《香港傭兵》(39)

1001 回覆

12 Like 0 Dislike

第 1 頁第 2 頁第 3 頁第 4 頁第 5 頁第 6 頁第 7 頁第 8 頁第 9 頁第 10 頁第 11 頁第 12 頁第 13 頁第 14 頁第 15 頁第 16 頁第 17 頁第 18 頁第 19 頁第 20 頁第 21 頁第 22 頁第 23 頁第 24 頁第 25 頁第 26 頁第 27 頁第 28 頁第 29 頁第 30 頁第 31 頁第 32 頁第 33 頁第 34 頁第 35 頁第 36 頁第 37 頁第 38 頁第 39 頁第 40 頁第 41 頁

飛揚 2020-01-15 12:48:26

高才鳩早

飛揚 2020-01-15 12:49:10

各位早晨

就快又過年又要見親戚

風鈴 2020-01-15 13:47:45

早

飛揚 2020-01-15 16:01:19

金令早

飛揚 2020-01-15 19:00:22

上回講到隻Drone繼續喺禁區範圍內調查。
日倫話裡面有行者唔出奇...仲可能會係先行者級數。
咁大鑊？！
不過日倫話好彩嘅係呢邊嘅老解仲未用上SPIRIT嘅物質...咁就可以藉住Drone去偵測有冇SPIRIT物質，從而判斷有冇行者潛伏喺裡面。
而且就算有行者潛伏喺裡面，只要佢哋身上或者附近冇裝備同精神液，就唔怕會俾佢哋發現。
所以而家要做嘅，就係為今晚潛入行動做全面偵測。
今晚真係要潛入去？
飛揚總係覺得危機重重...
喺隻Drone繼續偵測嘅期間，飛揚留意到西貢真係比起屯元天更易守難攻。
點解當年政府唔攻咗屯元天先呢？
隻Drone一直飛...一直調查成條西貢公路一帶...
每個解放軍設施...每架軍車...每一個解放軍士兵都調查過...
飛咗好耐...用隻Drone花咗好幾個鐘去調查...
除咗話出出入入嘅銀色巨型貨車會顯示出“unknown”嘅字眼之外，再冇喺其他地方見到...
咁係唔係即係話...冇SPIRIT嘅行者喺嗰邊？一個都冇？
再飛多一陣...向住西貢方向再飛入多少少...
「唔...睇嚟差唔多...」隻Drone開始減速...停留喺空中，「唔可以再向前...」
『嗯？』唔可以再...向前？
跟住既劇情發展又會係點呢？

準備出文

飛揚 2020-01-15 19:00:52

[Day 20－遺址禁區] PART 08

我哋隻Drone嘅位置...距離西貢都有成...1.5公里遠喎...（影像上係咁顯示...實際有幾遠我係唔清楚嘅...）

總之就係仲有一大段好長嘅距離先去到西貢...

唔再飛入啲？調查清楚啲？

「已經係最盡...再前多少少就已經有干擾...」隻Drone完全停留喺空中...影住遠處...

『干擾？有乜可以干擾到我哋隻Drone?』話晒我哋SPIRIT嘅科技應該係宇宙最強...

「我都唔知...淨係知隻Drone偵察到前面有干擾...唔可以再飛過去...」隻Drone繼續影住前方遠處...

『竟然係咁...』唔可以再飛上前...最盡都只可以喺呢度...

飛揚 2020-01-15 19:02:23

喺呢個位置...望過去西貢嗰邊...好似乜都睇唔到咁...

係因為太遠？

我嘗試“Zoom”過去...但都係Zoom唔到...好似乜都睇唔到咁...

咁搞法...

「冇辦法...而家我哋只可以繼續調查外圍...裡面就要等今晚...」隻Drone開始調頭。

『今晚？』我擰轉頭，仲係對西貢依依不捨...

「嗯...我打算而家再喺外圍調查得清楚啲...再搜集多啲資料...評估過風險之後，再決定今晚潛入西貢調查...」隻Drone繼續以慢速飛行。

『哦...』今晚...潛入西貢...

飛揚 2020-01-15 19:03:53

會唔會好危險？

話晒都有唔少解放軍駐守...

我諗呢層其實都問題不大...

尋日都已經領教過日倫嘅實力...

