《香港傭兵》(39)

1001 回覆
12 Like 0 Dislike
2020-01-10 12:45:38
影影早
2020-01-10 12:45:51
高才鳩早
2020-01-10 12:46:10
金令早
2020-01-10 12:47:15
各位早晨
又好多假銀紙
2020-01-10 15:56:19
真大波？
2020-01-10 16:23:52
如果係毒撚type嘅行者呢
2020-01-10 16:24:29
夜行巴早
應該唔會係假
2020-01-10 16:26:20
毒撚type嘅行者day 1就The End啦
2020-01-10 16:27:20

2020-01-10 16:30:22
2020-01-10 17:04:20
十毒撚十一個都一㝘人係死喺美色之下
2020-01-10 17:04:40
2020-01-10 17:11:02
俾可愛利用
「做完任務之後上我屋企飲杯酒吖～～」

如果詩琳都係行者嘅話
2020-01-10 17:51:35
未完成任務前都化成紅色粒子喇
詩琳一定係一個好出色嘅行者啦
2020-01-10 18:49:51
就係喺招攬隊員嗰時講
我都覺得係
2020-01-10 18:54:37
受氹嘅行者都唔會長命
會係調查型定係行動型呢
2020-01-10 18:59:32

上回講到飛揚越近西貢就越唔舒服...
唔係真係咁鬼弱吖化？
仲要俾日倫察覺到！
真係夠晒柒～
馬路上都開始冇其他車輛，淨係得返老解嘅巨型貨車車隊出出入入。
而日倫都泊架車喺路旁塊爛地上。
呢個距離同西貢仲有啲遠喎...咁快就落車㗎喇？
但日倫落得車就啱㗎喇～跟住做啦～
飛揚跟住日倫行入小路...再由小路行上山...
呢邊啲路都俾倒下嘅樹幹擋住...要跨過先得。
原來日倫之前已經嚟過做調查！唔怪之得唔駛架車上嚟啦～
飛揚越行就越係上氣唔接下氣！
上個山仔都高山症咁...弱到呢...
日倫帶住飛揚行到入去一間荒廢嘅別墅...
上到天台，個位置高又唔算太高...四周都係見到綠綠黃黃嘅樹頂...
「戴住佢先～」日倫隊咗副眼鏡俾飛揚～
『哦...』做咩要飛揚戴眼鏡？佢冇近視㗎喎...
之不過日倫叫得飛揚戴，飛揚就只好乖乖聽話戴起佢啦～
當飛揚一戴起副眼鏡...好清楚喎！
係好清楚！勁高清！
四周嘅景物都好鮮明！
真係唔戴過眼鏡都唔知原來自己有近視！
唔止...唔止咁...
仲要...仲要有得Zoom？！
跟住既劇情發展又會係點呢？



準備出文

2020-01-10 19:00:07
當我想望遠啲...就真係望得遠啲！

好遠吖！超遠吖！仲可以追住遠處嘅雀仔...飛緊嘅雀仔！

仲要有埋...“麻雀”嘅字眼指住隻雀仔！跟住佢飛！

好鬼勁吖！唔止咁呀！仲顯示埋佢嘅距離！仲有顯示埋佢嘅飛行速度！！！

咩料吖？呢副就係傳說中嘅智能眼鏡？！

真係唔係講笑！未來嘅科技呀！
2020-01-10 19:02:01
勁就係勁喇...之但係呢...喺呢個位置...呢個高度...角度...好似都仲望唔到...西貢嗰邊...

係就係有顯示住“西貢”嘅位置...之但係就睇唔到...都仲係有好多樹遮住...

「眼鏡除咗有望遠鏡功能，仲有好多功能～不過咁係唔夠...都仲係睇得唔夠多...」日倫拎起隻Drone...

“吱！”隻Drone立即好似Transformer咁變形！伸咗四支螺旋槳出嚟！

日倫拎部電話喺手，撳兩撳...

