上回講到日倫就做風險評估同Planning~飛揚就鳩坐~
到天黑之時,日倫都搞掂~
日倫評估過風險,外圍就唔會有行者~西貢入面都應該冇㗎喇~
呢啲都係日倫嘅經驗~得知SPIRIT嘅習慣同危險性問題~
而呢啲嘢飛揚都係唔知嘅~
條友真係唔識㗎喎~
唉...又俾日倫發現飛揚有幾柒~
不過日倫就覺得飛揚好特別~
或者就係咁...日倫先覺得飛揚係關鍵...
日倫查調過馬鞍山嗰邊的確係有大量行者...當中仲有唔少係先行者。
而假如西貢冇大事發生,佢哋都應該唔會過去...因為而家嘅西貢...應該唔係屬於SPIRIT...係屬於老解...
只要冇大事發生...
「地圖同潛入路線都已經Send咗俾你...」日倫行去放返好塊平板電腦落黑色盒,「你可以睇睇先...」
『哦哦...』飛揚就拎部電話出嚟...
「呃...其實都唔使點睇嘅...都係跟住我就得㗎喇...」
『哦哦...』跟住日倫...
就喺呢個時候,飛揚手上部電話一震...
飛揚就見到畫面顯示住...
『綽姿?』係綽姿打俾飛揚?!
跟住既劇情發展又會係點呢?
準備出文