《香港傭兵》(39)

1001 回覆

12 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-01-16 15:32:21

好似係考完試放早

絕影 2020-01-16 16:44:51

你真係好變態

順便借位

歐美議員講野又無人理啦

響task2呀幫手啦上唔到千呀

Twitter組24小時keep住更新
幫手retweet

㩒入 https://t.me/TwitterHelpBot
然後打 /task2 攞任務

飛揚 2020-01-16 17:22:51

小妹妹真係天真無邪好可愛

Retweet咗啦

飛揚 2020-01-16 19:00:09

上回講到隻Drone已經唔可以再向前飛。
呢個距離同西貢仲有啲遠喎。
日倫都唔知有乜干擾...總之就係飛唔到入去。
咁奇怪？
日倫話而家只好再喺外圍調查多啲...為今晚潛入行動收集多啲資料先...
真係要潛入去？好危險咁喎...
飛揚冇乜嘢幫到手...就只好繼續觀察...
過左一段時間，飛揚都係忍唔住問日倫，點解要帶埋佢嚟呢？
日倫話感覺到飛揚係關鍵。
吓？明明就係阻手阻腳啦...
但呢啲都係日倫嘅第六感！而且日倫嘅第六感一向都好準～
咁...希望今次唔係第一次唔準啦...
再過咗一兩個鐘...隻Drone都終於返嚟...
「好啦～資料都搜集好喇～而家就要做風險評估同潛入Planning先～」隻Drone慢慢咁飛向日倫面前...降落喺佢掌上...
日倫收返好隻Drone落黑色盒之後，就喺個黑色盒拎埋塊平板電腦出嚟：「咁你都抖抖先啦～」
『哦...好好...』原來個黑色盒裡面仲有塊平板電腦...
飛揚就左望望...右望望...
日倫就坐喺平台邊，開始喺塊平板電腦上面撳撳掃掃...
飛揚都跟住日倫坐喺平台邊...又偷偷望望佢手上塊平板電腦...
有好多圖...又有幾幅地圖...仲好多數據咁...
然後日倫又撳撳掃掃部電話...又喺塊平板電腦撳兩撳...掃兩掃...
嘩...又係啲飛揚睇唔明嘅嘢...睇嚟都冇飛揚嘅事㗎喇...都係吹住冷風睇風景啦～
跟住既劇情發展又會係點呢？

準備出文

飛揚 2020-01-16 19:00:43

“飃！飃～”吹住冷風坐喺平台邊等...

日倫一邊掃平板電腦...一邊撳電話...

左右開弓咁...好勤力...

我呢我呢...真係無所事事...乜都幫唔到手...

我真係有用咩？完全幫唔到手喎...陪坐咋喎...

唉...真係覺得自己係多鳩餘...

都係唔好理～繼續睇風景～

飛揚 2020-01-16 19:01:47

靜靜咁睇風景...靜靜咁等...

然後就差唔多日落...黃昏...

天色由黃...漸漸變橙...漸漸變暗...

快要進入夜晚...

呢邊可以話冇燈光...就只有日倫手上塊平板電腦同電話嘅光...

然後就要望向遠處...西貢公路嘅街燈...

好似一條火龍咁...

飛揚 2020-01-16 19:02:25

究竟仲有幾耐...日倫先搞掂呢？

我哋又會喺幾時...開始行動呢？

突然！

「搞掂喇～」日倫伸咗個懶腰～

『搞掂喇？搞掂喇？係唔係行動喇？』突然話搞掂，搞到我好緊張添！

「未行動住～未行動住～」日倫帶住微笑擰擰頭，「唔使咁心急嘅～講解埋先～」

『哦哦...好好...』係唔係要“高呼”吖？

飛揚 2020-01-16 19:03:46

「首先係我已經評估過，喺西貢遺址外圍一帶，應該就唔會有行者...就只係解放軍...」日倫諗一諗，「所以我哋可以以精神化潛入...」

『哦哦...真係唔會有咩？會唔會夜晚先有㗎？』小心啲好喎...

萬一真係有行者喺裡面...仲要係先行者嘅話...我嘅氣息實俾佢哋發現到㗎喎...

到時俾人捉到...有乜後果㗎？

係咯係咯...都未知俾人捉到去禁查區做調查係會有乜後果...

「唔會唔會...以我所知有90%係唔會有呢種情況發生...」日倫認真咁點點頭...

