《香港傭兵》(39)

1001 回覆
12 Like 0 Dislike
2020-01-22 18:10:21
窮同個零爭
2020-01-22 18:58:21
講個笑話俾大家聽













陳肇始
2020-01-22 19:00:06
2020-01-22 19:00:17

上回講到大家都用精神液。
今次飛揚聽到日本妹嗌喎!
點解會係日本妹呢?
精神化咗之後,三人就由街燈上極速前進。
而喺街燈之間,原來係有監控系統。
日倫話要提高聽力...講嘢都要細細聲講...
一行三人好順利嚟到解放軍禁區前嘅閘口。
綽姿同飛揚就跟住日倫,趁住有銀色巨型貨車車隊駛出時,由老解士兵背後潛入。
入到去都係喺街燈上前進!日倫話呢條路線係最近又最安全!
因為地面上都有感應器!
而飛揚越係近西貢...就越係唔多舒服...
當飛揚望到不遠處有架燒焦嘅坦克車之時...
綽姿突然放慢咗腳步!
飛揚未能及時作出反應...一跣腳!就向住地面跌落去!
都係唔好賴綽姿啦...明明就係自己唔舒服...手腳唔協調...笨手笨腳...先搞到今次...仆街喇!
飛揚一落地之時就立即一個轉身碌半個圈!
同時飛揚見到面前...有兩個喺焦土上行緊嘅Full Gear解放軍士兵正要擰轉身望過嚟!
仆街喇呢次!
飛揚立即一個轉身!以忍步極速向燒焦嘅坦克車殘骸跑過去!匿埋!
飛揚匿埋坦克車殘骸後面...但就聽到...嗰兩個Full Gear解放軍士兵...
「唔?」好似行緊...過嚟?
跟住既劇情發展又會係點呢?




準備出文

2020-01-22 19:01:16
我繼續匿埋喺坦克車殘骸後面...留心聽...聽住...

“沙 沙 咯 咯 咯”幾下腳步聲...向住呢邊行緊過嚟!

仆街喇...俾嗰兩個Full Gear嘅解放軍士兵察覺到...

“咯 咯 咯”仲要行緊過嚟...

點算呢?點好呢?!

我左手握住腰間嘅精神刀柄...

萬一...萬一真係行到過嚟...我就一刀砍甩佢哋個頭!

之但係...會唔會打草驚蛇呢?
2020-01-22 19:01:53
“咯 咯 咯”

唔理得咁多喇...

“咯 咯 咯”

唔理得咁多...殺人都要...

只係解放軍...抵死嘅解放軍...

“咯 咯 咯”就喺腳步聲越嚟越近...快要行到嚟坦克車殘骸後面...

“喵!”突然坦克車殘骸裡跳出一隻黑貓!
2020-01-22 19:02:03
原來係係0
咁你你1喺邊?
2020-01-22 19:02:28
「啊?原來是隻黑貓?」

“喵!喵!”黑貓一跳一跑!就跑走咗!

「這裡貓多了。」

「對喔!幫忙捉老鼠!」

“咯 咯 咯”腳步聲越行越遠...

「還好吧~還有大鷹...」說話嘅聲音都越嚟越遠...

我就探頭望一望出去...望住兩個背影越行越遠...行返去焦土嗰邊...
2020-01-22 19:03:17
我望望仲踎喺燈柱上嘅日倫同綽姿...就立即跑返出馬路!再跳上燈柱!

「小心啲。」綽姿冷言冷語。

『哦...』雖然話唔好賴你姐...都唔係入晒我數㗎嘛?

「繼續前進。」日倫就繼續向前面嘅街燈上跳!

我同綽姿都緊隨其後!

小心啲...小心啲...之但係越接近西貢遺址...就越係唔舒服...
2020-01-22 19:04:11
喺咁唔舒服嘅情況之下...仲要小心啲...又要跟實跑得鬼咁快嘅日倫同綽姿身後,喺街燈與街燈之間跳嚟跳去...

好辛苦...真係好辛苦...

不過總算再冇意外...差唔多嚟到西貢遺址!

已經見到...差唔多喺遺址嘅入口...有大量Full Gear嘅解放軍士駐守!

離遠觀察...裡面仲好光!好多射燈!

仲有唔少軍車出出入入咁...

我哋再行得近啲...喺街燈上邊接近...邊觀察...

已經可以見到...有唔少...帳篷?!
2020-01-22 19:05:10
當我哋再好小心咁進入入口...跳上一個冇人看守嘅哨塔上...留心觀察...

四周都有唔少哨塔...又有唔少射燈射住...四周都架設咗唔少吊橋...又有唔少帳篷圍住...空地?!

冇錯喇...咁多嘢圍住嘅...都係一大塊...超大塊嘅空地!

呢度就係西貢遺址?乜都冇咁咋喎...

只見除咗Full Gear嘅解放軍士兵巡邏之外,仲有唔少著晒生化衣咁嘅研究人員行嚟行去...出入帳篷...

然後除咗軍車外,仲有好幾十架銀色巨型貨車...泊喺一邊...上緊貨!
2020-01-22 19:05:46
一箱箱黑色箱...由帳篷...運上貨車...

點解會...

日倫留意住塊空地:「提升視力。」

提升視力?

我就聽日倫講...望住塊空地...提升視力...

