真男人一定噴香水+香水點評 (4)

兩者都可以，反正我都係網購

有冇人試過呢隻？見佢個design好靚，有啲想入

想清爽啲嘅非花香
$5-600左右都ok

好清既木味 若隱若現咁
幾中性 要比較近距離先聞到
時間耐左無乜變化

嗰種似蠟筆嘅花味應該係鳶尾嚟
係Dior homme嘅signature
我冇試過晒咁多枝flanker
但佢地應該都有類似嘅質感

如果你想搵類似dior homme系列嗰種味嘅話
有人話Zara有枝9.0幾似佢
但我唔知香港Zara有冇

順帶一提Zara啲香水好多都係向某啲香水致敬
例如Le Labo Santal 33或者Creed Aventus

呢枝係幾好聞
有些少似原版dior homme但乾木感重少少
但係唔少鄰國人都係咁諗嘅
所以佢喺鄰國都好受歡迎下
如果你都係想試下先嘅
DFS有

暫時諗到香港可以試香嘅有：
1. Lush Gorilla perfume - Sun
佢係帶少許甜嘅橙香
到尾有檀木襯底
其實Lush啱啱將好多枝以前嘅exclusive推出嚟
唔少都幾特別唔係走花香路線
係值得去試下嘅
不過唔少人話佢longevity唔太好

2. Guerlain Aqua Allegoria系列
呢一個系列全部都係清新路線
好容易carry
個人推介上年出嘅Ginger Piccante
薑味帶少少辣加上帶住晨露嘅玫瑰
唔會太過女性化
如果你好唔想要花嘅可以試Limon Verde同Herba Fresca
前者柑橘中有草綠感
後者就薄荷檸檬茶然後會dry down變得少許powdery
夏天嚟講好適合
如果唔想去counter試嘅可以去Sephora

3. Estée Lauder - White Linen系列
如果想要啲清爽皂感嘅話
可以試white linen同埋佢啲flanker
White linen本身個醛香會比較重令佢冇咁輕盈
你可以試佢啲flanker例如係pure white linen 同pure white linen light breeze
不過estee lauder啲香水擺得比較入
去試嘅時候可能要問下sales佢先會拎出嚟

4. 100 bon系列
呢個系列全部都係叫咩名就真係嗰種味
同埋整體好輕身唔會好濃
佢另外都會好似Jo Malone咁可以比你幾枝混搭
要唔好咁重花香嘅話可以試cedre & neroli、the matcha & me the givree同埋neroli & petit grain printanier
缺點係longevity同projection一般
可能要噴多幾下
呢個牌子可以去誠品嘅10/10 hope度試

價錢方面lush會貴少少
但你可以揀30ml就唔會超出預算
100 bon就某幾枝會有15ml揀
都係百零蚊左右
冇記錯佢EDT濃度嘅100ml都係三四百
至於Guerlain同Estée Lauder
你可以試完之後上網搵下
應該會搵到比專櫃平嘅價錢
但就算係專櫃價都應該冇超出你嘅預算
不過最緊要係香水要試上身
因為香水喺試紙上面同你身上面係可以好唔同
買咗返去先噴上身再發現唔鍾意就晒錢

Ching 真係好勁男女香都咁熟
想問下有冇woody floral musk嘅香水啱男仔用
利申：就嚟2字頭

有冇ching有興趣d&g k王者之心 100ml
全新未開封平放$580
tg fuckyourasshole

有冇巴絲打試過forment?

咁我講住幾枝先
1. Le Labo - Patchouli 24
其實佢唔係patchouli主題嘅香水嚟
係煙燻感好重嘅皮革
再用啲帶泥感嘅廣藿香修飾
中間夾雜咗少許甜膩
我諗應該係香草之類不過唔會變成gourmand
個人覺得佢係Le Labo做得最好嗰枝
不過以香港嘅天氣日常唔係太著到
要到深秋或者冬天先得
另外係原料唔算好
唔係好對得住個價錢

2. Evody - Tubereuse Manifeste
係一枝好有趣嘅晚香玉主題香水
開首有好boozy嘅冧酒
晚香玉就有啲青澀草感
慢慢會有少少苦
應該係個洋甘菊
然後差唔多到尾有啲amber令到晚香玉變得圓潤
最後會變成淡淡嘅檀木
都幾令人驚喜

3. Imaginary Authors - O, Unknown
呢枝係一枝好重orris root嘅香水
有Imaginary Authors一貫嘅灰塵感
一嚟係中式紅茶之後好快就轉變成鳶尾根
先會帶少許甜然後檀香會逐漸變重
令到個鳶尾根唇膏感更加明顯但唔會顯膩
算係幾linear
呢個牌子雖然用料一般但價錢平
而且好多枝都會有唔同嘅twist
但基本上都唔難著

