上回講到飛揚繼續拖住阿月隻手仔行。
行過M記...見到一班不知天高地厚嘅MK仔囡...
總算見返啲正常人...
假如喺廿年後...俾西貢獻命見到佢哋眼超超咁...仲唔打到佢哋仆晒街...
然後飛揚就望到對面嘅銀行...ATM...諗返起第一次見到西貢獻命打人搶錢...
阿月好奇廿年後真係咁冇皇法?
飛揚就一五一十咁將廿年後嘅香港講俾阿月聽...
阿月又舉一反三咁...乜都反一餐~
仲話如果係佢自己,一定由呢度打上北京~
冷氣軍師嚟㗎喎~
然後阿月又問廿年後嘅自己係點~
飛揚又好老實咁答因為唔記得咗阿月電話,所以搵唔到阿月喎~
有冇搞錯吖!又話點愛點愛!連電話都唔記得!
「唔得呀!要罰抄十萬次!好好咁記住我個電話!唔係嘅話,等陣你又穿越時空去咗未來咁點算?」
『嘩...你詛咒我吖?』
「咁都叫詛咒你吖?俾你又返去搵你嗰個綽姿𡃁妹仔咪益咗你囉~哦!唔怪得唔想記我電話唔搵返我啦!原來係想同個𡃁妹仔開心心~」
『梗係唔係啦!你又諗咗去邊吖?我同佢冇嘢㗎!我心只有你囉!』
「仲話個心只有我?電話都唔記喺心裡面吖!」
『因為成個心都係你~連電話都載唔落~』
「收...皮...啦...陳...飛...揚...」
『唉...難為我為咗你...一直都好好控制自己...守身如玉...冇受誘惑...真係成個唐僧咁㗎...』
「哦~原來咁樣好難為你嘅~咁你快啲返去未來搞個𡃁妹仔啦~唔阻你喇~」
『唔係吖唔係吖...係我專一又長情姐~』
「收...皮...啦...陳...飛...揚...」
跟住既劇情發展又會係點呢?
準備出文