...跟住一個叫梁綽姿嘅𡃁妹仔...做佢嘅隨行者喎...』諗起都覺得痴線...
2020-01-23 19:06:02
「叫梁綽姿吖?幾多歲吖?」阿月古古惑惑咁嘅口吻...

『十五喎...』點解好似...講錯嘢咁...

「哦~十五歲嘅𡃁妹仔~你最鍾意嗰種未成年𡃁妹仔吖~啱晒你口味啦~」阿月對住我莞爾一笑~

『嗯?』我諗一諗...立即耍手兼擰頭!『唔係吖唔係吖!佢份人冷血㗎!仲成日點我去做呢樣!做嗰樣!唔危險嘅都唔點我去做㗎!』

仆街喇...唔覺意自爆咗綽姿出嚟添!
2020-01-23 19:06:59
「係咩係咩?唔係好開心先係咩?」阿月仲係古古惑惑咁打量住我~

『唔係吖唔係吖!同佢一齊生活呢廿日真係好唔開心㗎!』點解好似越講越錯咁嘅?

「哦~仲要一齊生活咗廿~~~日添~爽死你啦~」阿月流晒口水咁嘅樣~

『唔係吖唔係吖!真係好危險㗎!有班叫逆行者嘅敵人!真係好危險㗎!』都係轉移話題!

「逆行者?」阿月又真係好似好有興趣咁!

『係吖!逆行者係SPIRIT嘅叛徒!佢哋都好似我哋咁!分別係我哋用紅色嘅能源!佢哋就用綠色!』我繼續講有關逆行者嘅事!
2020-01-23 19:08:09
「亦係點?」阿月又一頭問號咁...

『亦係佢哋嘅能源勁我哋好多!我哋唔夠佢哋打!遇到佢哋九死一生㗎!而佢哋係幫革命軍嘅!我哋SPIRIT就做開政府生意嘅!』雖然我都知自己講到1999咁...之但係我都唔知點講!

「咁你做乜唔過檔姐?你都反開政府㗎啦~你不嬲都主張革命㗎啦~」阿月又古古惑惑咁打量住我~

『唔係咁易㗎...我哋呢啲隨行者...係要聽從執行者...即係綽姿話㗎...佢Say No...你一定要跟住Say No...』有得過檔我就一早過咗啦...

「哦~啱吖啱吖~你對啲𡃁妹仔不嬲都係零抵抗㗎啦~」阿月又對我莞爾一笑~

『唔係吖唔係吖...』
2020-01-23 19:09:21
「仲話唔係?快啲去溝人啦~吖唔係~快啲去俾人溝啦~」

『都話唔係咯...我同佢冇嘢㗎...我嘅身份係佢哥哥...』

「哦~仲要係哥哥添吖?啱晒你啦~你呢個妹控~唔係一直都好想有個妹妹俾你搞㗎咩?」

『搞乜吖?係愛錫吖!你個腦真係...』

「愛~~~錫~~~吖嘛~」

好彩冇講到羅羅出嚟姐...如果俾阿月知道我同過羅羅瞓喺床...同羅羅玩過換衫...同羅羅行過街...拍過拖...實死得比做行者仲快!
2020-01-23 19:09:55



今晚出完



三句預告

沿住馬路旁邊行咗一大段路...再橫過馬路...行到過嚟M記...都仲係有咁多MK仔女企喺門口煲緊煙...

總算喺屯門見返啲正常人...見返一班不知天高地厚嘅死𡃁仔...死𡃁妹...

萬一俾西貢獻命見到好似佢哋而家咁...扯住飛煙眼超超...一定打到佢哋仆晒街!
2020-01-23 19:20:15
2020-01-23 19:26:03
會唔會係飛揚講完就影響到之後變成咁
2020-01-23 19:42:06
記得戴口罩
2020-01-23 19:42:24
好緊張吖好緊張吖
2020-01-23 23:09:49
啲廢老仲話
只有中國同共慘黨先有有能力封城
如果美國做一早俾人屌

戇鳩 人哋美國人明知自己中招唔會周圍走
明明就係支那人自私自利 冇諗後果
為咗去玩竟然扮冇病
2020-01-24 01:03:58
仲有明知會封城所以要逃走
2020-01-24 07:24:14
2020-01-24 08:45:09

中共倒 香港好
2020-01-24 11:22:04

2020-01-24 12:36:25
妹妹仔早
2020-01-24 12:37:40
高才鳩早
狂賀
2020-01-24 12:38:04
金令早
最期待嘅畫面
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