四支螺旋槳同時轉動！隻Drone隨即喺日倫手上升起！慢慢消失...漸漸消失！

然後...我眼前嘅影像...轉咗！仲向前移動！飛緊！
2020-01-10 19:03:53
然後...我眼前嘅影像...轉咗！仲向前移動！飛緊！

「眼鏡係可以同隻Drone連接～可以實時睇到Drone所拍到嘅影像～」日倫一邊講，我眼前嘅影像就一直向住前方...喺樹頂飛緊！

好似打機咁...好似戴住VR揸直升機咁！

「Drone嘅視網膜系統係可以分別控制視點...即係你望去邊，睇啲乜，就隨你自由望～唔會影響到我～」日倫一邊講，我眼前嘅影像係飛緊向...馬路嗰邊！

視網膜系統？咩嚟？聽都未聽過...

不過日倫講得話係可以分別控制...
2020-01-10 19:04:41
我嘗試將對眼碌向左邊...可以望到左邊嘅樹林...

我再將個頭擰向左邊...個影像就真係向住左邊方向移過去！

嘩！好撚堅喎！！！

我真係好似坐撚咗喺架直升機裡面！我鍾意擰去邊望去邊，都唔會影響到直升機嘅飛行路線！

好好玩呀真係！

我仲可以好似頭先咁...望實隻雀仔...又係有“麻雀”嘅字眼指住隻雀仔！跟住佢飛！

又係顯示埋佢嘅距離！又係有顯示埋佢嘅飛行速度！

真係好鬼正呀屌你～
2020-01-10 19:05:47
話咁快，隻Drone就飛到去馬路上...仲見到我哋頭先泊喺路邊塊爛地上架黑色私家車！

咁快就飛到落去...

隻Drone就開始沿住條馬路...喺馬路之上...高空之中...以均速向前飛...

好定...飛行速度同高度都好穩定...

我就望住條馬路...又望望左邊樹林...叢林...又望望右邊塊爛地...

然後...

“吱！飃～”有一隊銀色巨型貨車車隊喺下面駛過！
2020-01-10 19:06:48
又係...解放軍嘅貨車車隊...

等等先...乜原來係...收到音㗎？

收到音唔係問題...我冇戴耳機㗎喎！點解我都可以聽到由Drone收過嚟嘅聲音嘅？

唔通係...

『骨傳導技術？！』我曾經聽過...呢種科技...

我冇記錯嘅話...骨傳導係一種聲音傳導方式...通過將聲音轉化為不同頻率嘅機械振動，通過人嘅顱骨、骨迷路、內耳淋巴液傳遞、螺旋器、聽神經、聽覺中樞來傳遞聲波！

我記得...冇幾耐之前聽返嚟...都係啱啱著手研究...

估唔到...
2020-01-10 19:08:01
「嗯...做咩？好似咁好奇咁嘅？」日倫一邊問，隻Drone Keep住以均速喺馬路上空向前飛。

『冇！冇～唔係好奇吖～』係估唔到...廿年後呢種技術咁成熟...

係咯...廿年後...仲要係SPIRIT嘅偵測工具...成熟又有乜咁出奇...

隻Drone Keep住以均速喺馬路上空向前飛...轉咗一兩個大彎...然後再向前飛多一段距離...就見到...見到路障？見到閘口！

啱啱頭先嗰隊銀色巨型貨車車隊駛入閘口！

然後個閘口閂返埋！有兩個...解放軍士兵行近閘口後面...守住！

冇錯！係解放軍士兵！嗰兩個解放軍士兵頭上有“解放軍士兵”字樣指住！
2020-01-10 19:08:52
再細心咁望住嗰兩個解放軍士兵身上嘅裝備...手上支長槍...立即又有啲字指住！

我諗係裝備嘅名同型號掛...軍械嘅嘢我唔識吖...

之但係呢個位置...應該係...

『白沙灣？！』的確！眼前顯示住呢度一帶係白沙灣！

「係吖...上次揸車過到去就見到解放軍設置嘅閘口...」日倫一邊講，隻Drone就停喺兩個解放軍士兵頭上。

『白沙灣離西貢...仲有一大段距離㗎喎！』我就真係冇乜嚟過西貢幾多次...

之但係由白沙灣去到西貢...差唔多都仲有十五分鐘車程？
吹水台自選台熱　門最　新手機台時事台政事台World體育台娛樂台動漫台Apps台遊戲台影視台講故台健康台感情台家庭台潮流台美容台上班台財經台房屋台飲食台旅遊台學術台校園台汽車台音樂台創意台硬件台電器台攝影台玩具台寵物台軟件台活動台電訊台直播台站務台黑　洞