[JUPAS睇路] 中大中文　送中學位

推

支持支持
呢到對準雙學位，往死裡打

跨範疇同跨院校但同籌疇嘅雙學位本質上已經唔同，係咪可以直接類比?
另外，兩間院校中國語言及文學系嘅學位，定位唔係專研中文，咁應該係研究啲咩?

首先，雙學位應該係一個獨立嘅學位，以中文教育為例，佢張畢業證書同中文系張畢業證書係唔一樣嘅，即係僱主一眼就會知佢係讀中文教育呢個雙學位課程，而唔係中文系，會知大家接受嘅訓練唔完全相同，但今日呢個送中雙學位正正係同學唔需要係中大中文系接受同樣嘅本科訓練，但偏偏可以拎同一張畢業證書，邊個可以確保佢哋接受嘅訓練、程度係同中大中文系嘅同學一致？咁對其他同學公唔公平？

另外，當日都有同學提出過，既然送中嘅同學有好多本科科目並非係中大修讀，咁佢哋係北大讀完嘅學分會點樣Trans返黎中大？會好似Exchange咁計pass唔pass定點？既然分數會有唔同，咁個Hon會點拉？分開係中大北大分別有2個Hon定就咁同中大中文系嘅同學一齊拉？咁點確保到件事係公平嘅？

呢啲問題系方根本未解決到，完全冇答案，就淨係識拎Asso/HD黎答你學校一向有唔同嘅修讀模式，送中只係另一種新嘅模式，而事實上兩者根本唔可以混為一談，Asso/HD升上黎嘅同學的而且確都係係中大讀兩年，但佢哋接受嘅本科訓練同4年制嘅並無大分別，佢哋係要係2年內讀晒所有中文系本科畢業要求嘅學科、學分（據我所知Asso升上黎嘅同學唔洗讀文概，但呢科係1字頭，對拉Hon冇影響），佢哋拎到同一張畢業證書都相對合理，但今日送中嗰班就唔係咁。

今日最大嘅問題其實唔係政治，唔係交流，而係個計劃根本有好多問題未解決到，短短時間已經搵到咁多Bug，實行其間必然會出現更多問題，而系方嘅處理手法卻係堅持硬推，推咗先再算，其實就係係推緊學生去死。

明未？

如果想要每個範疇都識少少
中大中文咪四個範疇仼你reg囉
完全無個種用單一範疇局限學生嘅概念㗎啵
唔好夾硬搵嘢講啦ching

你有無有對兩大中文系，以及雙學位課程內容作出了解？
抑或簡單看到便自行詮釋?

後生仔留名關注

都係嗰句，兩者根本唔可以混為一談。
去2年Exchange本身都唔會拎到另一間大學嘅學位。送中同現時所有「其他修讀模式」都唔可以用黎做類比㗎，睇埋我上面個comment先啦。

推

你都識得講似exchange，咁咪突顯咗個計劃荒謬囉。

鄧思穎真係搞彎中文系！

利申：上過佢堂，但還翻囇俾佢

即係明升暗降啦
明嘅 做咗咁耐都要退落嚟

btw 鄧思穎好似del咗facebook
一諗起佢以前扮親民自拍就覺得噁心

Push

以前同親學生食飯都有相睇㗎喎
依家唔搞形象工程啦？

即係明知件事有好大問題都照搞？
佢哋互相承認唔等於件事公平，唔等於件事冇問題，唔好係度偷換概念啦

鄧思穎唔玩fb轉玩連登?

冇需要啦，位已上

懷疑hiphopman係佢本人，口吻是如此相近

無人話嘗試新事物有問題，但係咪應該要妥善準備，就預視到嘅問題諗咗解決方案先呢？
將所有隱憂拎岀嚟問系方，每次都迴避，兩粒鐘無一條答得岀，你仲同我講嘗試？
為人師表，唔係咁不負責任啊嘛？

聽你口吻都應該grad咗啦，你都可以諗得咁簡單，點叫人唔擔心啲fm俾人賣啊？