『90%...即係仲有10%...』10%唔算少㗎喇喎...

不嬲都係㗎啦...係好嘢嘅話，90%都唔會中...係衰嘢嘅話，0.1%都會中到應...

飛揚 2020-01-16 19:04:41

「放心啦～呢個都唔係值得擔心嘅地方...」日倫盤算住...

『吓？』咁咩先係值得擔心吖？

「值得擔心嘅係...」日倫又諗一諗，「西貢遺址...」

西貢遺址...要擔心嘅...

「我哋頭先入唔到去西貢遺址偵察...亦都偵察唔到裡面有冇行者嘅氣息...有冇精神能量...我哋完全唔知裡面嘅情況...」日倫好認真咁點點頭...

『嗯...』的確係咁...

我哋完全冇有關裡面嘅資料...

飛揚 2020-01-16 19:06:00

「我哋唔可以肯定到裡面有冇行者...」日倫諗一諗...

『嗯...咁即係話...最壞情況就係有行者喺裡面駐守...話唔定仲要係先行者...』就等我大膽鳩估...

「嗯...我哋的確要有最壞嘅準備。」日倫又好認真咁點點頭...

『咁嘅話...我哋仲要入去查？好危險喎...』根本就係送頭咋喎...

「之但係又唔可以話完全冇資料...」日倫再諗一諗，「雖然話我哋偵察唔到入面...之但係今日全日喺呢邊外圍都偵察唔到有行者出現過...更唔好話有行者入過去...」

『係...之但係...唔俾佢哋一直都喺入面？唔出嚟都得㗎...仲有另一邊呢？馬鞍山嗰邊呢...話唔埋佢哋喺馬鞍山嗰邊出入西貢遺址呢...』突然覺得自己又清醒～又有腦～

「唔會唔會...」日倫擰擰頭，「我哋SPIRIT習慣上唔會...先行者就更加唔會...點計而家西貢遺址都係屬於解放軍...」

而家西貢遺址係屬於解放軍？

飛揚 2020-01-16 19:07:01

「首先而家西貢遺址唔屬於我哋SPIRIT，我哋唔會駐守喺裡面。另外就係就算我哋潛伏喺解放軍入面，都唔會一直喺同一個位置...」日倫諗一諗，「因為咁太危險。」

唔會一直喺同一個位置...因為咁太危險？

「你真係唔識㗎喎...」日倫冷眼打量住我...

『唔係唔係...我識我識...』死喇...又表露咗自己嘅無知添...

「雖然話係隨行者...」日倫打量住我，「不過你又真係有太多嘢唔知...」

『呃...』唉...日倫都覺得我廢喇...

「你真係...好特別...」日倫點點頭...

吓？我好特別？特咩別？特別廢？

飛揚 2020-01-16 19:07:50

「我就覺得你係與眾不同...」日倫再打量住我...點點頭...

『呃...』日倫咁講...我又有啲唔係咁好意思...

都係話我特別廢算啦...

「至於馬鞍山嗰邊...」日倫又諗一諗，「其實我之前有調查過...嗰邊係有好多行者...仲有唔少係先行者...不過佢哋係唔會入去西貢遺址。」

『咁佢哋喺嗰邊做乜吖？』咁多人...開P咩？

「唔清楚...我唔敢調查得太深入...唔敢惹起先行者嘅注意...」日倫諗一諗...

連日倫都唔敢調查得太深入...

飛揚 2020-01-16 19:08:42

「話唔定真係同西貢遺址有關...不過睇佢哋唔會輕舉妄動...除非...」日倫又諗一諗，「有大事發生...」

『有大事發生？』會係咩大事？

「唔知喇～總之唔搞大鑊嘢，班先行者都唔似會進入西貢遺址～」日倫帶住微笑擰擰頭～

『咁樣...嗯...了解...』總之唔搞鑊嘢...

「地圖同潛入路線都已經Send咗俾你...」日倫行去放返好塊平板電腦落黑色盒，「你可以睇睇先...」

『哦哦...』我就拎部電話出嚟...

飛揚 2020-01-16 19:09:13

「呃...其實都唔使點睇嘅...都係跟住我就得㗎喇...」

『哦哦...』跟住日倫...

就喺呢個時候，手上部電話一震...

我就見到畫面顯示住...

『綽姿？』係綽姿打俾我？！

飛揚 2020-01-16 19:09:40

今晚出完