1. 其實已經有 6GB RAM,我唔知係佢殺 background app 殺得太勁定係啲 app 大食,我只係開三、四個 app,每次轉 app 都要重新 load 過。另外亦都唔知點解有時會 freeze 兩、三秒冇反應,之後又冇事。
2. 影相基本上畫質係好,呢度要讚。但係始終相機 app 係通病,影完相撳右下角要圏幾秒先有得睇圖;另外 10fps 連拍基本上十次有九次都係斷,唔可以一口氣連晒 100 張,已經喺光線充足嘅環境下都係咁。另外相機介面轉 2x 鏡,唔係次次得,有時只係將主攝 zoom 2 倍就當係,呢度要改善。
3. 相簿有一啲 folder 用咗 .nomedia 隱藏咗嘅圖片,就算用咗修復,都係畀個交叉嘅圖示我,唔識自己消失,fix 唔到。
4. 萬年讀卡器我唔講啦,本來 XZ Premium 嗰代係快咗,有 60 - 70MB/s,一去到 XZ2 Premium 到而家就慢咗,得返大約 30MB/s。
5. 指紋識別呢個我諗好多人都講過,解鎖成功率唔高,硬件缺陷,用平嘢嘅後果,軟件都解決唔到。XZ2 Premium 或之前嘅機種,指紋識別比 Xperia 1 更好用。
我有部入咗水嘅 Xperia 1,主攝、遠攝鏡頭、RGBC-IR sensor、閃光燈壞咗,報價維修 $5,600 太貴我唔整,都特登去買部新嘅,唔知你覺得我有冇資格講呢?