上回講到日倫喺七仔買咗三文治同包奶俾飛揚,就一齊挨喺車旁食。
然後等咗一個鐘左右,綽姿終於嚟到。
日倫問綽姿有冇問題。
綽姿話睇過個Plan覺得冇問題~仲話對日倫有信心添~
大家都上車向西貢出發。
飛揚忍唔住問綽姿點解又會嚟同佢哋一齊行動。
綽姿話擔心飛揚喎~
嘩~真係甜到入心呢~
越係駛近西貢,飛揚又唔舒服...
飛揚真係好弱㗎...都抖咗咁耐啦...坐陣車又唔舒服...
駛到去差唔多目的地...駛上路旁爛地...等隊銀色巨型貨車駛過之後...
綽姿除低件黑色毛毛大褸,手中拎住支精神液:「真係頻密。」
「嗯...」日倫都除低件黑色大褸,手中拎住支精神液,「越夜會越頻密。」
要...要除褸同拎支精神液出嚟?
飛揚都不敢怠慢!立即除低件黑色大褸!拎返支精神液出嚟!
佢哋三個同時落車!行去車頭!
日倫拎住支精神液,望住前方...陰暗嘅馬路上:「準備好?」
綽姿都拎住支精神液,點點頭:「嗯。」
『嗯...』準備好...要...要行動喇!
跟住既劇情發展又會係點呢?
準備出文