上回講到隻Drone好鬼勁!又會顯示觀察物嘅資料~又可以各有各睇~
日倫一邊控制,飛揚就八八卦卦咁望望四周~
唔使幾耐就望到解放軍嘅銀色巨型貨車車隊。
跟住巨型貨車車隊一直向前飛行,好快就嚟到老解設置嘅閘口。
咁快就嚟到禁區範圍?距離西貢仲好遠喎!
「係吖...就係仲有咁大段距離先到西貢,我嗰次先咁唔小心揸到去佢哋面前...仲要俾佢哋用槍隊住嚟問做乜揸車入嚟!入嚟做乜!呢區早就封咗!點會揸車過到嚟呢邊!」日倫一邊大大聲講,隻Drone仲係停留喺嗰兩個解放軍士兵頭上!
『咁...咁你點答吖?』講到好似審犯咁喎...
「冇吖...我淨係話知道西貢封咗...但就唔知喺咁前嘅位置就已經係禁區...啲路牌爛晒咁...車上嘅導航又壞嘅...都唔知自己揸咗去邊...想揸前啲搵路調頭,就揸咗嚟禁區前喇...總之就係扮晒傻咁囉...」日倫一邊大大聲講,隻Drone就開始向前飛。
『哦...』扮傻都過到骨吖?咁啲解放軍都...幾蠢㗎喎...
跟住既劇情發展又會係點呢?
準備出文
今晚出完
幾個臨時軍營設置喺爛空地上...然後喺不遠處又有塊焦土...