我望到大大塊空地之外...好似有一層...紅色粒子...

再睇清楚啲...成個西貢遺址...都被一大層薄薄嘅紅色粒子...包圍?!
2020-01-22 19:06:38
「係光學迷彩...」日倫細細聲講,「仲要係附上精神能量嘅光學迷彩...」

附上精神能量嘅光學迷彩?!

係咩玩法?我哋SPIRIT嘅科技?

即係...有咩用?

日倫繼續留意住四周:「除咗光學迷彩嘅精神能量...就感應唔到其他氣息...唔通真係冇行者喺呢邊...」

就喺我都仲未搞清楚現況之時...

綽姿一躍而起!轉住身咁拔刀飛落下面條吊橋!將吊橋上兩個Full Gear解放軍士兵分屍之後...再跳到落地面!
2020-01-22 19:07:41
綽姿以迅雷不及掩耳嘅速度...地面上紅光亂飛亂閃!在場所有解放軍同研究人員仲未有任何反應之前,瞬間被綽姿分屍!人體殘肢散到一地都係!

做...做咩事吖?咩...咩情況吖?

當綽姿想衝入帳篷之時,日倫已經跳到落佢面前!捉實綽姿隻手:「你做咩吖?你咁樣會打草驚蛇㗎!」

我都跳到落綽姿面前...之但係...一落到地面...好唔舒服...全身上上下下...

我望一望身後...

「放開我!呢個係我嘅委託!」

向住一大塊“空地”行過去...
2020-01-22 19:08:40
「咩委託呀?!」

行到埋去空地...我感覺到...有種...感覺...

「咩...咩人...你哋...嘩!救命呀!救命呀!!!」

喺空地面前...伸手埋去...手...消失...喺薄薄一層紅色粒子之間...

「放開我!我要...」

一步一步行前...穿過薄薄一層紅色粒子之後...我望到面前...面前真實嘅...景象...

係一個...一個好大...好大...應該有...成個西貢咁大嘅窿...中間有個...大黑球!!!
2020-01-22 19:09:20
個大黑球...超大...差唔多有成個西貢咁大...

而且...周圍都有唔少...黑色嘅物質...好似喺管道之中...被抽走...被抽取緊!

抽取到去...帳篷裡面...

係咩嚟...咩嚟㗎...呢個大黑球...究竟係...

“吱!”突然腦海中有“吱”一聲!

“吱!吱!”又有幾聲...好大聲!

『呀!』好痛...我個頭...
2020-01-22 19:09:44
“吱!吱!吱吱!!!”好刺...好痛...

「有得食喇~」

好痛...

「嘩~係貓貓吖~」

超痛...

「喂~嗰個女仔好靚女呀呵~」

好似就嚟爆...
2020-01-22 19:10:16
「好喇...都差唔多要返去喇。」

眼前嘅黑球...好似深淵一樣黑嘅…黑洞…

「好喇好喇~而家去喇~一陣見啦~」

越嚟越黑…眼前一切…

「飛揚?」

整個空間…正被深淵一樣黑嘅黑洞吞噬…

「飛揚...飛揚...」

吞噬…



..

.
2020-01-22 19:11:05
..



當我開始有返啲意識...

「飛揚...飛揚...」

當我再次迷迷糊糊...睜開雙眼...

「飛揚飛揚飛揚...懶瞓豬陳飛揚!起身喇喇喇喇喇喇!!!」

我望到阿月...阿月!
2020-01-22 19:12:00
我立即攬實面前嘅阿月:『阿月!阿月!我終於見返你喇!我見返你喇!!!」

「喂喂喂...」阿月推一推我,但又推唔開,「你做乜吖?瞓覺瞓到傻咗吖?」

我...我瞓覺瞓到傻咗?

我望望四周...陰暗嘅...巴士車廂?

「你就真係好啦...」我聽到前面有把男人聲...

我立即望返上前!就見到個...巴士司機扶住個醉酒阿叔望住我:「你次次瞓死都有靚女女朋友接...你睇呢個醉酒佬...又要我扶佢落去...唉...」
2020-01-22 19:12:33
望住巴士司機扶住個醉酒阿叔落樓梯...

瞓...瞓死...

阿月就拉住我:「落車先~落車先~」

被阿月拉住落車...我仲係痴痴迷迷咁...腳步浮浮咁...

巴士站...係Vcity嘅...巴士總站...

巴士總站...仲有光...仲有其他巴士停泊...

冇爛...冇被破壞...
2020-01-22 19:13:14
阿月拉住我...行多兩步...當差唔多行出巴士總站...我鬆開手...

「嗯?」

我行多兩步...望清楚...夜幕之下...

“吼!”馬路上仲有車駛過...

街燈仲係著...

對面馬路嘅贖世主堂都冇爛...冇被破壞...

就連背後嘅Vcity都係完整無缺...
2020-01-22 19:13:39
一切都正常...好正常...

我腳步浮浮...行前多兩步...

返嚟喇...返喇嚟...

我雙腳一軟...跪喺地上:『我返嚟喇...我終於都...返咗嚟喇!』
2020-01-22 19:14:03



今晚出完



三句預告

[Day 20-遺址禁區] PART 11

夜空明月下...我跪喺地上...

睇住交通燈閃著閃著...由綠轉上紅...
2020-01-22 19:14:35
吹水台自選台熱 門最 新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑 洞