上回講到隻Drone繼續飛向西貢。
飛揚都見到有唔少解放軍士兵。
而喺解放軍士兵身上嘅裝備...同神秘工廠嘅唔同。
日倫話呢邊都仲未用上SPIRIT物質製造嘅裝備。
其實日倫都出奇,以為今次過嚟,解放軍都會換晒用SPIRIT物質製造嘅裝備。
飛揚又繼續觀察四周,喺焦土上,都見到有唔少坦克同裝甲車嘅殘骸。
係西貢攻防戰時,所遺留嘅痕跡...
受戰火所洗禮...
飛揚擔心會唔會有SPIRIT嘅行者喺裡面。
日倫話有都唔出奇...因為SPIRIT嘅行者都會潛伏係唔同嘅機構...方便收集情報同行動。
「我都有盤算過...會唔會有行者潛伏喺解放軍入面駐守...話唔定仲要係先行者...」隻Drone停留喺幾個Full Gear嘅解放軍士兵頭上。
『仲要係先行者?!』唔係咁棘手吖化?!
不過就算係都好正常吖...
頭先喺將軍澳都已經遇到四個先行者...
三個男嘅先行者係咩料就真係唔知喇...但嗰個可愛就一啲都唔簡單!
上次喺科學園個地下研究所...佢賣鳩晒自己班隊員...一個人喺裡面走嚟走去...搵異常生命體嚟殺...
再講吖...而家嘅西貢又搞到咁神秘...唔單止係解放軍...唔係唔係...應該話SPIRIT比起解放軍更緊張而家嘅西貢...
話唔定真係...會有先行者潛伏喺解放軍之中...幫手駐守...
話唔定...仲會有好多...
跟住既劇情發展又會係點呢?
準備出文