尋晚有日倫搜集返嚟嘅情報（再加埋我喺神秘工廠嗰啲），計劃埋潛入路線同方式...好順利咁潛入神秘工廠調查！（只係遇到片翼...先要迫住離開...）

我相信日倫嘅實力...調查型行者嘅實力...

只係...我係擔心...喺西貢入面...

飛揚 2020-01-15 19:05:34

西貢入面...會有啲乜呢？會唔會真係俾我哋搵到ADAM呢？

有啲乜喺入面，同ADAM喺唔喺入面，都係我哋調查嘅目的...

但最怕都係...會唔會有行者喺入面駐守...

萬一真係有...以我控制氣息嘅能力...必定喺我未察覺到佢哋之前，就俾佢哋察覺到我先...

到時我又會連累日倫...

真係越諗就越覺得自己阻手阻腳...

假如係日倫一個人嘅話...應該容易好多...唔使顧累咁多...

係咯...喺日倫嘅角度嚟睇...佢自己一個人行動...一定比帶住我呢個行外人方便得多...

咁點解...日倫要搵埋我呢？

飛揚 2020-01-15 19:06:23

『呃...係呢...其實我係唔係阻住你呢？』我越諗就越唔好意思...越係唔好意思就越想問清楚...

「嗯？點解咁問呢？」隻Drone並冇停落嚟，繼續邊慢速飛行，邊搜集資料。

『其實我又幫唔到你啲咩...仲好似阻住你添...』係咯...幫唔到手都唔緊要啦...仲要阻住人...

「哈～你又唔好咁諗～」日倫諗咗一諗，「我從來都唔會做錯誤嘅決定...我總係覺得...你係好有關連...」

『吓？』我會有咩關連吖？

飛揚 2020-01-15 19:07:22

「係直覺...」日倫再諗一諗，「直覺話俾我聽...要調查西貢...就要借助你...」

『借助我？』我有乜可以俾你借助吖？我真係乜都唔識㗎喎...

「一環一環扣住...」日倫再諗一諗，「我總係覺得...你係其中一環...仲要係好重要...」

『嘩...你會唔會高估咗我吖？』我好重要？

從來我都係一粒細小嘅齒輪...

細小到可能冇咗我，都影響唔到成個運作...

飛揚 2020-01-15 19:08:57

「哈哈～」日倫輕輕鬆鬆，「我嘅直覺從來都冇錯過～」

『哦...』從來都冇...今次咪係第一次囉...

難求緣份至～難求全合意～始終都有第一次～

雖然聽日倫講完，都唔係好明點解會搵埋我一齊去調查已被列為禁查區嘅西貢遺址...

之但係算啦～日倫覺得冇問題，我就只好盡力配合啦～

飛揚 2020-01-15 19:10:29

隻Drone繼續喺西貢外圍盤旋...偵察...搜集資料...

我都盡量咁留意...觀察...分析...

不過講真一句...睇住唔同嘅軍營...睇住爛草地...睇住一塊塊焦土...睇住啲Full Gear嘅解放軍士兵行嚟行去...又睇住一隊隊銀色巨型貨車同軍車駛出駛入...駛嚟駛去...真係有啲悶...

呆呆滯滯悶悶咁又過咗一兩個鐘...隻Drone都終於返嚟...

「好啦～資料都搜集好喇～而家就要做風險評估同潛入Planning先～」隻Drone慢慢咁飛向日倫面前...降落喺佢掌上...

而眼鏡上嘅影像都變返面前所見嘅景象。

然後我就望到喺日倫手上隻Drone...

“吱！”四支螺旋槳同時收返埋！好似Transformer咁變返塊黑色長方塊！

飛揚 2020-01-15 19:11:26

日倫收返好隻Drone落黑色盒之後，就喺個黑色盒拎埋塊平板電腦出嚟：「咁你都抖抖先啦～」

『哦...好好...』原來個黑色盒裡面仲有塊平板電腦...

我就左望望...右望望...

日倫就坐喺平台邊，開始喺塊平板電腦上面撳撳掃掃...

我都跟住日倫坐喺平台邊...又偷偷望望佢手上塊平板電腦...

有好多圖...又有幾幅地圖...仲好多數據咁...

然後日倫又撳撳掃掃部電話...又喺塊平板電腦撳兩撳...掃兩掃...

嘩...又係啲我睇唔明嘅嘢...睇嚟都冇我嘅事㗎喇...都係吹住冷風睇風景啦～

飛揚 2020-01-15 19:12:14

今晚出完