4. Amouage - Memoir Woman
係一枝變化好大嘅香水
起首辛辣青綠帶涼苦
然後逐漸變暖但仍然有苦感
焚香跟住帶住白花香
個焚香會若隱若現同一時出下乳香一時又唔見咗
慢慢唔腥嘅動物感皮革會浮現
最後再轉成柔和粉感木質結尾
完全唔係一枝易著嘅香水
所以一定要買sample或者decant試千祈唔好blind buy
雖然Amouage呢個牌子係中東牌子
但完全唔會有中東香水常見嘅人工感同重香料
好多枝都做得華麗又有新意
而且grey market價可以平過專櫃價一半
進階niche perfume玩家真係必須要試

Sor呢兩日比較忙搞到寫咗好耐先覆
如果巴打仲有興趣嘅我遲啲再寫

唔緊要多謝你又打咁多字推介
真係好冷門下完全唔識，未聽過咁濟
不過amouage呢個牌子超貴唔知值唔唔值

男女香都係市場定位嚟
我就男女香都會用
同埋好多niche香水根本就冇分男女
所以唔使比個定位限死嘅
你仲會多咗好多香水玩

不過想問多少少
因為designer brand嚟講好多時woody floral 再加powdery或者musky嘅香水都會target啲比較成熟嘅人
但我諗巴打你咁後生應該都未必太鍾意顯得老成
咁嘅話有啲niche brand或者high end啲嘅designer brand係做到嘅
但個價錢可能會貴啲
某啲香水香港亦未必有得試香
睇下你介唔介意
我可以之後再講嘅

暫時諗到香港有得試香價錢又相宜嘅有呢兩枝
1. Prada - Infusion d’iris
呢枝上面有巴打講過
我自己覺得係枝輕柔皂感嘅香水
開首有橙花香有啲水潤
之後個鳶尾花會慢慢出現令到枝香會帶爽身粉感
到最後會出現雪松所以唔會厚重反而變得輕身乾燥
成枝香水好乾淨好空氣感
咩場合都啱用

2. 100 bon - Cedre & Iris Soyeux
上面都講過100 bon嘅香水
留香短但100ml都係三四百適合入門又唔會咁易同人撞
呢枝雖然同prada嗰枝一樣都用雪松嚟做個木調
但佢嘅雪松係清涼感甚至係有少少藥油味
鳶尾花反而一開始唔算好出
主要係到後面製造乾淨嘅粉感

真係唔好意思幫唔到你幾多
比啲時間我再諗諗

有冇試過byredo無人之境
呢個太貴一定會試左先

求巴打推介幾隻男士夏天香水

曾經識個男仔係噴creed 真係好香加晒分
不過香港冇左舖頭冇得去聞翻係邊隻
要買俾未來老公

巴打真係好尾機
我最近睇啲外國youtube同forum 佢哋都係偏向中意啲成熟同濃味嘅款，例如fucking fabulous 、by the fireplace，如果係flanker就偏向extreme/intense/edp版本。我就自知carry唔起呢啲啦
但係我又唔太鍾意citrus 嗰啲味
反而musk同powdery 都唔錯，俾人感覺乾乾淨淨又唔太大路
我少留意niche 呀，不過high end designer brand 就幾中意
唔該晒巴打

唔該Ching 好詳盡啊

今日試完TF既noir de noir 覺得好正
但係D friend話好女人 唔知入唔入手好

我覺得算中性 自己鐘意就買啦

如果鍾意TF 既white suede 有咩其他類近選擇？

Amouage原價買我就覺得貴嘅
水貨價可以接受
比起某啲同價位嘅niche brand
我覺得Amouage喺藝術感上係贏成條街嘅
但亦都因為咁佢幾難上手
如果初初接觸niche
試佢啲經典作品可能會覺得佢好怪好濃

下次寫啲香港易搵到嘅香水先

冇問題
不過問多少少嘢方便收窄範圍先
有冇話鍾意啲咩notes或者香調？
或者想要點樣嘅感覺？
有冇budget限制或者想要niche定designer brand呢？

歐美地區天氣比較乾爽
同埋外國冇咁睇重男女香嘅分野
欣賞香水嘅人又多啲
所以咪會偏重口味

咁講啦，其實重口味同citrus中間都有好多走盞位
唔一定淨係得musky powdery嘅
例如你可以試一啲主要係green、leather、fougere、chypre甚至incense調嘅香水
一樣都可以斯文乾淨嘅
比少少時間我再推一啲冇咁大路嘅香水比你啦